قصة :هالعار شكون نتا للكاتبة :ليلى سعيد

البارت 4

البارت 4 دخلت لواحد المكتب كيبان ليا 3 ديال الرجال جالسين 2 كيما تخيلتهوم قبيلة و لكن واحد باقي صغير و بوكوص بعدا هاواحد وائل كفوري شفتو حتى كاع ايلا ماطفرتوش مانخرجش بيدي خاويين نخضر ليا عويناتي بان ليا 2 كراسة واحد تقريبا حدايا وواحد بعيد شوية Alors هنا غنتفكر واحد الجملة ديال واحد الأستاذ " منين تدوزو شي Entretien و تلقاو 2 كراسة واحد قريب وواحد بعيد سيرو جيبو هذاك اللي بعيد حينت هما كيبغيو يشوفو واش نتى شخص اللي كتشوف القدام و كتأمل المكان اللي نتى فيه ولا كتكتافي غير بداكشي اللي قدامك " سير يا أستاذ الله لا يحرق فيك شي عظم ماعقلت على حتى درس ديالك خرجت منك غير بهاذ الجملة مشيت كي الطاووس جبت الكرسي البعيد العز 0ـ1 واخا ماعرفتش أش جاب الكرسي l’informatique ماعلينا قالي ذاك البوكوس : مرحبا تفضلي الله ياخويا الله علاش هضرتي أنا تالفة وزدتي عليا باش غنجاوب ميرسي لا إيلا بديت هضرتي بالفرونسي خاصني نكمل l’entretien كامل بالفرونسي و هادشي اللي مابغيتش ايلا دويت بهاذ اللغة غيوقع ليا ماوقع فالحلمة حسن نجاوبو شكرا باراك الله فيك لا واياك مالو كيبارك ليا العرس بقيت كنفكر فالجواب حتى بقيت ساكتة مر للسؤال الثاني : أشنو اللي خلاك تدفعي لهاذ الشركة ؟ شنو نقوليه باللي شركتكم كتعتابر من أحسن الشركات فالمغرب فهاذ domaine لا لا هاذي قديمة حسن نجيه من الآخر و نقوليه راه مرات خالي خدامة فالفيلا ديال الباطرون وهي اللي نصحاتني ندفع حينت شركتكم كتهلا فالخلاص لا بحال ايلا كندير Code Pistant هنايا بقيت كنفكر فجاواب مناسب حتى مر للسؤال الثالث : فحالة قبلناك أشنو ممكن تضيفي للشركو ؟ دابا عجبني هذا هو السؤال المعروف و الشائع فكاع les entretiens دربت عليه مزيان نقوليه باللي ايلا قبلتو بيا غنزيد بالشركة القدام حتى تولي تنافس الشركات العالمية و ماشي بعيد تنافس Microsoft لا هاذ الجواب مبالغ فيه و ايلا مشيت حتى جاوبتو غيزاوطني من الشرجم بقيت كنفكر و كيما العادة مر للسؤال الرابع يلاه بغى يسول شاف ف cv و أكيد قال مع راسو هذي مستحيل تجاوب على سؤالي عندو الحق جاوبت على حتى الأولين : مهم نمرتك عندنا وكأي مقابلة فتاريخ مباريات التوظيف المغربية ختم بالجملة الشهيرة " سيري حتى نعيطو عليك " بسلامة وهنا تشجعت و جاوبتو :بسلامة كانت هاذي هي الجملة الوحيدة اللي نطقتها طيلة المباراة خرجت من المكتب و كنسمع ضحك ديالهوم ايييه ضحكو عمر يمكن جاتهم شي حالة بحالي ساكتة عطا الله اللي كيبلز ولكن على الأقل كيجاوب كيهضر ماشي زيزون و أنا غادا كتبان ليا واحد Clé USB طايحة فالأرض فرحت شفت ساروت فال خير يا ربي فال خير كنهز راسي كنلقا واحد الدري تكون عندو شي 30 سنة هاكاك مشروط و مبهدل حوايجو مبهدلين و باينة فيه يلاه فايق من النعاس و كيهضر فالتليفون و بحال ايلا معصب باينة هو اللي طاحت ليه Clé وصلت حداه : سمحليا تلفت شاف فيا و فحالتي زعمة نتى مطفرو قطع التيليفون : نعم الأنسة كاين شي مشكل؟ ـ لا واقيلة هاذ Clé طاحت ليك ـ وي ديالي شكراا بزاف فيها شي خدمة مهمة ـ لا شكر على واجب ـ كنت كدوزي l’entretien ـ بحال ايلا علمك الله ـ كيدوزتي مزيان ؟ ـ منين جاه الزين ـ ياكمة صعبو عليك الأسئلة ماتخافيش بعد المرات واخا ماكايكونوش كاع الأجوبة صحاح كيشوفو ردة فعل المرشح و كيفاش كيتعامل مع الأمور ـ هادشي عارفاه ولكن خاصك تقولو لشي واحد على الأقل غير هضر و قال غير السلام ـ علاش أش وقع ؟ ماجاوبتي على والو ـ هضرت بعدا باش نجاوب و أنا بحال ايلا ضرباتني اللقوة غير حالة فمي و كنشوف ـ ماقلتي والو كاع ـ أه قلت قلت ليهوم بسلامة منين كنت خارجة حسيت بيه كيحبس الضحكة غير ضحك مافيها باس ـ سمحيليا واش غادي نقوليك القضية حامضة مهم أش غادي ديري دابا ـ BAC ـ مزيان دفعي BAC libre وجربي حظك فشي دومين أخر ـ لا أنا كنقصد Bienvenue Au Chaumage و خليتو كيضحك وزدت بحالي يتبع