مــعــانــة لقـــيــطـة 😞💔

البارت الثاني عشر

#معاناة_لقيطة
الحلقة ١٢
ام منال خلاص اكيد توا نلقوها وتشوفها
ابو منال كل لي صار بسبب ظلمك
ام منال خلاص ان شاءالله ترجع

وتوا عند منال
في السيارة رافعينها ملجأ تاني
وقفت السيارة قدام الملجأ
نزلت منال ومشت لمكتب المديره باش تشوفها
سلام عليكم استاذه
المديره وعليكم السلام اهلا يا بنتي نورتينا
انتي منال كان يربو فيك عائلة (........)
منال شبحت لها باستغراب ايه 
المديره  اهلك لي كانو يربو فيك
ليهم فترة يدورو فيك وامس وصل لينا رسالة اذا كان موجوده ومن حظك انك جيتي
وتوا بنتصل بشرطه باش يجو يرفعوك لي اهلك
منال بس اني منبيش نمشي 
المديره في حد مايحب يعيش مع اهله
منال بس هم خلوني بروحي ولو كان مامشيت للدار راهو اني توا في الشارع
المديره يابنتي كل انسان عنده طاقة واكيد عندهم ضرف و غصب عنهم
منال لا مافي شيء غصب
اني مانعرف اهل غيرهم عيشوني معاهم 14 سنة في الاخر يرموني في الشارع
المديره مايكون قلبك قاسي انتي في العمر هدا محتاجه اهل يحتووك مرات يجيلك نصيبك
منال هههههههه معقول في حد يرضى بيا ولا اي وحده زي بنت.... وسكتت
المديره استغفري ربك بنتي اني توا بنتصل بشرطه تجيب معهم ولي امرك بعدين اتفاهمي معهم

تسريع الأحداث بعد مرور ساعتين
وصلت الشرطه مع ام منال
سلام عليكم
المديره ومنال وعليكم السلام
ام منال قاعده حيه توقعتك موتي هيا بوك يبي يشوفك
منال شفتي استاذه اسلوبها كيف اني مانبي نرجع بالله عليك خليني ماتردينيش ليها
ام منال بوك يبي يشوفك ضروري بوك مريض
منال لا منبيش نرجع معاك
ام منال بوك لازم يشوفك توا تعالي معايا وبعدين كان تبي ترجعي نرجعك
المديره منال يابنتي مداما بوك يبيك بري ربي يسترها عليك يابنتي اكيد في شيء
منال شبحت لي امها بعد سكوت تمام هيا
وطلعو من الدار وركبو السيارة بعد ماتمت الاوراق وكل شي
وصلت السيارة قدام الحوش
نزلت ام منال ووراها منال
ودخلت عند بوها في داره وراقد على السرير
ابوها منال بنتي تعالي وخداها في حضنه سامحيني يابنتي اني خالفت وعدي معاك سامحيني ربي عاقبني ع درته معاك
وجاني السرطان
منال  بعيد الشر عليك يابوي ماتقولش هكي باش تحاول تكسبني من جديد اني نحبك ومش زعلانه من اللي درته
ابو منال لا يابنتي والله مانكدب عليك اني في مرحله متاخرة من سرطان الرئه ونبيك تقعدي معانا ونطلب منك السماح
منال حضنت بوها بقوة ونزلت دموعها مسامحاتك يابوي
وبنقعد معاك بشرط امي معاد تضربني
بوها وعد مني مداما اني نتنفس معاد تقرب منك
ام منال تشبح لها وابتسمت صدقيني معاد نمد يدي عليك هيا امشي اخواتك استحشوك
ومر اسبوعين كل شيء تمام وام منال كويسه مع منال

وفي صباح يوم جديد
بعد مرور اسبوعين منال ناضت من النوم جهزت خوتها الصغار للمدرسه وبعد ماطلعو المدرسه
دخلت المطبخ وتساعد امها في الفطور
ام منال هاك القهوه امشي اعطيها لبوك
منال حاضر
وشدت القهوه ودخلت الدار بوي يابوي صباح الخير
ابو منال مايرد
منال يابوي الساعه 9 نوض خود قهوتك
ابو منال لاحياة لمن تنادي
منال شبحت لبوها مايتحرك ودقات قلبها تتسارع من الخوف وحطت القهوه على السرير بوي وتهز فيه
يابوي وتصرخ بصوت عالي ودموعها تنزل وزاد صراخها ......
مات اللي كانت تحسابه بيكون سند ليها
مات بوها لي رباها
ام منال جت تجري ودخلت الدار شن في شن في خيرك تعيطي وجبدت منال من كتافها وتهز فيها متقوليش مات
لالا ما ماتش معاش تصرخي وتشد في زوجها نوض نوض مستحيل تموت لمن بتخلي صغارك مزال ماشبعو من حنانك
والتفتت ع منال كله منك انتي جيتي علينا بالموت

تسريع الأحداث
بعد مادفنو ابو منال والحوش كله حزن وعياط
ام منال بصوت عالي وصراخ منال
منال جت تجري نعم
ام منال اطلعي من حوشي توا
منال وعيونها كلها دموع وصوتها مخنوق من كتر البكاء بلعت ريقها بخوف
علاش يام اني شن درت خليني عندك خدامه
ام منال بصراخ اني مش امك لي كان يبيك مات
منال حرام عليك وين بنمشي في الليل والشارع فاضي والناس مستحيل ترحمني وتبكي وتتوسل لها
خوت منال يشبحو لي منال ويبكو
ام منال توا تطلعي من حوشي وياويلك حد من لي باره يعرف من دخلتي عندنا قلبتي حياتي لانك بنت حرام  ودمك فاسد
منال انهارت من البكاء بعد سمعت قسوة الكلام طلعت تجري في الشارع وتبكي في الطريق
وهي تبكي وماتشوف في شيء قدامها
وبينها وبين نفسها وين بنمشي توا وتشوف  للشارع كيف فاضي
دقات قلبها تتسارع بشكل غير طبيعي اني وين وصلت بنرجع للحوش نقعد قدام الباب لعند الصباح ونمشي الدار
والتفت وراهاا جت جنبها سيارة
وفيها ولاد الحلو وين ماشي في عقاب الليل
شكله ماعجباش السوم
خالتيه وطلعتي هههههههه
التاني هيا شني مني قداش تبي
منال ماشيه ع المرشبيدي ودقات قلبها تتسارع بخوف وقلق اكتر ولا ردت باي كلمة
واحد هيا شن قولتي
السيارة بدت تهدي السرعه ووقفت ونزلو 2 يبو يركبوها السيارة
منال اول ما السيارة وقفت طلعت تجري بقوة وزوز يجرو وراها دخلت شارع يطلع ع الشارع الرئيسي
الاولاد خافو ورجعو
منال وهيا تجري طاحت على الارض وعبايتها اتقطعت السريته انفلتت
شبحت الشارع  مافيش سيارات هلباااا الوقت متأخر
يارب احفظني  وبعد عليا ولاد الحرام ودموعها في عيونها منبيش نخسر الحاجه لي قاعده محافظة عليها وقعدت ع الرصيف تدعي وشبحت سيارة جايه
ناضت وقفت وتاشر لها بالله عليكم ساعدوني
كان في السيارة راجل معااه عياله
الراجل شبح ل مرته
مرته اطلع اطلع ربي يسترنا ولا يبتليني كيف مابلاك
وطلعو وخلوها
وفجأة مرت سيارة تانيه بسرررعة
منال قدمت تبي............. يتبع