هتان قالت ليها اسمعيني يارغبه الحاجة دي طبيعية جداً ومخلوقه فينا عشان تكملنا عشان الحياه تقدر تستمر عشانا نقدر نتزوج في الحلال ونقدر نشبعه الإحساس دا جوه أي إنسان طبيعي يارغبه م براك بس رغبه قالت ليها يعني هاشم كان بحصل ليهو كدا معناها كان بفكر فيني كدا وانو عايزني يداب فهمتة كلمة انا عايزك البقوله لي ياهتان هتان قالت ليها طبيعي لانو بحبك وعايزك وهو م غلط معاك يارغبه بس ياهتان كدا عيب وم ينفع قالت ليها هو حتى لو عايز يعمل معاك كدا انا متاكده ح يكون عايز يعمل معاك كدا في الحلال دا هاشم يارغبه يعني هاشم الأنا وانتي بنعرفو رغبه قالت ليها اصلا انا م بشكك في اخلاقو لاني اكتر انسانه بفهمو هتان قالت ليها اتزوجيهو يارغبه وكلمي جامعه من بيتك وهاشم ح يساعدك في دراستك وم ح يخليك إلا لما تخلصي وتتخرجي رغبه قالت ليها بس ياهتان مسؤلية البيت وكمان ح يكون فيها حمل وولاده الحكاية ح تكون صعبه علي هتان قالت ليها لو على شغل البيت هاشم م بغلبو يجيب ليك وحده تساعدك في شغل البيت الحمل والولاده هما م صعبات زي م انتي متخيلة واصلا انتي شغالة أربعة يوم في الأسبوع يعني ح يكون عندك زمن تهتمي بنفسك وبيتك وهاشم ح يوصلك لما يكون طالع الصباح وح يجيبك معاهو لما بيطلع آخر الدوام بس ياهتان خايفاهو يمل من الحكاية دي هتان قالت ليها دا هاشم يا رغبه م مله منك وانتي حبيبتو ح يمل منك وانتي مرتو فكري يارغبه هاشم محتاج ليك تكوني جنبو م تحرميهو وتخليهو ينتظر سنين في عز كلامهم هاشم اتصل على رغبه رغبه قالت لي هتان ود الحلال عند ذكرو ببان ردت عليهو قال ليها حبيبتي رغبه قالت ليهو هاشم تعالا نعرس هاشم قال ليها شنو وهناك هتان ميته بالضحك رغبه ختت ايدا على السماعه قالت ليها مش دا كلامك هتان قالت ليها بس م بالسرعة دي ياهبلة قلته ليك فكري قالت ليها م انتي عارفاني رجعت قالت لي هاشم تعالا نعرس م سمعتني قال ليها انا م قادر أصدق انو دي انتي انا مصدوم من الفرحة قالت ليهو يا توافق يا اغير رأي قال ليها ماف حاجة إسمها اغير رأي انا موافق والليلة قبل بكرا كمان انا بكرا ح اجي أتكلم مع ماما إشراقة وح اتصل على خالتو سعاد وبعد مناسبة علي نمشي نطلبك منها ونعمل خطوبة قبل عرس محمد وبعدها نعمل عرسنا بعد محمد وعلي يجو من شهر العسل قالت ليهو موافقة بس ياهاشم اوعدني إنك م ح تمل من قرايتي ولا ح تمل مني لما أهمل نفسي مع زحمة القراية هاشم قال ليها انتي م عارفة انا بحبك قدر كيف أمل منك كيف وانتي الهوا الأنا بتنفسو انا كل العايزو انا وانتي نكون مع بعض قالت ليهو انا بحبك ياهاشم والله العظيم بحبك اكيد انا عملته حاجة حلوه في حياتي عشان ربنا يرضى عني كدا ويبعتك لي هاشم قال ليها انا بموت فيك يارغبه وربنا يلمنا بحلالو ونجيب أولاد كتيرين وأول بنوته ح نسميها سامرين قالت ليهو سامرين قال ليها ايوا سامرين يارغبه م عشاني انا عشان ماما إشراقة قالت ليهو ح نسميها سامرين ياهاشم قال ليها ربنا لا يحرمني منك عدت الأيام سامر كان نظراتو ل هتان غير حتى رغبه لاحظت وبقت تشغله ل هتان انو سامر مكسر فيها هاشم واشراقة طلبو رغبه من سعاد رسمياً صادف يوم حنة علي هاشم طول اليوم كان مع علي هو وباقي الشله وكانو مبسوطين جات الجمعة يوم الزفاف هاشم جا عشان يسوق رغبه هتان واشراقة مشو مع سامر الصالة اول م هاشم وصل لقى رغبه مستنياهو في الصالة اول م شافه قال ياحفيظ احفظ رغبه تعالي قالت ليهو الفستان حلو قال ليها دا حلو وبس دا ح ياكل منك حته والحجاب والملامح ماشاءالله تعالي احصنك هاشم حضن رغبه وبقى يقرأ ليها في رأسه خلص باسه في راسة وقال ليها يلا طلعو وصلو الصالة لقى الضيوف يداب قاعدين يوصلو رغبه قعدت مع إشراقة وهتان ورنا كلهم قاعدين مع بعض قعدت معاهم سلمت على رنا وهاشم قعد مع خالد وزوجتو خالد قال لي هاشم دي رغبه صاح هاشم قال ليهو ايوا دي رغبه خالد قال ليهو انت اكتر واحد محظوظ فينا البت دي كأنها ملاك شارد من الجنة أمسك فيها باسنانك هاشم قال ليهو انا بهمني قلبها اكتر من جماله الحفلة بدت وكان محمد ومازن مع علي عشان يستلمو العروس من الكوفير علي اول م شاف وتين محمد قال ليهو ملاكك جات علي قال ليهو فعلاً ملاك مشى علي مسكه من راسة حصنه وباسه قال ليها مبرووك يامرتي ياحلالي قالت ليهو مبروك لينا الاتنين قال ليها انتي ليه طالعة حلوه كدا قال ليها خايف عليك من العين تصيبك قالت ليهو م تخاف محمد قال ليهو اتحرك ياابوعلي كمل كلامك بعدين يلا علي قال ليها دايماً فاضحني يلا ياوتين اتحركو وصلو الصالة الزفه وصوت الزغاريد هاشم كان بعاين ل رغبه وبقول ليها عقبالنا وهي بتضحك خلصت الحفلة والجرتق بدأ هاشم قال لي خالتو إشراقة انا عايز الفال قالت ليهو تعمل بيهو شنو يا هاشم قال ليها عايز اديهو ل رغبه إشراقة قالت ليهو عقبال فالكم أن شاءالله خلص الجرتق والعرسان طلعو هاشم وصلهم الشقة الح يقعدو فيها أسبوع وبعدها يوم السبت ح يسافرو مع محمد ومنى مع بعض رغبه كانت معاهو عايزين ينزلو وتين قالت ل رغبه الوقت اتأخر خليك وامشي الصباح هاشم ضحك وقال ليها رغبه م بتحلك يلا قدامي يارغبه علي كان بضحك قال ليهم تصبحو على خير هاشم قال ليهو أبشر ياعريس يلا تصبحو على خير ونزلو رغبه كانت بتضحك هاشم قال ليها اضحكي كويس الدور عليك وقتها الح يمسكني منك منو قالت ليهو على فكرة انت واحد غياظ اوعى تخوفني ياهاشم عشان م اغير رأي علي ووتين كانو قاعدين الاتنين ساكتين علي قرب عليها قال ليها م مصدق إنك بقيتي مرتي قالت ليهو وانا كنتا فاكرة اني خسرتك قال ليها تاني عمرك م ح تخسريني وبعدها حصل الحصل الصباح هاشم اتصل على رغبه قال ليها يلا اجهزي انا جاي اخطفك عشان انا قررتة انو مناسبتنا ح تكون يوم 10 في الشهر البعد الجاي قالت ليهو ليه قريب كدا قال ليها الليلة يوم 23 عندك شهر و نص عشان تجهزي قالت ليهو والجامعة واتحبس كيف معاها قال ليها ساهلة جداً انا ح أحلها يلا ورانا حجات كتيرة ابتداءاً من فرش البيت حقنا من أول وجديد وخطوبتنا الح تكون يوم التلات يلا اجهزي انا جاييك اتصلته على خالتو سعاد كلمتها قلته ليها ح نجيها في البيت وانا عايز اشوف رنين انتي ناسية اني م شفتها قالت ليهو ذكرتني رنين لاني أمس وعدتها اني اسوقه السوق اشتري ليها حجات قال ليها طيب نسوقه معانا بس انتي جهزي علي ووتين صحو علي قال ليها صباح الخير يااحلى عروس يافرحة ايامي الجاية قالت ليهو صباح النور قبل م يخلص كلامو تلفونو رنه قال دا منو الثقيل دا شاف التلفون لقاهو مازن رد عليهو مازن قال ليهو صباح الخير علي قال ليهو ليه انت رزيل كدا يامازن وليه انا مصاحبك انا عريس أفهم ياخ انا يداب دا اول لي يوم مازن قال ليهو خلاص بقيتوني رزيل يخرب بيت العرس على بيوتكم ياعواليق يلا اقطع وشك غلطان انا وقفل الخط وتين قاعده تضحك قالت ليهو حرام عليك ياعلي مازن دا طيباني ياخ قال ليها عارف بس بتاع حركات هاشم ورغبه مشو بيت أمها قعدو هاشم كلم سعاد بالتفاصيل وقال ليها ح أجيب ليك كل حجات بتك ياخالتو سعاد حسب الأصول والعادات لكن كونو رغبه تجي تقعد هنا لا ياخالتو انا م بضمن البني أدم دا سعاد قالت ليهو ليك حق هاشم قال ليها وزيك زي اي أم ح تفرح ب بتها وح تتزفه بتك من هنا وانا م ح احرمك من دا وح تتعمل أكبر مناسبة عندك هنا وحفلة الحنة ح تتعمل عندك هنا بس رغبه انا ح اجيبه وارجعة م ح اخليها تبيت هنا قالت ليهو طيب موافقة رغبه كانت مبسوطة وبتعاين ل هاشم عاين ليها قالت ليهو شكراً بصوت واطي بنفس الصوت قال ليها بحبك في أثناء قعدتهم رنين جات داخلة صرخت لما شافت رغبه وحضنته بعدها هاشم قال ليها ازيك يارنو رغبه قالت ليها دا هاشم الحكيت ليك عنو رنين سلمت عليهو هاشم اتونس معاها وبعدها طلعو كلهم مشو السوق خلصو رجعو رنين وبعدها هاشم ساق رغبه عشان تشوف البيت وتغير فيهو الحاجة العايزاها
يتبع......
