مــعــانــة لقـــيــطـة 😞💔

البارت الحادي عشر ✍🏻

#معاناة_لقيطة
#واقعية
#الحلقة 11¿
نسرين ومنال توسعت عيونه بصدمه لما شبحو السيارة وهي جايا بسرعة ومايا قدامها
وبصوت عالي ماياااااااا
مايا شبحت لهم شبحه اخيره وضربتها السيارة
المديره والمشرفه والبنات يجرو زي المجانين
على مايا
المديره حد يطلب الاسعاف
صاحب السيارة نزل ووقف مصدوم وخايف
الناس كلها واقفين
منال مايا ردي عليا حبيتي وهي غرقان ف دم
المشرفه دفت منال حولي كله منك انتي سبب في الطالعه
منال شبحت لها ودموعها تنزل وزادة حضنت مايا بقوة
المديره خليها كله من افكارك
وصلت الاسعاف لكن مايا ماتت طفلة في عمر الزهور ماتت بلاء اسم ولاعنوان
وين الملوك لي كانت مسلطنه في لحظة عشق الحرام مايا اليوم ماتت ساقة طعم الموت من غير ماتذوق طعم حنان الام

تسريع الأحداث
بعد دفن مايا في نفس اليوم
طبعاً مافيش عزاء لان ماعندها حد ولا لها حد الا بنات الملجاء
كل المكان حزين ماتت واحده منهم وهدا مصير كل البنات عايشين منتظرين الموت مستقبل مجهول الحقيقة الوحيده هي الموت

وفي صباح يوم جديد
المديره للمشرفه جيبيلي منال
المشرفه حاضر وطلعت من عند المديره
لمنال منال منال المديره تبيك
منال خير شن في
المشرفه توا تعرفي تعالي ورايا
منال وصلت لمكتب المديره سلام عليكم استاذه
المديره وعليكم السلام وشبحت للمشرفه بنظره اطلعي وخلينا بروحك
طلعت المشرفه وسكرت الباب
المديره منال انتي بتمشي مكان تاني والقرار هدا خير ليك
منال بصدمه كيف وليش
المديره اني كيف امك وهدا لمصلحتك
منال منبيش مصلحتي اني معاكم حسيت اني بدية نعيش ليش تبي نطلع
المديره قولت لمصلحتك لان بصراحه ماجت من وراك الا المشكل والموضوع هدا اتفقنا اني والمشرفه عليه
ونادة على المشرفه
دخلت المشرفه اي هدا افضل شيء ولقينا لك مكان في دار رعاية تانيه وغدوه بتمشي غادي
منال بس اني ارتحت هني حتي اني والمشرفه معاد زي قبل بدينا متفاهمين اكتر
المديره هدا قرار يامنال وتوا امشي لمي حاجات لان احتمال يجوك اليوم بعد المغرب او غدوه الصباح وكوني مستعده
منال طلعت وتشوف الدنياه كلها سوداء في وجهها
وتبكي ليش هك يصير فيا ليش ياربي اكيد لاني بنت حرام وهدا عقابي في الدنياه ياربي ليش
احني مخيرون ومش مسيرون ليش كلهم يبوني نكون زيها ليش
ودخلت المخزن وهي تبكي تلم في شنطتها
وجت نسرين بعد عرفت ان منال بتمشي حضنتها وتبكي قولتلك الناس تشوف فينا مش من حقنا نعيشو بعد مابدا عندي اخت بيخلوك تمشي
منال تبكي وتشهق منعرفش ليش لدرجه هده مشاعرنا رخيصه عندهم
قطع صوت بكاهم المشرفه هيا انتي وياها من غير دراما
الجنه لي بترفعك جت
منال مسحت دموعها هيا نسرين ردي بالك على روحك وان شالله اكيد بنجيلك زيارة
وطلعت والمشرفه معاها
منال لي المشرفه نطلب منك طلب
المشرفه خير ان شالله
منال نبيك تكملي قصتك ليا
المشرفه علاش في شن يخصك الموضوع
منال يخصني هلباااا
المشرفه لا مانيش مكمله هيا الناس يستنو فيك
منال بالله عليك كملي
المشرفه ابتسمت بهزوه لا وعطتها ظهرها وكيف بتمشي
منال مرات اني نكون بنتك
المشرفه التفت علها ممكن لكن احتمال واحد من مئه
منال واحد من مئه امل كبير ليا
المشرفه بلا عليك امشي اني مش امك
منال وشن يخليك متاكده اني مش بنتك
المشرفه لاني نعرف بنتي وين
منال به ليش ماتخديها لحضنك
المشرفه ليش ناخدها واي من الاول مانبيها هي حتي ماتعرفني ولا نعني لها
منال انتي انسانه قاسية وعمرك ماهترتاحي في يوم لانك رميتي قطعه منك
المشرفه امشي من غير كلام فاضي
ومشت منال وبينها وبين نفسها معقول في ناس هك
ماعندها احساس ترقد وهم عرفين ديرين ذنب عظيم
لدرجه هده معاد ف رحمة ولا ضميرة
وركب السيارة

في مكان تاني لينا هلباااا مانعرف عنهم شيء
ابو منال راقد على فراش الموت
هدا كله منك انتي لعبتي في دماغي زي الشيطان ربي يخد فيك الحق
خليتيني سيبت بنت بريئه وطاهره ماتعرف شيء ف الدنياه
ام منال واني شن دخلي هدا كان مفروض يصير من اول يوم جبتها رفعتها دار الايتام
ابو منال نبي نموت مرتاح جيبيلي منال نشوفها لي اخر مره
ام منال بعيد الشر عنك باذن الله تنوض بالف خير ليا ولصغارك
ابو منال السرطان في حد يعيش منه
ام منال خلاص بالله عليك ماتعب روحك اني درت بلاغ في جميع دور الرعايه ومراكز وان شالله يلقوها

متابعين يحكو تم تواقعاتكم شن بيصير