مــعــانــة لقـــيــطـة 😞💔

البارت الثالث عشر

#معاناة_لقيطة
واقعية
#الحلقة ١٣
سمعت صوت  سيارة  جايا بسرعة ناضت ومشت خطوتين ووقفت في نصف الطريق
وشبحت لسماء وغمضت عيونها خسرت حياتي وخسرت كل شيء ولو قعدت شويا تاني
في الشارع بنخسر الحاجه لي محافظه علبها ونخسر نفسي
وبينها وبين نفسها مافيش اي حاجة حلوه في حياتي وتسمع في صوت فرامل السيارة وتتخيل فيها وهي بتضربها
وهيا تقرب منها وصوت يقرب فجاة الصوت اختفى
فتحت عيونها وتشوف السيارة واقفه كان فيها عائله
وبوهم في السيارة يشبح لها مصدوم
وبعد دقائق نزل من السيارة
واتجه  لمنال
ودفها
_شن تبي تبتليني بنفسك انتي
__منال اصلا مافي حد رح يدورني
ما مفيش حد يسأل عليا عايشه ولا ميته
_والله العظيم شكلك مجنونه
__منال بصوت ودموعها تنزل عالي ليش ما ضربتني ليش
_ اتجه لي السيارة وقعد يكلم في مرته وصغاره
شكلها البنت مخطوفه
_مرته اعوذ الله معقول
_زوجها اي واضح تبي تموت مافي شيء غير هكي
_البنت يابوي حرام امشي جيبها
_مرته اي جيبها نكسبو فيها اجر عندنا ولايا
_يصير خير
ورجع لمنال يابنت الناس انتي شن قصتك
_منال الدنيا كلها اتسكرت في وجهي
__شبح لها به توا تبي مني شيء
_منال نبي مية نشرب
__باهي يابنتي تعالي معاي السيارة فيها بناتي ومرتي اركبي ويصير خير شكلك وراك موضوع والله اعلم
_منال شبحت بخوف لكن بينها وبين نفسها شن مزال بنخسر ولا شن مزال بيصير غير اللي صارلي
ومشت ركبت السيارة
وطول الطريق ساكته والناس ولا حد فيهم قال كلمة

تسريع الأحداث بعد مرور نصف ساعة
وصلو عند الحوش ونزلو من السيارة
والبنات يجرو كل واحده تجيب حاجه لمنال
_ابتسام جابت لها مية اتفضلي
_منال تشرب بسرعة زيديني طاسه تانيه
__ابتسام شكلك عطشانه
_منال اي هلباااا
_جت التانيه ساره- تسال في منال وين اهلك وكيف طالعه هكي بروحك في الليل
__امهم التفتت عليهم عيب من غير اسئله بايخه خلو البنت شكلها تعبانه
_منال لالا عادي خليها تسال اني لقيطة

كلهم التفتو على منال بصدمه
_منال اي اني لقيطة
ماسمعتو علي النوع هدا من البشر  ولا تعرفوهم بس راهو احني زيكم بس مظلومين وما عندنا اهل
_ام البنات يابنتي نعرفك بنفسي اني خالتك سعاد
و توا نوضي دوشي
ويصير خير ونفهمو منك قصتك بعدين
_منال هزت راسها بايجاب
_سعاد نوضو يابنات جيبو لها حوايج
_ابتسام تعالي اني وانتي نفس الجسم تعالي معايا
_منال ناضت وخدت حوايجها ودخلت الحمام دوشت وطلعت
لقت سعاد وبناتها مجهزين لها سفرة العشاء
_منال ليش متعبين روحكم
_ساره لازم تاكلي باش تحكي لينا قصتك لان عندي احساس كبير ان في حاجه وشن وصلك لمكان هدا
_امها اتحشمي خلي البنت تاكل
_منال بابتسامه خفيفه قعدت على الارض المكان هدا اللي جابني فيه هو ان امي لي ربتني من عمري يوم لاكتر من14 سنه طردتني لما بوي مات
_ام البنات سعاد اعوذ الله وحطت يدها ع راسها من الصدمه معقول في الوقت هدا تطردك في ليل ياويلها من ربي ياويلها.

تسريع الأحداث بعد مرور ساعات ومنال تحكي قصتها
_ام البنات شوفي يابنتي انتي بتقعدي معانا وزيك زي اي وحده من بناتي
__منال لالا غدوه بنمشي الدار
_سعاد لا يابنتي الدار شن بيدير فيها اقعدي معانا وكان اضايقتي منا وقتها امشي الدار
_ساره ايه اقعدي معانا والله حبيتك
_ابتسام ايه و عندنا عرس باش تمشي معانا هههههه
__منال بابتسامه خفيفه والله مش عارفه كيف نرد جميلكم
_سعاد ام البنات اي جميل الناس لبعض ومزال في قلوبنا رحمة وفي خوف ع بعض
هيا يابنات خدوها خلي ترتاح
منال ناضت ومشت مع البنات وبينها وبين نفسها
امي يا امي انتي سبب في كل شيء صارلي في حياتي كل شيء ضرني انتي سبب فيه
_ساره اني اليوم عليا غسل المواعين تعالو اقعدو جنبي وبعدها نركبو الدار
__منال خلي اني بنغسلهم
__ابتسام لالا والله ماصارت هكي ولا هكي بعد 3 ايام بتاخدى دورك معانا وبتبدي اديري كل شيء
ودخلو المطبخ

تسريع الأحداث بعد كملو شغل المطبخ
طلعو دارهم
وكل وحده خدت فراش
ساره منال عمرك اتمنيتي تشوفي امك
ابتسام شبحت لها شبحه بنص عين
منال هههههه خيرك تشبحيلها خليها اي تمنيت هلباااا ومن كتر ماتمنيت يأست
ابتسام لكن تعرفي عندي احساس بتلقيها
منال ان شاء الله
وكل وحده حطت راسها ع المخده
منال ماجها نوم وهي تفكر معاد عندي اي شي في الدنيا هده
الاالعيلة هادي ومش دايميلي اكيد اني علاش عايشه باش ناكل اني معنديش اي لزوم في الدنيا 
ناضت بشويا من فراشها وطلعت من الدار وطلعت فوق سطح الحوش
ومشت خطوه ...خطوتين
3خطوات
لعند وصلت لي اخر الحيط قررت ترمي نفسها
فجاة تسمع في صوت
شن ديري اوقفي مكانك
وبدا يقرب منها
منال بالله عليك خليك بعيد عليا
انتي بتموتي كافره هكي
منال اني  بنت دم فاسد بداية خطيئة واخرتي ذنوب
لا حول ولا قوه الا بالله العظيم يابنت الناس انزلي
مزال قدامك الحياة طويلة متعرفيش ربي شن مخبي ليك
منال اني قراري محسوم هدا مصيري
فجأة توسعت عيونها بصدمه.
.........................

شوية وانزل حلقة تانية تعويضا على تأخيري عليكم وشكرا لكل من دعا لي ربي يحفظكم ليا وما يحرمني منكم😍😍😍