هاشم طلع وخلي وراهو عطرو مالي المكان وكأنو رغبه كانت في جواها حاجة اتحركت بي كانت بتحاول تكذب نفسه وترجع تقول هو مستحيل يكون الحاجة الأنا بفكر فيها مجرد إعجاب وبس إشراقة قطعت تفكيره قالت ليها يارغبه يلا اجهزي عشان نمشي السوق قالت ليها حاضر ياخالتو إشراقة هاشم في الشارع اتصل على محمد قال ليهو وين انت انا قربتة أصل قال ليهو انا كمان قربتة أصل نتلاقى هناك محمد وهاشم وصلو مع بعض رنا جات مع محمد اول م شافت هاشم م قدرت تنزل عينه من عليهو بينه وبين نفسها كانت بتقول يارب بقيهو من نصيبي يارب م حصل طلبته منك طلب بس هاشم يبقى حلالي يحبني زي م بحبو هاشم قطع عليها دعوته قال ليها رنوش بتفكري في شنو سلامات سلمت عليهو دخلو سلمو على ناس البيت وقعدو وقتها جات باقي الشلة بتاعت هاشم مازن رفض يسلم على هاشم بسبب أخر موقف بينهم بس هاشم أصر انو يسلم عليهو ويصالحو وفعلاً بعد ضغط من هاشم مازن سلم على هاشم وبعدها هاشم قال ليهو افهمني يا المغلبني معاك انا عايز مصلحتك وم عايزك في يوم تتوجع في حاجة انت بتحبها صدقني احساس وجع الحاجة الانتا بتعشقة بموت في الثانية الف مرة انا م عايزك تتوجع بسبب تصرفات طايشة بعدين ح تكون سبب في وجعك انتو اخواني الأنا بحبهم وم برضى فيهم انتو بقيتو لي اكتر من أهلي واكتر من اخوان بالنسبة لي وم عايز حد فيكم يتأذي مازن قال ليهو انت عارف بالنسبة لي شنو واكتر إنسان قريب لي وأنا عارف إنك لو م بتعزني م كنتا ح تتكلم معاي ويازول حصل خير وربنا يهدينا ويجي اليوم النفرح فيهو لبعض وانت اولنا يازول هاشم ضحك وقال ليهو انا دا كفاني كدا انتو شدو حيلكم والقو بنات الحلال مازن وعلي ومحمد قالو ليهو امين ياخ نفسنا نتلمى خلاص كفانا بورة قامو يضحكو وبقو يتونسو وفي السوق هناك كانت إشراقة ورغبه بشترو في الحجات واشراقة اشترت لرغبه كمية من الملابس والعطور وكل حجات البنات رغبه كانت خجلانه من كرم إشراقة وهاشم كانت بتقول ليها أن شاءالله يجي اليوم الأقدر ارد ليكم فيهو جمايلكم معاي ياخالتو إشراقة إشراقة قالت ليها يابتي انتي بقيتي لي بت وتقلتي علي البيت براها بالدنيا وانا والله بمسكك زي بتي واكتر
وان شاء الله انا م بقصر منك رغبه قالت ليها الله لا يحرمني منك ياخالتو إشراقة في الداخلية هناك هتان كانت بتتكلم مع سلمى قالت ليها انا م قادرة اشيل هاشم من بالي من يوم الموقف المعاي صورتو م قادرة تختفي من بالي ليل نهار بفكر فيهو برأيك انا حبيتو ياسلمى ياترى دا حب ولا شنو بس حتى لو انا حبيتو هو ح يحب حده كانت مفكره أنها تبيع شرفه عشان القروش طبعاً مستحيل ياسلمى يفكر فيني وانا لو حبيتو بالجد ح اتعذب والله العظيم ح اتعذب يارب أن شاءالله يكون هو إحساس وح يعدي سلمى قالت ليها من خلال موقفو الحكيتي لي الولد دا معدنو نادر ومستحيل يكون في حد بشبهو بس ياهتان لو بالجد ربنا كاتب ليك فيهو الخير أن شاءالله ياهتان ح يكون ليك وربنا يرزقك على قدر نياتك ياهتان انتي جميلة شديد وطيبة وقلبك ابيض وانا متأكدة ح يجيك اليستاهلك بامارة ربنا رمى في طريقك هاشم عشان تشوفي ربنا كريم ومعاك وخلي ثقتك في ربنا كبيره رغبه واشراقة وصلو البيت بعد التعب