مــعــانــة لقـــيــطـة 😞💔

البارت الثامن ✍

#معاناة_لقيطة
#واقعية
#الحلقة 8
وتوسعت عيون منال بصدمه
لما الدكتور عطها ظرف وقالها اهلك تمو كل شيء وهدا ظروف بوك قالي نعطي ليك مع ملفك
_منال فتحت الظرف ونزلت دموعها وهي تقراء
ان بوها كتب لها
منال بنتي اني ربيتك وتوا مشا الله عمرك 16 سنه عروسه
وتحملت على خاطرك هلباااا
لكن سامحيني يابنتي انحطيت بين زوز خيارات صغاري ومرتي وانتي
واني اخترت عيلتي
وهدم 200 دينار خليهم معاك
وهدا عنوان دار الايتام خودي تاكسي وامشي كملي حياتك غادي
وجداتك عطاتك عمرها
_منال تبكي وتشهق وصوتها عالي حتي انت يابوي خليتني ماكان عندي اغلي منك وين وعودك بتكون سندي طول عمري
مدامك عارفك انك بتخليني ليش من الاول خديتني
وين بنمشي توا وين كلكم تبوني نكون زيها
شن ذني اذا امي سلمت نفسها لواحد بسم الحب
شن ذنبي اذا اني بنت خطيئة
_دخلت الممرضه خيرك شن في
_منال وهي تمسح دموعها وهي خنقتها العبرة سلامتك مافي شيء ولبست حوايجها ونزلت من المستشفي
_وقفت منال في الشارع الناس كلها تشبح له وهي مزال دموعها تنزل اشرت لتاكسي
وركبت
_التاكسي وين اختي
__منال قالت وهي مجبوره وفاقده الامل في حياتها
وهي تلوم امها لي رمتها وخلتها تنذل ارفعني دار الايتام

وبعد مرور نص ساعة
وقف التاكسي قدام دار الايتام
نزلت منال ودخلت

الاستقبال
_منال سلام عليكم
__وعليكم السلام اتفضلي اختي
_منال نبي المديره
__تمام اختي لحظه
_اتفضلي اختي المديره تستنا فيك
_منال مشت ودخلت مكتب المديره سلام عليكم
__المديره وعليكم السلام
_منال اني بنحكي لك قصتي من يوم امي حطتني قدام الجامع لعند اهلي لي ربوني وكبروني خلوني وقالو خلاص كبرتي وجه الوقت لي نعتمد في ع ربي ثم نفسي والملجلاء هو المكان الوحيد لي يمكن نعيش في مكرمه بعيدا عن الذل.

وبعد مرور وقت
_المديره والله نبي ندير معاك معروف بس
_منال بس شن
__المديره لازم في ورق من اي مسؤل وثاني شيء مافي ولا سرير فاضي في الدار.
_منال ودموعها متجمده حطيني في مخزن في المطبخ اي شي بس بالله عليك ماتخليني نطلع تاني الشارع
__المديره يابنتي اني هني مسؤاله عن البنات بس القرار والله ماهو عندي
_منال به شن ندير اني
__المديره اقسم بالله نبي نساعدك بس
_قطعتها منال خسرت كل شيء خسرت كل حياتي خسرت لي ربوني خسرت امي لي رمتني في الشارع شن مزال بنخسر تعرفي لو طلعت لشارع شن ممكن يصيرلي
__المديره اثارة بكلامها هلباااا خلاص يابنتي اني بنسعدك لكن نتمنا مديري اي مشاكل
_منال ربي يخليك
__المديره تعالي معايا بندخلك المخزن وتقعدي في
ومشت المديره مع منال
شافت البنات كانو يتعشو كلهم ابريئا كلهم اطفال مستضعفين ومظلومين
_منال وهي ترتب المخزن جت بنت في نفس عمرها
خودي البطانيه هده اتغطي بها اني عندي زوز
_منال ابتسمت لها شكرا شن اسمك
اسمي نسرين بس هدا مش اسمي الحقيقي
_منال كيف مش اسمك الحقيقي
__نسرين الدار هم لي سموني كان خاطري نعرف امي شن كانت بتسميني.