محمد قال ليهو بتتذكر ياعلي لما حكيت ليكم عن رغبه اللقاها في الشارع وقعده مع خالتو علي قال ليهو أي بتذكر محمد قال ليهو شكلها البت عملت فيهو عمايل وعملت فيني انا كمان علي قال ليهو عليك الله يامحمد خليك جادي في يوم واحد بطل هظار محمد قال ليهو والله جادي شكلها البت دي ح تخلي هاشم يرجع يعيش من أول وجديد احساسي عمرو م بكذب علي تتخيل ياعلي بقول ليها رغبتي علي ضحك قال ليهو جد محمد قال ليهو قال ليها كدا قدامي علي قال ليهو والله ان شاءالله يكون جد محمد قال ليهو بس البت تستاهل علي قال ليهو راحت عليك وضحك محمد قال ليهو طول عمري م محظوظ هاشم طول الليل يتقلب بفكر في رغبه مرة يكذب احساسو مره يستسلم هتان كانت بتحكي ل سلمى عن هاشم وانو هو عرفه على خالتو رغبه م نامت كانت بتسال في نفسها الإحساس الجواها دا شنو وليه زعلت لمى إشراقة قالت كدا وليه غضبت لما شافت هاشم مع هتان الصباح جا وكان أطول ليل بالنسبة لي الثلاثي هتان هاشم رغبه هاشم كان عايز يشوف رغبه ليه كانت بتبكي لانو متأكد من أنها فعلاً كانت بتبكي بس خبخبت عليهو جا البيت لقى رغبه عيونه وارمه قال ليها أمس قلتي م قاعده تبكي شوفي عيونك إشراقة قالت ليهو من الصباح بسال فيها م عايزة ترد هاشم قال ليها احكي مالك ساكته رغبه قالت ليهو مشتاقة لي ماما بالجد مشتاقة ليها ورجعت تبكي هاشم قال ليها يلا نمشي ليها في البيت قالت ليهو شنو قال ليها قلت ليك يلا نمشي ليها في البيت قالت ليهو لا لا م عايزه اشوف راجله انا بخاف منو خايفة يرجع تاني يأذيني هاشم قال ليها يتجرأ ويعمل كدا انا ح امحيهو وقلتة ليك اكتر من الف مرة طول م انا معاك ماف حد بيقدر يأذيك عاينت ليهو والدموع في عيونه قالت ليهو اوعى تسيبني ياهاشم قال ليها انتي هبلة اسيبك كيف يلا نمشي قالت ليهو طيب البس واجي قال ليها يلا سريع إشراقة قالت ليهو ياهاشم انت بتقول شنو هاشم قال ليها ياماما إشراقة لازم تشوف أمها دي أمها لو طال الزمن أو قصر هي ح تشوفه وم ح تقدر تنساها قالت ليهو ح تجيب مشاكل لنفسك مع راجل أمها قال ليها خلي يفتح خشمو يتكلم الواطي دا عشان اوديهو ورا الشمس كفاية انو دمر بت بريئة تاني عاوز شنو قالت ليهو ربنا يستر رغبه طلعت قالت ليهو جاهزة لابسة عباية سودا ولافه الطرحه واسبورت كانت ملاك هاشم كل م تقرب منو خطوه قلبو بضرب بزيادة كان سرحان فيها جواهو بيقول ياهاشم اهدأ ح تكشفك كدا ليه بتعملي فيني كدا يا رغبه انا خلاص م قادر اقاومك اكتر قالت ليهو هاشم قال ليها نعم قالت ليهو انا خلاص قال ليها يلا نمشي طلعو اول م اتحركو هاشم قال ليها م عايزك تخافي ومسك ايدا وقتها الاتنين قلبهم بدأ يضرب بسرعة رغبه اتوترت هاشم وقتها رفع ايدو بدت توصف ليهو لحد لما قربو للبيت بدت تبكي هاشم قال ليها اوعى يارغبه إلا دموعك والله م ح استحمل اشوف دموعك اوعى تبكي لو م عايزة خلينا نرجع قالت لا خلاص انا م ح ابكي اقيف هدا البيت وقف وقال ليها اتذكري انا معاك نزلو هاشم ضرب الباب رغبه كانت واقفة وراهو لأنها حاسة بالأمان وحاسة انو هو م ح يقدر يأذيها راجل أمها فجأة الباب اتفتح شافتو لقتو هو لما شافه قعد يصرخ قال ليها جيتي يافاجرة هاشم قال ليهو ولا كلمة لو زدتها حرف بس م تلوم إلا نفسك رغبه كانت ماسكة في هاشم كأنها بيبي صغير راجل أمها قال ليهو