رغبه كانت راقده بتفكر في هاشم وبتسال نفسها ليه كل م تتذكرو أو تتذكرو عطرو بتحس بحاجة غريبة جواها لحد لما تلفونه ضرب اول م شافت اسم هاشم اتبسطت ردت قبل الجرس م يتم جاها صوت هاشم وهو بيقول ليها رغبه انا عايزك رغبه قالت ليهو قلته شنو ياهاشم وانت مالك قال ليها لا ماف حاجة قالت ليهو لا في احكي لي صوتك متغير وليه انت بتتنفس بالطريقة دي عيان انت وهو جواهو بيقول انتي م عارفه العلي يارغبه بالجد انتي بريئة قال ليها لا بس جيت لقيتك نايمة كنتا عايز أسلم عليك قالت ليهو ايوا الحبشية كلمتني بس ليه م صحيتني قال ليها م حبيت ازعجك يلا نومي قالت ليهو م ح اعرف انوم لاني يداب قمته خليك معاي شوية قال ليها انا بكرا عندي شغل بدري لازم انوم قالت ليهو عشاني مش انا رغبتك يلا خليك هاشم قال ليها يلا بطلي حركات شفع اصلا تاني تنومي بدري لانو جامعتك باقي فيها يومين يلا على النوم قالت ليهو طيب ماشي تصبح على خير قال ليها وانتي بخير وقفل لا هي نامت ولا هو نام الاتنين كان تفكيرهم في بعض محمد اتصل على رنا قال ليها عايز رقم منى هسي رنا قالت ليهو ح ارسلو ليك رسلت ليهو الرقم محمد كان خايف انو يتصل بس كسر حاجز الخوف واتصل اول م جاهو صوت منى وقتها اتبكم بس بعدها قال ليها اسمعيني يابت الناس انا م عايز الف ولا اطلع وأنزل معاك انا عايزك تكوني مرتي فكري واديني قرارك قالت ليهو محمد قال ليها ايوا محمد يامنى وفكري في كلامي يلا تصبحي على خير قفل منى قالت هي الشله دي كلها مجنونة كدا وماف حد ممكن يتوقع تصرفاتهم على طول اتصلت ل رنا وحكت ليها رنا قالت ليها اخدي وقتك وقرري يامنى محمد شاريك وم عايز يلعب بيك بعدها منى قالت ليها بالجد كبر في نظري شكلي ح احبو ود خالتك المجنون دا رنا قالت ليها بختك بيهو لانو محمد يستاهل إنك تحبيهو محمد كان مبسوط كونو قدر يحدد موقفو واخد قرار مصيري وكان بتمنى انو منى توافق علي ومازن كانو بدردشو مع بعض مازن قال لي علي يعني كلكم فجأة نزل ليكم وحي الهداية طيب ح نخلوني براي علي قال ليهو الله يهديك معانا قال ليهو امين الصباح هاشم قبل يطلع اتصل على رغبه م ردت بعدها أتذكر انو لازم يتصل على وتين اتصل عليها ردت قال ليها عايز اقابلك ضروري ياوتين قالت ليهو لو بخصوص علي أسفه قال ليها انتي وافقي واسمعي كلامي لو م عجبك بوعدك م ازعجك قالت ليهو طيب بعد الدوام ح اتصل عليك قال ليها يلا نتلاقى بعد الدوام مشى الشركة محمد كان ظاهره عليهو الفرحة هاشم قال ليهو خير محمد قال ليهو اعترفته ل منى وطلبته منها الزواج ومنتظر ردا هاشم قال ليهو وأخيراً يامحمد أن شاءالله ح توافق وبعدها احضر عرسك انتو ليه اتهديتو فجأة كدا محمد قال ليهو احتمال دخول رغبه كان سبب غير مباشر انو نتغير هاشم وقتها سرح وم رد على محمد وطلع مكتبو محمد بينو وبين نفسو م هو ياهاشم انت