هاشم قال ليها إلا دموعك يارغبه ونزل مسك ليها راسة وقاعد يبوسة في راسة وببكي زي الشافع وبيقول ليها سامحينى يارغبه سامحيني انتي والبيبي على كل لحظة وجع سامحيني لاني عيشتك كل الوجع دا من غير م أكون جنبك سامحيني لاني م قدرته أمسك نفسي سامحيني لاني م قدرته اقيف يارغبه سامحيني لاني وجعتك ودمرتك وكسرتك واذيتك دموعو كانت بتنزل على رغبه زي النار ورغبه كمان كانت بتبكي بحرقة وبتقول ليهو انت اذيتني شديد ياهاشم انت اذيتني ياهاشم ودي النتيجة شوف انا وصلته وين حتى البيبي الفي بطني الكنا بنحلم بيهو مع بعض انا م فرحانة بيهو لاني خايفة اربيهو براي ولما يكبر يسألني منك وقتها ح يكون م عندي إجابة لسؤالو وح يتربى من غير أب حتى الشهور الأنا بعدته فيهم كنتا م قادرة أنساك وانساك كيف اذا في حته منك جواي وعمرها م ح تخليني أنساك انت دمرتني ياهاشم وشيلتني هموم كبرتني مية سنة فوق عمري هاشم قال ليها سامحيني يارغبتي سامحيني عشان اقدر اعوضك الفرح بدل كل الوجع الانتي عشتيهو بسببي سامحيني لاني اصلا من غيرك ولا حاجة انا كنتا طول الشهور الفاتت بطلع بفتش عليك في الشوارع بقول احتمال اصادفك حتى بيتكم انا بمشي يومي بلقى رنين بتبكي بقول احتمال ترجعو بس في كل مرة برجع مكسور بس م فقدته املي في اني القاك سعاد كانت واقفة وبتبكي لبكاهم هما الاتنين رغبه كانت بتتوجع وزياده عليها البكى سعاد جات قالت ل هاشم رغبه بتتوجع ليها اكتر من عشرين ساعة وقالو بعد تخلص اليوم لو م ولدت طبيعي ح يدخلوها عملية هاشم مسح دموعو وقال ليها أن شاءالله م ح يحصل ويحتاجو تدخل عمليه انا بعرف رغبه قوية ولا كلامي غلط قالت ليهو أن شاءالله م احتاج لعملية هاشم للحظة خته ايدو على بطن رغبه واتحسسه قال ليها الفي بطنك دا البيبي بتاعي يعني بعد ساعات انا ح أكون بابا اتحرمته من اكتر وقت كان مفروض أكون فيهو جنبك بس ح احضر أحلى لحظة في العمر كلو لحظة بحلم بيها أي إنسان انا ح احضر ولادة اول لي بيبي ح يجي على الدنيا رغبه قالت ليهو دا ولدي انا براي وم تحلم إنك تشاركني فيهو ي هاشم هاشم قال ليها بحياتك م ح تسامحيني صاح قالت ليهو اطلع ياهاشم اطلع م عايزه اشوفك سعاد قالت ل هاشم اطلع اصلا هي بتتوجع وتعبانه هاشم طلع كان مبسوط لانو لقى رغبه وزعلان لانو رغبه لسة م سامحتو خالد جا لقاهو قاعد برا قال ليهو انت وين ياهاشم مشيت هاشم قال ليهو تتخيل انو انا كمان ح أكون اب معاك سوا ياخالد خالد قال ليهو بتخرف اب شنو يازول متين اتزوجته انت هاشم قال ليهو رغبه راقدة جوا في الغرفه بتتوجع عايزه تلد خالد قال ليهو رغبه متين بقت حامل وهي مشت وانت م عارف مكانه هاشم حكى ليهو هي ليه مشت وقتها خالد قال ليهو الحمدلله ياهاشم على كل حال وحالياً يازول خلي همك في إنك كيف تقدر تخليها تسامحك بس م مصدق إنك ح تبقى اب كدا ساي ياهاشم لقيته بالساهل والله وقعد يضحك هاشم قال ليهو لا بالعكس دفعته التمن غالي ياخالد خالد قال ليهو م تشيل هم هاشم طلع التلفون واتصل على محمد قال ليهو تعالني في المستشفى محمد قال ليهو مالك عيان هاشم قال ليهو انا لو عيان البجيبني مستشفى الولادة شنو انت م ح تبطل الغباء الفيك دا يامحمد محمد ضحك قال ليهو قلته احتمال تكون هاشم قال ليهو تمها عشان اجيك انا ارقدك مستشفى بدل م تجيني انت محمد قال ليهو طيب سكته وساعة وح أكون عندك سعاد قالت ل رغبه الوجع زاد رغبه قالت ليها وجعي الكبير هاشم ياماما