ولف السوق هاشم وشلتو حضرو العقد والحفلة بدت وكل البنات في الصالة كانو بتغامزو وعيونهم في هاشم رنا كانت جواها مبسوطة وبتقول يابختك يارنوش لو هاشم بقى نصيبك البنات ح يموتو من غيظم بس وانا مالي بيهم ربنا يحنن قلبك علي ياهاشم الحفلة خلصت وطلعو كلهم مع بعض الشلة قالو ح يمشو شارع النيل هاشم قال ليهم انا تعبان ح امشي البيت رنا قالت ليهو خلاص وصلني معاك قال ليها طيب يلا اتحركو وصله بعدها نزل الاستور اشترى أجمل تلفون وشالو معاهو البيت اول م وصل لقى إشراقة نايمة من تعب السوق ولقى رغبه بتحضر في مسلسله سلم عليها قامت جابت ليهو موية وقعدت مدا ليها التلفون رغبه قالت ليهو دا شنو قال ليها تلفون قالت ليهو بس انا م عايزه تلفون قال ليها غصب ح تاخدي بدل قاعده في البيت لا شغله لا مشغله تلقي ليك حاجة تفرقي بيها واتس فيس انستغرام المهم تتسلي قالت ليهو بس انا م بعرف استخدمو وعمري م شلته تلفون قال ليها ح اعلمك انا قالت ليهو خلاص اوك قال ليها طيب تعالي اقعدي جنبي عشان اعلمك واصلا انا نزلته ليك فيهو كل التطبيقات والاستخدام ساهل اول م قعدت جنبو قلبها بدأ يضرب كانت خايفة ليكون هاشم سامع ضرباتو كانت مركزه مع هاشم وهو بشرح عمل ليها صفحة على الفيس وضافه في صفحتو وكان بشرح ليها بعدها قالت ليهو عرفتة بعدها كمان شرح ليها الواتس بعد خلص قال ليها حالياً انا الوحيد المضاف عندك وح اتونس معاك لحد م تعملي ليك أصدقاء قالت ليهو م عايزه أصدقاء تاني كفاية ضحك وقال ليها تمام قالت ليهو بالجد شكراً ياهاشم قال ليها هبلة في شكر بين الأخ واختو وقام ضربة ضربة خفيفة في راسة قالت ليهو امشي ياغياظ وبدأ يهظر معاها ويمسكه من ايدا لحد م إشراقة صحت على صوتهم قالت ليهو هاشم متين جيت قال ليها جيت قبيل ياماما إشراقة قالت ليهو حمدالله قال ليها يسلمك ربي أن شاءالله يلا تصبحو على خير رغبتي يلا مع السلامة صرت ليهو قالت ليهو اسمي رغبه قال ليها قاعد ادلعك قالت ليهو شكراً اسمي م بتدلع قال ليها انا بدلعك اها موتي غيظ قالت ليهو حقار ضحك ومشى ومن جواها كانت مبسوطة وقالت رغبتي هو بيدلع فيني بالجد ولا فعلاً حاسي إنو انا كدا قالت يارغبه اصحي من أحلام اليقظة وبقت تقلب في تلفونه وهي مبسوطة دخلت الفيس صفحة هاشم وبدت تقرأ في كلامو القاعد يكتبو لقتو كاتب
كنتي قطعتا مني والآن اصبحتي قطعتا من التراب كم أحسد ذلك
التراب الذي تتوسدينه كوني جنتي التي س اسكنها
كوني حوريتي التي تنتظرني عند باب قصري
وقتها عرفت انو قاصد سامرين وقالت حبو ليها حب خيالي مستحيل تقدر واحده تاخد مكانة محظوظة ياسامرين حباك وانتي حية ولسة بحبك وانتي ميتة فجأة قطع تفكيره رسالة في الماسنجر من هاشم الرسالة كاتب فيها رغبتي ومعاها اللايموشن الضاحك كتبت ليهو انت مصر تغيظني يعني قال ليها عندك اعتراض يا رغبتي قالت ليهو يلا انت شكلك مصر انا م ح أتكلم معاك قال ليها بعد اسمك الشين دا وكمان عايزه تفتري لما دلعتك ورسل ليها ايموشنات الضحك قالت ليهو شين وعاجبني دردشت معاهو لحد م نامت وخلت الدردشة فاتحه صحت الصباح لقتو مرسل ليها تصبحي على خير يارغبتي وكمان لسه مصر إني اغيظك وح اغيظك على طول
يتبع.....
