قصة :هالعار شكون نتا للكاتبة :ليلى سعيد

البارت 8

البارت 8 فلت منها هاذ المرة شحال بقى كيغوث حتى فكرت نقدم استقالتي و نمشي بحالي و تفكرت مزال كاعما سخنت بلاصتي : مزال ماهداك الله تشري من عندي شي حاجة ؟ ـ حسناء الله يعطيك الستر حنا خدامين دابا شفتي ذيك المرة تعطلت 10 دقائق أش دار ليا دابا يشوفنا كنقلبو Catalogue ديال الماكياج أش غيدير لينا غيزوق لينا وجهنا بلا ماكياج ـ باز عليك زعمة غير غادي تشري ـ وصافي قلبي عليا ـ أنا عارفاك بالخائنة علاش ماكتشريش من عندي ـ علاش ؟ ـ كتشري من عند سكريتيرة ديال يوسف خدامة ف Oriflamme كترشيها باش توسط ليك معاه باش يرسمك داغي ـ نموت ونعرف أش عندك بلاصة ذاك الدماغ خدمي و سكتي الصراحة الخدمة زوينة وعاجباني ولكن مافيهاش داكشي اللي كنبغي "الغموض" من غير يوسف اللي مرة مرة كنشوف باللي شخصية غامضة لا والو الروتين وحلت فواحد Code سولت عليه Mes collègues والو ماعرفوهش نمشي عند يوسف وكان يحل معايا المشكل هزيت معايا PC ومشيت للبيرو سولت عليه السكريتيرة اللي خدامة ف Oriflamme قالتلي عندو شي حد تسنيتو حتى يخرج جالسة و كيبان ليا المسئول عن العلاقات حتى هو كيسول على يوسف : أهلا Comptable سمحلي Bonjour mon Responsable ـ Bonjour Technicien سمحيلي تيكونيسيانة ـ كيداير لاباس عليك ـ الحمد لله آنسة شرفيني بالاسم ديالك ـ سارة ـ سارة متشرفين أنا سميتي مروان ـ متشرفين بغيتي السي يوسف ـ وي بغيتو فشي خدمة ـ ايوا كلنا بغيناه على قبال الخدمة شد الصف مع خوتك ـ هي اللي ماتعاودش جات السكريتيرة ويلاه بغيت ندخل حبساتني : السيد هو الأول ـ شناهوا علاش شكون اللي جا فينا الأول تدخل مروان : نهاد غير خلي الآنسة دخل دخلت و عاوني يوسف حتى صاوبت المشكل اللي عندي واخا بان ليا ماشي على أعصابو وجهو صفر و فيه الخلعة شكرتو وخرجت بان ليا مروان ماكينش فين مشى هذا يلاه بغيت نسول عليه نهاد بانت ليا جبدات Catalogue باش توريه ليا واقيلة درت بناقص و رجعت بحالي ل Atelier فين خدامة Atelier بالعربية هي محارف باين عربون اللي خدام فيها غير من السمية كلشي منحرف نيت 12:00 أحسن وقيتة عندي فالخدمة هي و 16:00 حينت اللولة فيها Pause والقس والثانية كنخرج بحالي مشينا لريسطو ديالنا و أخذنا وجبتنا اللذيذة كلينا ورجعنا للخدمة لمياء كتهضر فالتيليفون مع حبيب القلب قولي واش كتبغيني و أنا و حسناء كنرمقها بنظرات نارية و ماحاملينهااااش كملت المكالمة : مالنا على هاذ الشوفات مانخافوش نقزت عليها : ماشي حشومة عليك 2 بايرات حداك ونتي كركركر فالتيليفون ماراعيتيش لينا مشاعرنا ـ وصافي حتى نتي دابا يسهل عليكوم الله راكوم باقيين صغار وزيدون أش بغيتو بشي زواج فيه غير الصداع خليكوم حرين ديال راسكم حسن ـ صغار الله يعطينا وجهك نتوما اللي تزوجات فيكم تبدا تغني علينا هاذ الديسك " وزيدون أش بغيتو بشي زواج فيه غير الصداع خليكوم حرين ديال راسكم حسن" ختي قولي هاذ الهضرة لراسك النهار الأول لاش تزوجتي و خليك سنجل بحالنا ولا غير اللي تنقذات من شبح العنوسة تجي تواسينا بهاذ 2 كلمات ـ وقلبك طايب ياختي جامعة فيه نيت خليني مامسالياش ليك دابا حسناء الزين ديالي كاين شي Promotion ف Avon على الساعات ديال الرجال بغيت نشري ل Mon mec وحيدة حسناء يا حسناء ذاك النهار غلطتي ف Code وقلتي ليوسف أنا اللي خدمتو اليوم نتاقم منك : لا عساك ياختي لمياء Avon مافيها والو هاذ الأيام غير الغلا سيري عند نهاد اللي خدامة ف Oriflamme عندهوم شي Promotion الرفيع شفت فحسناء ماكرهاتش تنوض ذبحني تعلمي احبيبة المرة الجاية تصبي أخطائك فيا يتبع