ظاهر عليك مكسر ومدشدش بس شوية ضغط مني ح تعترف وانا وراك وضحك وطلع مكتبو رغبه صحت لقت مكالمة هاشم رجعت ليهو بصوت مليان نعاس ودلع قالت الو هاشم في نفسو انتي ح تقتليني يابت جاهو صوته هاشم قال ليها نعم معاك قال ليها صباح الخير قالت ليهو صباح النور كنتا نايمة م رديت قال ليها حبيت أصبح عليك وقت م رديتي عرفتك نايمة قالت ليهو لاني نمته بعد الصلاه قال ليها يعني كلامي م مسموع قالت ليهو لا بس حاولتة أنوم م قدرتة طول الليل بتقلب قال ليها بتفكري في شنو قالت ليهو بفكر لا م بفكر في حاجة وهي جواها بتقول كذابه يارغبه انتي بتفكري فيهو قال ليها يلا قومي صحصحي واشربي الشاي انا بعدين ح اعدي عليكم قالت ليهو طيب يلا باي فصل الخط وكانت جواهو كمية حجات ملخبطة قال لنفسو يعني انا م صدقته رتبته حياتي بعد موت سامرين جاية انتي يارغبه بالبساطة دي تخربيها وتقلبيها كدا اليوم عدا على هاشم كان نصو تفكير في رغبه ونصو شغل لحد م اتصلت عليهو وتين وقالت ليهو خلصته قال ليها طيب انا جاييك وبعدها طلع وصل المكان المتفقين عليهو سلم عليها وقعد وسالة من أحواله وبدأ يتكلم معاها قال ليها علي وسطني بيكم وانا بس عايز أتكلم معاك والقرار ليك ياوتين علي فعلاً كسرك وجرحك وداس على كرامتك وكبريائك بس علي ندمان وعرف قيمتك ودا طبعاً م مبرر عشان تسامحي بس علي فعلاً حباك ياوتين بس لحظته كان م قادر يفهم الحب دا وانتي كمان حبيتيهو وللان متأكد إنك بتحبيهو لو انتي شايفة انو حبكم يستاهل أدي الحب دا فرصة عشان يشوف النور ويكتمل بالزواج وفكري ياوتين قبل م تاخدي قرار بس الدموع الفي عيونك دي اوعى تخليها تنزل لانها والله الحكاية م مستاهلة وعلي الغبي م يستاهل انو تنزل عشانو واصلا انا حاسبتو ليك وبعد يبقى في ايدك مرمطيطهو لحد لما يقول الروب قالت ليهو علي دا انا بكرهو قال ليها م بنكره إلا لما نحب وانتي بتحبيهو اديهو فرصة عشاني وانا ح اخليك تفكري ولو اخدتي قرارك اتصلي عليهو في رقمو عارفك لسه محتفظة بيهو وبلغيهو قرارك أيا كان اتفقنا قالت ليهو طيب حاضر بعدها هاشم ووتين طلعو هاشم مشى ناس خالتو لقاهم بيتغدو اتغدا معاهم كان م قادر يعاين لرغبه بيهرب بنظراتو منها لحد لما مشى الصالون عايز ينوم رغبه مشت ليهو قالت ليهو هاشم انت زعلان مني قال ليها لا قالت ليهو طيب ليه م عايز تتكلم معاي قال ليها لاني تعبان عايز انوم يلا اطلعي قالت ليهو انت عيان نزلت ختت ايدا على جبهتو هاشم زح ليها ايدا قال ليها يلا برا قالت ليهو غلطانة انا لاني خايفة عليك ياغياظ وطلعت هاشم حكى ل علي الحاصل علي قال ليهو أن شاءالله يحصل خير وانت م قصرتة ياهاشم هاشم قال ليهو الواجب وخلي أملك كبير عدت الأيام رغبه نزلت الجامعة هاشم كان بوصلة وبجيبة لحد م في يوم رغبه سالتو قالت ليهو ليه انت متغير وليه بتتصرف كدا
يتبع.....