انتي جبتيهو من وين هاشم هسي عرف وانا تاني م بقدر أبعد حتى لو عايزة وهو ح يقرب بحجة الولد الفي بطني سعاد قالت ليها شفتو صدفة واترجاني اني أوريهو مكانك وحكيت ليهو رغبه قالت ليها هاشم دا زي قدري مكان م امشي بلقاهو محمد وصل لقى خالد وهاشم قاعدين ه ليهم مالكم خير خالد قال ليهو نسوانا عايزين يضعوو محمد قال ليهو دقيقة انت صاح مرتك ح تلد طيب هاشم جبته لي مره من وين لصقتها فيهو خالد قال ليهو رغبه محمد قال ل هاشم رغبه وقعد يقول ليهو اكيد م جادي هاشم قال ليهو كلامو صاح اتلاقيت مع خاله سعاد بالصدفه هنا واكتشفته انو رغبه حامل مني وهسي بتتوجع عايزه تلد محمد قال ليهو انا م قادر أصدق يعني عملتها ياهاشم ومن مرة واحده ظبطت معاك ياولد يامحظوظ انت هاشم قال ليهو تصدق إنك واحد عمرك م ح تبقى بني آدم محمد قال ليهو يعني اقول شنو خالد قاعد يضحك وقال لي محمد كلامك صح هاشم قال ليهم م عايزه تسامحني حتى م عايزه تشوفني محمد قال ليهو الحصل ليها منك م ساهل يتنسي أو تغفرو ليك بالسهولة دي اصبر وخليك وراها واوعى تخليها تضيع منك تاني هاشم قال ليهو مستحيل هاشم قال ليهم انا عايز امشي اشوفه هاشم وصل الغرفه لقى رغبه من الوجع معرقه وبتبكي وماسكة ايد أمها هاشم مشى نادا الدكتور قال ليهو تعبانه الدكتور قال ليهو انت زوجها هاشم قال ليهو ايوا انا زوجها الدكتور جا شافه قال ليها ح أكلم الممرضه تجهزك لانو ولادتك قربت وطلع هاشم قال ليها هانت قالت ليهو كل العايزاهو انو يطلع عشان ارتاح وخلاص حاسة نفسي ح اموت هاشم قال ليها اوعى تقولي كدا بعيد الشر رغبه قالت ليهو حتى ملامحي اتغيرت صاح ياهاشم هاشم قال ليها على أحلى اكيد وانتي زي م انتي وبعد الولاده ح ترجعي رغبه الأنا بعرفه جات الممرضة وقالت ليهو اطلع برا عشان اجهزا طلع برا ل خالد ومحمد قال ليهم ح يدخلوها عشان تلد محمد قال ليهو وأخيراً ح ابقى عم وانت ح تكون أول واحد يبقى أب هاشم اتصل على إشراقة وحكى ليها إشراقة إشراقة قالت ليهو جاياك رغبه دخلت غرفه الولادة هاشم ومحمد وخالد واقفين برا مقلقين لدرجة هاشم م فضل إلا يدخل جوا الغرفه بس الممرضة قالت ليهو م تخاف قربت تخلص الولاده بعد شوية سعاد جات شايلة البيبي هاشم جرا عليها قالت ليهو بت شاله منها وقعد يبكي كان على شوية ح يقع محمد وخالد قالو ليهو مبرووك وان شاءالله تتربى في عزك ومسكوهو قالو ليهو هاشم البنوتة ح تقع منك كفاية اسكت اخد نفسو شوية وقعد يشم في ريحته وأذن ليها وقال ل سعاد حمدالله على سلامة رغبه ومبروك البنوتة سعاد قالت ليهو أن شاءالله تتربى في عزكم رغبة طلعوها على الغرفة إشراقة جات لقت هاشم شايل البنوتة قعدت تزغرد وشالت منو البت وباركت ليهو وسلمت على سعاد وباركت ليها سعاد مشت ل رغبه في الغرفه لسة كانت تعبانه رغبه قالت ليها وينها بتي سعاد قالت ليها عند ابوها قالت ليها جيبيها لي هاشم جا داخل شايل البت رقده جنب رغبه وقال ليها مبرووك البنوتة مبروك لينا بتنا قالت ليهو شكراً بس بتي انا باسه في رأسه وقرأ ليها وقال ليها الممرضة قالت ليك رضعي البنوتة قالت ليهو طيب اطلع عشان ارضعه طلع وقتها رغبه كانت بتعاين في بتها وبتقول ليها مرحبا يابتي مرحب بيك في حياتي الكلها وجع يارب يابتي حياتك م تكون زي حياتي أن شاءالله حياتك تكون أحلى وخالية من أي وجع انا بحبك ياسامرين انتي كل حياتي انتي دوا وجعي انتي فرحتي وبدت ترضع فيها إشراقة جات داخله
يتبع.....
