إشراقة حضنت رغبه شديد وباسته قالت ليها مبروك البنوتة وأخيراً بقيت حبوبة بقيتيني حبوبه يارغبه رغبه قالت ليها أن شاءالله ربنا يطول في عمرك وتشيلي أولاد احفادك إشراقة قالت ليها امين بس ليه يارغبه لما هاشم عمل كدا م جيتي لي ليه م لجأتي لي يعني انتي م اعتبرتيني أمك ليه م كلمتيني رغبه قالت والله ياخالتو انا وقتها م كنتا بفكر في أي حاجة وم كنتا عايزه امشي اشوف مكان اشوف فيهو هاشم كل يوم إشراقة قالت ليها الحمدلله إنك بخير وجبتي لينا بنوتة زي القمر رغبه قالت ليها سامرين إشراقة قالت ليها منو رغبه قالت ليها سميته سامرين ياخالتو إشراقة إشراقة حضنته وقعدت تبكي قالت ليها رجعتي اسم بتي للحياه من أول وجديد شكراً يارغبه رغبه قالت ليها انا بتك في شكر بين الأم وبتها جا هاشم داخل لقى إشراقة بتبكي قال ليها ماما إشراقة كفاية بكى انحنا نفرح م نبكي كفاية انو دنيتنا جاته بنوتة زي القمر إشراقة قالت ليهو سامرين قصدك هاشم عاين لرغبه لقاها بتعاين ليهو قال ليها سامرين قالت ليهو ايوا سامرين ياهاشم سامرين بتي رغبه سمتها سامرين قال ل رغبه بالجد قالت ليهو مش هي بتي وانا سميتها سامرين هاشم لحظتة م قدر يقول حاجة إشراقة طلعت خلتهم جا ل رغبه وخته ايديهو الاتنين على السرير اتسند عليهم ونزل قرب وشو على وش رغبه قال ليها شكراً لأنك اديتيني أحلى هديتين في الدنيا كلها انتي وسامرين شكراً لأنك لسه بتحبيني يا رغبه شكرآ لأنك م اتخليتي عن حته مني شكراً لأنك حافظتي عليها شكراً لأنك جبتيها على الدنيا وشكراً لأنك لسه رغبتي الأنا بحبها وبعشقه وبموت فيها رغبتي الأنا بموت لو بعدت عني رغبتي البريئة رغبتي الحلوه الكل حاجة فيها حلوة رغبتي الضحكته بتموتني ودمعته بتقتلني رغبتي الطول عمري م اتمنيت حد زي م اتمنية رغبه قالت ليهو هاشم قال ليها ولا كلمة رغبه قالت ليهو م تعاين لي كدا ياهاشم هاشم قال ليها لسه نظرتي بتموتك زي م زمان كنتي بتقولي لي رغبه قالت ليهو سامرين ح تصحى يلا اطلع برا هاشم قال ليها اول جاوبي على سؤالي رغبه قالت ليهو م عندي جواب في أثناء م بيتجادولو باب الغرفة فتح هاشم بعد من رغبه وعاين اتجاه الباب رغبه قالت ليهو اتفضل ياعمار عمار قال ليها حمدالله على السلامه ومبروك البنوتة رغبه قالت ليهو يسلمو ياعمار هاشم كان واقف قال ليهو عمار كمال مبارك عمار عاين ليهو قال ليهو بتعرفني هاشم قال ليهو كنتا دفعتي في الجامعة رغبه كانت بتعاين ل هاشم باستغراب عمار قال ليهو اتذكرتك انت هاشم اول دفعتنا وسلمو على بعض عمار قال ليهو انت بتعرف رغبه ياهاشم هاشم قال ليهو ايوا رغبه دي خطيبتي والبنوتة دي بتي اتفاجأ قال ليهو انت الكانت بتتكلم عنو وحكت لي عليهو خاله قال ليهو ايوا انا رغبه كانت ساكته خالد زوجتو نورها ولدت جابت ولد زي القمر والفرحة م كانت سايعاهم محمد كان بوزع في الحلاوه لكل المستشفى كان فرحان ب بنوته هاشم وولد خالد جات الممرضه لقت لسه هاشم قاعد أدت رغبه ادويته هاشم قال ليها لسه م ح تطلع قالت ليهو ح تقعد معانا 24 ساعه عشان نطمن على حاله لانها تعبت شوية أثناء الولاده وبعدها نخرجة هاشم قال ليها طيب إشراقة ساقت سعاد مشو البيت وهاشم فضل مع رغبه الصباح تاني جو راجعين الدكتور كتب ليها خروج إشراقة أصرت انو لازم تمشي البيت بعد ضغط رغبه وافقت وطلعو من المستشفى والبنوتة معاهم خالد سمى الولد هاشم محمد اتصل على هاشم قال ليهو انت م عايز تجي تشوف سميك هاشم قال ليهو سميي منو محمد قال ليهو خالد سمى عليك هاشم قال ليهو يعني في هاشم صغير شرف محمد قال ليهو طبعاً افرح ياعم هاشم وسامرين ومولودين في نفس اليوم مفروض تعمل ليهم خطوبة طوالي هاشم قال ليهو بطل تخريف يامحمد رغبه كانت بتتكلم مع إشراقة واشراقة قالت ليها يارغبه خلاص سامحيهو هاشم عرف غلطتو رغبه قالت ليها ياخالتو إشراقة هاشم دا كسرني إشراقة قالت ليها يابتي خلاص اعترف بغلطو كفاية هاشم جا داخل وقال ليهم بتي الحلوه لسه نايمة رغبه قالت ليهو كفاية بتساهر بي الليل خليها تنوم النهار هاشم قال ليها من هسي تطلع شريرة زي ابوها قالت ليهو واضح إشراقة طلعت خلتهم هاشم جا ل رغبه وقرب منها قال ليها سامحيني رغبه قالت ليهو أبعد قال ليها لا إلا تسامحيني رغبه قالت ليهو انت جنيت ياهاشم ولحظته حضنه عليهو لحظته رغبه م اتحركت وهاشم فضل حاضنة شديد وهي بقت تقول ليهو ياهاشم سامرين ح تصحى هاشم قال ليها خليها تصحى عشان تشوف ابوها وأمها بحبو بعض كيف قالت ليهو ح تفكني ولا اصرخ قال ليها صرخي عشان الكل يشوفو رغبه قالت ليهو فكني ياهاشم وم تخليك غياظ قال ليها طيب سامحيني قولي لي سامحتك قالت ليهو لا هاشم قال ليها طيب م تقولي لي فكني رغبه قالت ليهو انت ليه كدا فكني قال ليها سامحيني يارغبتي عشان خاطر بتنا سامرين خلينا نتلمى مع بعض تلاتتنا ونعيش كلنا زينا زي أي أسره رغبه قالت ليهو عايز شنو قال ليها عايز نتزوج قالت ليهو طيب فكني قال ليها وافقي يلا افكك رغبه قالت ليهو بشرط هاشم قال ليها الشرط شنو قالت ليهو تفكني يلا أوافق قال ليها طيب فكيتيك يلا وافقي قالت ليهو موافقة هاشم قال ليها انا سمعتك صاح يارغبه رغبه قالت ليهو سمعته صاح وانا وافقته عشان بتي م عشانك
يتبع....
