#معاناة_لقيطة
#واقعية
#الحلقة 3
__باهي يابوي شن معناها لقيطة
_قالي شن شن وملامح وجهه اتغيرت
من قالك الكلام هدا
_البنات لي في المدرسه قالوها ليا
_فجاة دمعة بوي نزلت من البراءه لي كنت فيها
__خيرك يابوي
_شبحلي وابتسم شيء يابنتي وبينه وبين نفسه الكلمه بس جرحتها وكان تعرفي الحقيقة
_يابوي خيرك سرحان
__لا بنتي شيء الكلمه عادي متعدليش عليهم هم يغارو منك لانك اشطر بنت في المدرسه خلي نمشي نشوف امك ونجيك ودخل الدار عند امي
وحسيت بغصه وكسره في قلبي علاش امي اتغيرت عليا هي من زمان هك بس هداك وين بديت نعرف
كنت نشبح فيهم من بعيد وهم في الدار والباب مفتوح
واني في الصاله نسمع في بويا يقولها حرامك عليك
البنت مسكينه مظلومه منك ومن ماضيها ارحميها
_قالت له مش اني لي خديتها من قدام الجامع
__قالها بوي اسكتي البنت تسمعنا ، قسمنا بالله كان ماسكتي لما نغير اسلوبي معاك
_قالت هكي ولا هكي بتعرف حقيقتها مستحيل ماتعرف بيجي يوم وتعرف حقيقتها
واني معاد نبيها في حوشي نهائي
من اول يوم جبتها في واني مانبيها خلينا نعيشو بعيد ع كلام الناس راهو عندك بنت ع وجه زواج
__بويا شن تقولي انتي البنت هده من يوم
جبتها بدت قطعه من قلبي بدت جزء من حياتي
من يوم جبتها ربي فتحها علينا في خدمتي ورزقك بالحمل لي طول عمرنا نحلمو بيه
واني خلاص معاد نقدر نتحمل ظلمك ليها ومعاد بنتحمل منك اي تصرف لها نهائي
وكان تبي زواجنا يستمر ردي بالك تاذيها حتي ب كلمة واحده فاهمه وهدا اخر كلام عندي
_امي واك منك هده بتخرب سمعتنا
__بوي استغفر الله العظيم شن لي درناه احني غلط
_امي بالله عليك ماتخد دور الانسان المثالي هلباااا لما تمشي ف شارع وواحد يقول كلمة ولا تبدا قاعد قدام الناس واحد يقول مربي عنده بنت اعوذ الله من الشيطان.
__بوي بصوت عالي وعصبية كم مره نقولك هده بريئه وطاهره هدا اطهر منك
البنت مظلومه تعرفي شن يعني مظلومه
امها تخلت عنها بوها جحدها واحني لازم نعوضوها ربي رزقنا بيها
_امي يعوضها ربي لكن مش فحوشي
غدوه ولادك بيكبرو وهي بتاخد طبع امها
__بوي ارد على السفيه ماذلة وسيبها وطلعت
واني كنت نشبح فيه واني في الصاله قرب مني وشد يدي وقالي تعالي ركبنا السيارة وقعدنا نتمشا
__ابوي يشبحلي زي كل مره متزعليش من امك وبينه وبين نفسه هي بتعرف بتعرف نقولها ولا لالا
اني خيرك يابوي ساكت
__بوي التفت عليا وقالي
منال حبيتي كان في يوم خيروك بيني وبين اب تاني وقالولك هدا بوك الحقيقي بتختاري من
اني اكيد انت يابوي
__بوي ليش تختاريني
اني لان انت لي ربيتني ومانعرف حد غيرك انت اكتر انسان نحبه في العالم هدا كله
ابتسم ليا وقالي بنخدلك بيتزا من لي تحبيها ووقفنا على محل بيتزا
وبعد مرور الوقت
بعد صلاة المغرب
رجعنا الحوش ولقينا جداي ام امي
فرحت بيها هلباااا اهلاين جداي اهلاين
كنت تحبني هلبااااااااااااااااااااا
واول ماتشوفني من يوم عرفت تحضني وتقعد تبوس فيا وتبكي وتقولي انتي غالية عليا
_جدتي منال
__نعم جداي
_عندي خبر بيفرحك
__شن هو بفرح
_انتي بتجي تسكني معايا
__شبحت لها بستغراب ليش نسكن معاك وامي وبويا وخوتي
_ امي رفعت راسها وهي قاعده اسمعي معاد تقولي امي
__اني يمه اني اسفه والله معاد منعارك مع خوتي ولا في المدرسه
معقول بتخليني نمشي نقعد في حوش جداي
_جداي ياحبيبتي مش امك تبيك تقعدي معايا
اني نبيك تونسيني
وامتا تبي تجي تزريهم نجيبك عادي
وع دخول بويا
_بوي حبيتي القرار هدا لمصلحتك
__من امتا يابوي القرار هدا وعلاش ماقولتلي ليش كلكم تبوني نمشي عند جداي ونسيب المدرسه
_بوي بنحولك غادي
__لكن يابوي بصوت مبحوح بدمعوع اني
منقدرش نبعد عليك انت وامي واخواني اني في حياتي مارقدات بعيد عليكم
علاش معاد تبوني معاكم كاني مش بنتكم ولا ايش ترا قولولي انتم متحبونيش كاني مش بنتكم
بوي.....
__________________
يتبع
#يااريت-اتفاعلو
#انتظرو اذا في تفاعل حانزل بارتين بعدين 🤡
أنت تقرأ
مــعــانــة لقـــيــطـة 😞💔
Romantizmروايهه ليبيهه واقعيه 🤞🏻 احداث كثيره تدور حول فتاة ؛ وضعتها امها امام الجامع متابعهه طيبه ✨🤞🏻 للعلم : الروايه منقوله 💗 ؛ وانا لا اعرف اسم الكاتبه 🙃🤔 ملحوظه : الروايه باللهجه الليبيه❤ #ارجو_التفاعل 🖤 لاني دورتها وواجد بيش لقيتها ✋🏻💔💫
