قصة :هالعار شكون نتا للكاتبة :ليلى سعيد

البارت 18

البارت 18 هذاك النهار عندي إجتماع مهم مع شي يابانيين فقت معطل من النعاس لبست حوايجي بالزربة فالطريق خسرات ليا الطوموبيل بغيت نصاوبها وسخات ليا حوايجي الطاكسي والو مابغا يوقف ليا حتى واحد كملت على رجلي وصلت اليابنين الوقت هو الوقت مشاو بحالهوم تعصبت صافي منين خرجتي من المقابلة و عاودتي ليا ذاك entretien العجيب ضحكت و نسيت مشكلتي و خدمة ذاك النهار en forme قررت نكافئ هاذ الفتاة اللي قدرات تحول مزاجي ذاك نهار ختارو شكون غيخدمو ماكنتيش من ضمنهم هضرت مع يوسف و قرر يعطيك فرصة و خدمتي فالشركة صافي أنا نسيت الموضوع حتى وقفتيني ذاك النهار عاد تفكرتك منين هضرتي معايا بذيك الطريقة عجبني الحال كاين شي واحد ماكيهضرش معايا رسميا وقررت مانقولش ليك شكون أنا أنه على أساس غتكتاشفي هادشي راسك قريبا منين تلاقينا حدا مكتب يوسف كنت جاي نخاصم عليه على شي حاجة شفتك وهضرت معك و لثاني مرة كتغيري مزاجي منين دخلتي تأكدت باللي مزال ماعرفتيني قررت نسامح يوسف داكشي علاش منين خرجتي مالقيتينش أما اليوم اللي فعلا عجبني بزاف هو نهار الفيلا ذيك الساعة كان ولابد نتصرف باش ماتعرفيش شكون أنا مواقف كثيرة وقعات بيناتنا لدرجة أني بديتك نبغي راسي كمروان و مابقيتش كنحمل الوزاني كتهضري عليه و أنا كنتسائل مع راسي واش فعلا الناس كيشوفوني هاكا كلشي كيخاف مني كلشي كيبعد و كيتفاذاني إلا نتي هضرتي معايا بلا رسميات كنضحك منين كنكون معك كنسى حياة المال والأعمال اللي عايش فيها كندخل وسط العالم ديالك اللي فيه كلشي بسيط كل مرة كتخرجي ليا بخدمة ولكن أحسن خدمة خدمتيها ليا هي سرباي كنت كنفكر نعتارف ليك ونحبس اللعبة ساعة وقع اللي ماضربتش ليه الحساب بغيتك و بغيتك تبفاي معايا تأكدت من هادشي نهار اللي لقيتني فالسيارة خفت صحابلي كتاشفتيني ولكن طمأنيت منين عتاقدتي باللي أنا مجرد شيفور اللي خلاني نتعلق بيك أنك عقوية بسيطة خجولة ضحوكية حمقة و أهم حاجة ماشي مادية شاهيناز كنت خاطبها و ماتفاهمناش داكشي علاش ماكانتش كتحملك و كتستفزك بغيتي تعرفي شكون أنا ختاري الشخصية اللي عجباتك من بين كاع اللي شفتيني فيهوم أنا راه كنبقى واحد منهم ـ كملتي ـ أشنو قررتي ـ محتاجة لوقت نفكر فيه دازت 3 أيام ديال الكونجي دابا خدامة مابقيتش كونجي حددت قراري اللي ماغاديش نندم عليه وصلت للشركة و مشيت نيشان لمكتب باقا ماعرفاش مكتب شكون وعلمت السكريتيرة دخلت : السلام وعليكم Mr.Ouazzani ماجاوبنيش : ماكتردش السلام ـ حتى تعيطي عليا بسميتي ـ هذي هي سميتك ياسيدي ماتقاطعنيش عفاك أنا تعديت حدودي معك كنعتاذر قررت هيبة ديالك ترجع و أنا كنتعامل معك برسمية لأن هذا هو موقعي الطبيعي هذي استقالتي نتمنى تقبلها ـ عارفاني ماغنقبلهاش سارة فين المشكل أنا كنبغيك ونتي كتبغيني ـ خطأتي ماأنا كنبغيك ماأنت كتبغيني أنا كنبغي مروان اللي مابقاش كنشوفو دابا و نتى بغيتي ذيك سارة الحمقا العفوية الضاحكة الي حتى هي مابقاتش مشات تبعات مروان لأكادير Mr.Ouazzani شكرا بزاف على الوقت اللي دوزتو هنا فالشركة تعلمت بزاف شكرا بسلامة وخرجت سديت الباب كنسمع صوت بيسي تضرب مع الأرض كون غير عطاه ليا بلاصة مايهرسو يتبع