هاشم خلص شغلو شاف الساعه لقاها 4 ونص اتصل على رغبه قال ليها قولي لي ماما إشراقة م تتغدو انا جاي اتغدا معاكم م بتاخر اوك قالت ليهو تمام قفل اتصل على هتان قال ليها خلصتي قالت ليهو ايوا طلع أتلاقى مع محمد في باب المكتب قال ليهو على وين هاشم قال ليهو ماشي اتغدا في البيت محمد قال ليهو طيب واللمه قال ليهو اعتذر لي لباقي الشباب محمد قال ليهو هاشم انت م ملاحظ لنفسك هاشم قال ليهو فيني شنو محمد قال ليهو عيونك اتغيرت ووشك اتغير وعلى طول بقيت بتضحك في شنو ياهاشم انت بتحب ولا شنو هاشم قال ليهو انت مجنون يامحمد تغيير شنو وحب شنو سيب كلامك الفارغ دا عليك الله محمد قال ليهو بس احساسي بقول إنك بتحب هاشم قال ليهو انت بني آدم رزل ويلا من وشي ولا أقول ليك انا الماشي محمد ضحك وقال لي هاشم بركاتك ياست قبل م يخلص جملتو هاشم اتلفت عليهو محمد سكت ومشى وهاشم بقى يضحك وفي نفسو قال ياربي انا مالي فيني شنو عشان محمد يقول كدا تاني قال محمد دا واحد ومجنون انا ليه بسمع ليهو اصلا اتحرك وصل لقى هتان مستنياهو نزل سلم عليها قال ليها يلا قالت ليهو وين قال ليها ح تعرفي لما نصل ركبت وهاشم اتحرك وكانت هتان ساكتة وبتقول ياربي ماشين وين هاشم قال ليها ثقة ماف قالت ليهو بالعكس انا بثق فيك جداً وصلو وقف العربية قدام البيت نزل ونزلت هتان كانت بتقول دا بيت منو وليه جابني هنا لحد لما ضرب الجرس وجات رغبه فتحت الباب هاشم قال ليها اهلا شرفتي يا قالت ليهو تمها عشان اخنقك قال ليها هبلة شوفي طولك وطولي الح يخنق التاني منو بعدها شافت هتان هاشم قال ليها سلمي عليها وعرفهم ببعض دخلو كان بنادي على خالتو تجي تسلم على هتان جات سلمت عليها عرفه بيها وقتها رغبه كانت بتعاين ل هتان وجواها كمية من الحجات م قادرة تفهمة غضب على غيرة وكلو اتغدو مع بعض هاشم قال لي رغبه هتان ح تبقى صحبتك وجامعتة قريبة لجامعتك رغبه قالت ليهو طيب بعدها اتونسو بعد شربو شاي المغربية هاشم قال لي هتان يلا اوصلك الوقت اتأخر طلعو مشو كانت إشراقة بتقول لي رغبه البت عجبتني وان شاء الله هاشم يفكر يتزوجه وقتها قلب رغبه ضرب بسرعة وحست نفسها مخنوقة كأنها عايزة تبكي بس سكتت وقالت ياربي ليه بحصل لي كدا انا مالي في الشارع هتان كانت بتحكي مع هاشم عن خالتو وقدر شنو هي طيبة هاشم قال ليها دي امي التانية وصله وودعه ومشى وصل البيت كانت رغبه في غرفته بتبكي بحرقة م عارفه حتى السبب البخليها تبكي شنو دخلت الفيس لقت هاشم قاعد عايزه تطلع رسل ليها قال ليها رغبتي قالت ليهو اسمي رغبه ونعم عايز حاجة ضحك قال ليها رأيك في هتان شنو تنفع تبقى صحبتك قالت ليهو مالك ومال رأي واصلا انا م عايزة صحبات وقفلت بياناته ورجعت ختت رأسه على المخده وبدت تبكي تلفونه ضرب رفعت لقتو هاشم ردت عليهو قال ليها رغبه مالك قالت ليهو م مالي قال ليها دقيقة صوتك مالو كدا قالت ليهو م ملالو حاجة بس عشان عايزة انو قال ليها صوتك حلو كدا ليه وأول مره أركز فيهو قالت ليهو عادي قال ليها م عادي انا لو عارف صوتك حلو كدا كنتا من زمان اتصلت عليك لما تجي تقولي عايزه تنومي قالت ليهو انا نعسانة عايزة انوم باي قال ليها احكي معي شوية واحكي لي عن يومك قالت ليهو م قادرة عايزة انوم قال ليها طيب يلا باي اول م قفل قال لي نفسو ليه ياهاشم رغبه بتعمل فيك العمايل دي وبتصحي فيك إحساس انت نسيتو من سنين ليه رغبه دونا عن البنات كلهم ليه هي بذات ليه هي الأنثى الوحيدة الغلبت إرادتك اصحى ياهاشم فوق دي بت صغيرة هناك رغبه كانت بين مبسوطة من كلام هاشم ولسه غضبانه منو محمد كان بدردش مع علي في التلفون علي قال ليهو انا نويت أتزوج يامحمد محمد ضحك قال ليهو اكيد م جادي علي قال ليهو جادي كفاية سنين عمرنا الراحت في الفارغة كفاية عايز اتلم اعمل لي بيت وأولاد ومرة تحبني محمد قال ليهو سبحان مغير الأحوال بركاتك تغشانا ياشيخ علي اها لقيت العروس علي قال ليهو قاعده محمد قال ليهو منو علي قال ليهو وتين اول بت أحبها من كل قلبي م قادر أنساها يامحمد محمد قال ليهو وتين الانتا رميته بعد شلته منها العايزو واترجتك عشان م تسيبه واترجتنا عشان نقنعك وانت قلته ليها إنك انتي واحده بت شوارع فكرك ح توافق بيك بعد كل الإهانة دي علي قال ليهو ندمان وم قادر أنساها ولا أنسى اني دمرتها بعد م اخدتة منها أغلى حاجة عندها ورميته محمد قال ليهو ياعلي انحنا دمرنا بنات كتير في سبيل انو نرضي رغباتنا علي قال ليهو على الأقل وتين دي الوحيده الكانت في نصهم بت أما الباقيات كلهم كانو م تمام محمد قال ليهو ح تصل ليها كيف قال ليهو لسه رقمه عندي ولسه شغال كل فترة بتصل برقم غريب عشان اسمع صوته وعرفته من صحباته ليه م اتزوجت محمد قال ليهو أن شاءالله توافق ياعلي بالجد كفايانا ياخ علي قال ليهو متأكد انو ح توافق حتى لو م اقنعتها انا هاشم قاعد محمد قال ليهو والله هاشم دا حلال مشاكلنا ياخ من غيرو نحنا زيرو قادر تتخيل حياتنا من غيرو ياعلي علي قال ليهو هاشم دا ملاك في هيأة بشر انحنا محظوظين بيهو والحمدلله انو موجود في حياتنا وان شاء الله ربنا يديهو البتنسيهو وجعو محمد قال ليهو لقاها علي قال ليهو انت جادي يامحمد وليه م كلمتني
يتبع.....
