قصة :هالعار شكون نتا للكاتبة :ليلى سعيد

البارت 15

البارت 15 الشركة خاوية ههه لا عمرها تخوى غير أنا حسيت بالفراغ العجب رغم وجود ألاف الموظفين غياب شخص واحد حسسني بفراغ كبير سبت فراغ كبير اليوم ترسمنا فالشركة و عطاونا بحال Rappel مهم مبلغ محتارم من الفلوس لمياء فرتكات الخلصة كاملة عند حسناء و أنا خبيتها نعطيها للواليدة حسناء ماقاداها فرحة : غنشريها كلها حوايج و ماكياج باش نبان فالحفلة عرفتو Mr.Ouazzani يجي يخطبني ـ أش بغيتي بيه مزوج 2 عيالات ـ داكشي اللي سمعت حتى أنا لمياء حطات البيسي من يديها : والله راكوم جايبين الخبار بالمقلوب ـ أشمن خبار ؟ ـ خبار Mr.Ouazzani حسناء منتابهة معاها و أنا مامسوقاش : لمياء شنو كتعرفي عليه ـ سمعي دابا فعلا Mr.Ouazzani مزوج 2 عيالات ولكن راه ماشي هو مول الشركة ـ سيري سيري صحابلي نيت واش عارفة شي حاجة ـ وغير سمعي Mr.Ouazzani أولا عندو سلسلة فنادق و مطاعم وولدو مبلي بالمعلوميات منين كمل قرايتو مابغاش يخدم مع باباه ودار هاذ الشركة فهمتي راه Mr.Ouazzani الإبن هو مول الشركة ماشي الأب ـ ونتي منين عرفتي هادشي ـ راجلي خدام chef cuisinnier فواحد من المطاعم ديالو ـ دابا راجلك طباخ و مراتو خدامة l’info مالكم مقلوبين ـ وهانتي تشوفي ـ كيداير الباطرون ـ كيقولو باقي صغير و بوكوص و ممزوجش ـ ناري صافي زهري ضحك ليا أنا وليت كنبغيه هههه أحياني عليك كتبغيه هو ولا فلوسو وشركتو البنت غير سمعات الباطرون صغير وزوين داخو عويناتها يكون وسيم حتى يعيا ماشي بحال مروان ولكن فشكل هاذ القضية دابا junior Mr.Ouazzaniهو الباطرون مروان عمرو جبد ليا هاذ القضية و أنا مالي فالحفلة نشوفوه و نتعرفو عليه عطيت لماما الراتب وشحال فرحات مسكينة الحمد لله منين قديت نرض ليها ولو جزء من داكشي اللي دارتو ليا واخا مستحيل ترض حق الواليدين الله يسمح لينا منهم وصل اليوم الموعود يوم الحفل فرحانين بالترسيم ديالنا و أنا فرحتي زايدة معلوم و أنا اللي غنشوف محبوب خاطري مور أسبوع ديال الغياب جايا حدايا حسناء : زين نعجب Mr.Ouazzani ـ لا ـ علاش ؟ ـ عرفتي إلا كنت كتهضري معاه بحال هاكا عمرو يديها فيك أخيرا قدرت نردها ليها و جمعي صرفك دابا مرة أخرى دوري بيا فعلا حتى أنا جاني الفضول نعرف شكون هو Mr.Ouazzani خصوصا أن كلشي كيهضر غير عليه مروان تعطل شاهيناز هنا ماكتحيدش عينيها عليا طلع يوسف للمنصة : أيها الحضور الكريم مرحبا بيكم فالحفل السنوي التاسع لمجموعة شركات Web اللي كتشهد نجاح و تقدم سنة بعد أخرى بفضل مجهود مجموعة ديال الناس أبرزهم السي أمين اللي غادي يحضى بتكريم خلال الحفل ونطلب منو يقدم كلمة السي أمين كيهضر و أنا كنتمنى شي نهار نكون بلاصتو و يكرموني ساعة كيبان ليا غيكرموني بالعصا على خدمتي الزينة فينك يامروان ياكمة ماغاديش يجي يوسف قطع حبل أفكاري منين تقدم ثاني للمنصة : أكيد شركتنا الآن أصبحت من بين أبرز الشركات فالمملكة و هادشي كامل بفضل طموح و عزيمة وحد الشخص اللذي أصبح يضرب بيه المثل فالتحدي و فالعمل أكيد عرفتوني علامن كنهضر رئيس مجلس إدارة مجموعة شركات Web السيد مروان الوزاني لا ياربي هادشي اللي فبالي مايكونش صحيح ياربي نكون ماسمعتش مزيان تلفت نشوف فعلا هو مروان مروان هو PDG يتبع