#معاناة_لقيطة
واقعية
#الحلقة١٦
منال اني لقيطة
ام العروسه شبحت ومن الصدمة طاحت الكاس لي ف يدها
منال خيرك خالتي بسم الله
ام العروسه لا شي بس انصدمت
منال شبحت لها وسكتت
ام العروسه به من وين عرفتي سعاد وبناتها
منال قصة طويلة بس همت بيسعدوني نلقا امي
ام العروسه ربي يكون في عونك يابنتي وتلقيها
منال ان شاء الله عن اذنك رجعت ع الطاولة عند سعاد وبناتها
سعاد شن صار
منال شفت ام العروسه ومسكينه شكلها حزينة على بنتها
سعاد ردي بالك تكوني قولتي لها شيء غير انك صاحبة البنات
منال هزت راسها وبتوتر اي اي
سعاد ماهو يابنتي متعرفيش شن في نفوس الناس
وربي يحفظك من كل شر
منال تسلمي يمه
تسريع الأحداث بعد الزفه
سعاد هيا بنات
منال بندخل الحمام وانجي نطلعو
سعاد تمام بسرعة
منال وهي ماشيا لحمام لقت ام العروسه
تبكي في الحمام
منال خيرك خالتي وتبطبت ع ظهرها
ام العروسه رفعت عيونها وهي تشوف وتبكي
منال ربي يسعدها في حياتها بابتسامه
ام العروسه ان شاء الله يابنتي
منال خالتي خيرك
ام العروسه مضايقة يابنتي
منال قولي بالك ترتاحي
ام العروسه خليها تجرح داخل وخلاص
منال ان شالله ترتاحي
فجاة قطعهم دخول ولدها
منال انصدمت ونزلت راسها عن اذنكم وطلعت تجري ام العروسه يابنتي
منال التفت عليها نعم خالتي
ام العروسه ردي بالك على روحك
منال ابتسمت حاضر ومشت
تسريع الأحداث
روحو الحوش
ومنال بينها وبين نفسها قداش سخفتني المرا هادي
ومرقدتش كويس من التفكير
ومرو يومين من غير احداث مهمه
وفي صباح يوم جديد
منال صباح الخير
ساره وابتسام صباح الورد
ابتسام في راجل عند بوي من الصبح
منال به
ساره قوليلها شن يبو
منال شبحت باستغراب شن فيه
ابتسام فنصت في ساره بتاع اسكتي
منال غير شن فيه قولو
ابتسام والله ماعندي جهد نشرح شفتي لي حضرنا عرسها
منال هزت راسها ايه
ابتسام بوها وخوها
منال اها به وشن فيه
ابتسام منعرفش امي تبيك
منال نزلت ودخلت ع سعاد صباح الخير يمه
سعاد اهلين بنتي صباح الخير
تعالي نبيك في موضوع
شوفي يابنتي... ٠٠٠٠٠٠٠ .......يتبع
أنت تقرأ
مــعــانــة لقـــيــطـة 😞💔
Roman d'amourروايهه ليبيهه واقعيه 🤞🏻 احداث كثيره تدور حول فتاة ؛ وضعتها امها امام الجامع متابعهه طيبه ✨🤞🏻 للعلم : الروايه منقوله 💗 ؛ وانا لا اعرف اسم الكاتبه 🙃🤔 ملحوظه : الروايه باللهجه الليبيه❤ #ارجو_التفاعل 🖤 لاني دورتها وواجد بيش لقيتها ✋🏻💔💫
