مــعــانــة لقـــيــطـة 😞💔

البارت السابع ✍

#معاناة_لقيطة
#واقعية
#الحلقة 7
_ام منال هكي ولا هكي بتطلعي زي امك
__منال رفعت عيونها وتتكلم بصوت مبحوح مخنوق لا انتي ربتيني صح كنتي قاسية هلبااااااااااااااااااااا عليا لكن علمتيني الصح من الغلط انتي امي
الام هي لي تربي مش تولد
خليني معاكم بين خوتي ونكون خدامه عندكم لكن بالله عليك ماطلعيني من هني منبيش نكون زي.....وسكتت ودموعها تنزل
__ام منال تشبح له وبينها وبين نفسها هده بلعاني تبي نخلها ويجي يوم تاخد راجلي لالا اكيد بتطلع زي امها وفجاة وبصوت مسموع لي زيك جيين من الحرام ماتتحشم
ها شن اختارتي تطلعي من حياتنا ولا نخليك تندمي على اليوم لي جيتي في عندنا السلام ولا الحرب
_منال لا هده ولا هده اني مش هنطلع من هني
__ام منال تمام انتي لي اخترتي وطلعت من الدار
_منال بدلت حويجها ومسحت دموعها ورقدت على السرير ربي يسامحها ويحنان قلبها عليا وخدها النوم
وهي تحلم بكوابيس
فجاة تحس بحرارة في الدار ونكتمت فتحت عيونها
لقت الدار تنحرق وبصوت عالي يابوي يابوي
الدار كلها نار واني ف النص
_ابو منال.... منال منال بنتي قاعده
__منال اي يابوي الباب مسكر
_ابو منال يحول يفتح الباب مسكر من الداخل
وانفتح الباب لكن الحريق منتشر ف الدار كلها
منال يابنتي حطي البطانيه ع جسمك وتعالي جاي جري
_منال لالا يابوي منقدرش خايفة
_ابو منال بصوت عالي تعالي بنتي في امل ماتخافي
الحوش كله ينحرق بسرعة
_منال يابوي هدا عمري وتم بالله عليك انت بره انت في شيء تستهل تعيش له
لكن اني لا ام ولا اب ولا اخت ولا اخ سند ليا وحتي حياة مستقره
كان تحبني يا بوي امشي بالله عليك
_ابو منال انتي بنتي وحبيبتي ولو صارلك شيء والله مانسامح نفسي نهائي
_منال حطت البطانيه ع جسمها وطلعت تجري عند بوها
حضنها ونزلو يجرو جيهت الباب
وام منال كانت واقفه وصغارها وجيران
الناس كلها حمد الله ع السلامة وجت الاسعاف والمطافي
_منال تصرخ من الالم ايدها انحرقت
_|م منال تشبح له بقهر حرقت الحوش ع خاطر تموتي ومزال عايشة
مستعده ندير اي شي باش تطلعي من حياتي
ورفعو منال المستشفي
الدكتور قال لازم عملية تجميل ليدها
_ابو منال كم تحتاج
__الدكتور مبلغ كبير لكن كان تبو خود دور لها وتستنا مع الوقت
_ابو منال كم الوقت
__الدكتور سنه
_ام منال وهي فرحانه اي نستنو عادي المبلغ كبير
__ابو منال لالا بندير العمليه هده بنت وحرام عليا تقعد متشوها
_ام منال تشبح له بغل وحقد وطلتع من الدار
_الدكتور خلاص العملية بعد 5 ايام وتقعد هنا باش تنظفي وعلاج
_ابو منال تمام هنمشي نتم اوراق الدخول

تسريع الأحداث بعد مرور 3 ايام
كان كل يوم ابو منال يجي المستشفي زيارة
وفي اليوم 4
_منال راقده ع السرير والباب انفتح بوها
عدلة روحها وابتسامه بوي
_ابو منال امك اليوم جايه معايا
__منال حست بشي خيرك يابوي نحسك متغير في شيء
_ابومنال لا يابنتي مافي شيء بس نبيك....
ع لحظه دخول امها وبابتسامه ع وجهها اهلا منال بنتي حمد الله ع السلامة غدوه باذن الله عمليتك
_منال شبحت لي امها بستغراب وبينها وبين نفسها شن في اكيد ناويه على شيء تاني
_ابو منال اليوم جيين بنطلعوك تتعشي في احسن مطعم في ليبيا على خاطر العمليه غدوه وتوا بننزل نولع السيارة وناخدلك اذن من الدكتور
_منال هزت راسها بايجاب كان خاطري نقوله اقعد ننزل معاك لان امي اكيد ناويه على شيء
__ام منال بعد ما طلع راجلها قربت من منال وحطت عيونها في عيون منال
وقالت بنخليك تتمني الموت تتمني امك ما حطتك عند الجامع يالقيطة يابنت الحرام
_منال بصراخ عالي خلااااااااااااااااص ساااااااااااااد بنموت منكم خلاااااااااص حرام عليك
__ام منال كان الكلام دار فيك هك كيف بيكون الفعل
_منال حرام عليك علاش ديري هك اطلعي باره اطلعي باره معاد نبي نسمع منك ولا كلمة
_ام منال طلعت وسكرت الباب
_ابو منال اتصال على منال حبيتي اني نتم الاوراق ونجي نزلك
_منال وهي تبكي حاضر يابوي
وفجاة منال توسعت عيونها بصدمه....

متابعين تم وشن تواقعاتكم شن بيصير