وانت تطلع منو هاشم قال ليهو م دخلك اطلع الاطلعو مع الجوطة أم رغبه جات جارية لما شافت رغبه بدت تبكي وجات عليها حضنته وقعدو يبكو الاتنين أم رغبه قالت ليها مشيتي وين وقطعتي قلبي لي زمن بطلع بفتش عنك في الشوارع أسفه سامحيني لاني م قدرته احميك رغبه قالت ليها والله ياماما م قدرتة استحمل هاشم عيونو دمعت من بكاهم بس راجل أمها جرا أمها وقال ليها ادخلي جوا واعتبريها ماتت هاشم قال ليهو انت كلامي البقولو من قبيل دا م فهمتو صاح هاشم اتصل تلفون ل صحبو ضابط قال ليهو في حد عايزو يتادب ووصف ليهو الراجل بقى يرجف وقال ليهو م مستاهلة احسن نحلها بينا هاشم قال ليهو متأكد قال ليهو ايوا متأكد اتفضلو دخلو ورغبه كانت قاعده جنب أمها حلفت تزح هاشم كان بعاين ليها وهو مبسوط رغبه قالت ليهو انت اتاخرتة على الشغل امشي قال ليها اخليك وين هنا مستحيل أم رغبه قالت ليها م اتعرفتة عليك ياولدي انت منو رغبه قعدت تحكي ليها بعدها أم رغبه قالت ليهو شكراً ياهاشم ياولدي لأنك بقيت لبتي أخو وبقيت ليها احسن من القريب قال ليها ياخاله ليه بتقولي كدا رغبه بقت اكتر من اختي وقتها راجل أمها لرغبه قاعد بعاين بعينو لحد لما ناس رغبه قامو ماشين هاشم أدى العنوان لي أم رغبه بالمناسبة أسمها سعاد عشان كل م تكون عايزه تشوف رغبه تجي وطلعو مشو رغبه في الشارع كانت بتقول ل هاشم انت ملاكي الربنا بعتو لي من السماء هاشم قال ليها وانتي رغبتي الهبله قالت ليهو انت م ح تبطل صاح قال ليها لا قالت ليهو ح تفضل طول عمرك غياظ قالت ليهو على فكرة جامعتي الاسبوع الجاي قال ليها متذكر وانا ح اوصلك واجيبك قالت ليهو ح امشي واجي بالمواصلات قال ليها ولا تفكري اصلا انا الشوفير تبعك الخاص قالت ليهو أفكر اذا ح استحمل كل يوم اصطبح بوشك دا ولا لا وضحكت قال ليها شايفك بقيتي زي قالت ليهو من تابع قوماً قال ليها يلا نفطر قالت ليهو يلا قضوا الوقت كلو ضحك وونسة هاشم أتمنى اليوم م ينتهي علي كان بحاول يتكلم مع وتين بس لما عرفت دا علي قفلت الخط في وشو وقفلت تلفونه وقعدت تبكي وتقول ليه ياعلي جيت راجع ليه جيت عشان تذكرني ليه جيت عشان تفتح وجعي الأنا نسيتو لحد لما جات صاحبته معاها في الشغل لقته بتبكي قالت ليها مالك ياوتين وتين قالت ليها ماف حاجة ياسهير علي قال ياربي انا السبب مقارنةً بالعذاب إلهي اتعذبتو عذابي ولا شي محمد اتصل على هاشم هاشم رد محمد قال ليهو شايفك بقيت متسيب ياهاشم أن شاءالله م يكون رغبه السبب وقعد يضحك هاشم قال ليهو انت واحد ح تفضل حيوان يعني ح انتظر منك شنو يلا بكرا نتلاقى وقفل رغبه قالت ليهو انا عايزة امشي البيت هاشم قال ليها تعالي نخلص اليوم واوديك سينما قالت ليهو نحضر فيلم قال ليها ايوا قالت ليهو موافقة اتحركو مشو السينما كان الفيلم رومانسي اول م بدأ الفيلم كل الناس سكتت رغبه كانت خجلانه من حركات البطل وكانت بتغطي عيونه هاشم كان عاجباهو حركته كان بقول بريئة وعمرو ماف حد يقدر ياخد منك برائتك يارغبه بوعدك وانا عمري م اسيبك لما البطله كانت بتقول لحبيبة بحبك وقتها رغبه فهمت يعني شنو حب من خلال تصرفات البطلة وقتها قالت يعني الجواي دا حب بس كيف ومتين الفيلم انتهى والوقت اتأخر هاشم قال ليها يلا نمشي لأننا اتاخرنا وماما إشراقة بتكون خافت علينا مع اني طمنتها
يتبع.....
