One Shot Stories

Kamusta na?

Kamusta na?

Mga salitang iyong ibinigkas sa muli nating pagkikita

Gaano ko mang gustong iwasan ka ay hindi ko magagwa

Madinig lamang ang boses mo, ang pag a-akalang nakalimot na ay mapagtatantong kasinungalingan lang pala

Mahal parin kita.

Nginitian mo ako na parang walang nangyari

Pintig ng puso ko'y hindi nanaman mawari

Pag-asang ikaw ay babalik sa aki'y muling naghari

Sabihin mo lang, hindi na ako muli pang bibitaw ano pang mangyari

Pangako.

Inabot mo ang 'yong kamay upang makipagkamay

Sana'y sa pag abot mong ito ay kasabay ang pagmamahal na dati mo nang ibinigay

Pangako, hindi ko na ito papakawalan pa, huwag ka lang sa aki'y muli mawawalay.

Pagbitiw mo ng kamay ay siyang pagdating ng isang batang napakaganda

Kamukhang-kamukha mo pa nga!

Tinanong kita,"Nagka-anak palang muli si Tita?"

Sa isip ko'y pumasok ang isang napakasakit na ideya

Ngunit pilit ko ding binalewala

Tumawa ka!

Pagdinig lang ng tawa mo'y bigla akong namula,

Para kasing musika, 

ang sarap sa tenga.

Mahal nga talaga kita.

"Hindi na. Ito nga pala si Athena, anak ko"

Lahat nang nabuo kong pag-asa ay bigla nalang nagiba

Hindi ako nakapagsalita, tinitigan lang kita

Nang mahimasmasan ay tumango ako't nginitian ka

Ganoon pala kasakit umasa?

Ganoon pala kasakit masaktan?

Tumalikod na ako't hindi na namalayan ang mga luhang sa pisngi ko'y nagpapaligsahan na,

Tila nasa karera...

Kasama ang puso ko na alam kong hanggang ngayo'y pag-aari mo parin.

Ang tanga mo naman kasi, Angel. Ikaw ang may kasalanan!

Huwag kang magreklamo

At tanggapin ang pagkatalo.

Tumigil ako sa pagtakbo--

Nang makaramdam ng pagod

Nagulat nang sa likuran ay may biglang umubo

"Bakit ka umiiyak? Nag-uusap tayo,"

Kumabog ang puso ko

"Bakit mo ako tinalikuran? Balak mo nanaman ba akong iwan?"

Nilingon kita at tinitigan sa mata

Mga matang hindi ko mabasa basa

Galit ba iyan o pangamba?

Natutuwa ka ba?

Isa lang ang maliwanag, iyong nagbabadya sa pag-agos mong mga luha

Bakit? May anak ka na, anong sinasabi ng iyong mga mata?

"Mahal parin kita"

Gusto kong magmura!

Tangina!

Isang musika...

Musika nanaman sa aking tenga

Sinabi mo sa aking wala na ang kaniyang ina

Lasing ka noong nangyari iyon at dahil 'yon sa pagkasira mo noong iwan kita

Halo-halong emosyon ang naramdaman ko ngunit nangibabaw ang saya

Tumakbo ako sa'yo at hinalikan ka

Ipinapangako ko sa sariling hindi na kita papakawalan pa

Ipaglalaban kita kahit kay kamatayan pa

Mahal na mahal kita.