#معاناة_لقيطة
رواية منقولة
الحلقة ١٤
فجأة توسعت عيونها بالصدمة
لما جبدها وهيا كيف بترمي روحها
منال حرام عليك علاش
هو-يابنت الناس الموت مش هو الحل تعرفي شن حكم الانتحار
منال- بعدين شن ليك علاقة
هو_انتي في حوشنا هدا اول شيء
امي حكت ليا ع كل شيء ترضي تضري الناس اللي ساعدوك
منال_ نزلت راسها استغفر الله العظيم انت خو ابتسام وساره
هو_ايه اني احمد خوهم وانتي اختي التالتة
الموت مش حل لمشكلك توا انزلي ارقدي ويصير خير
منال به بالله عليك ماتقول لامك ع صار
احمد- حاضر بس بشرط توعدني معاش تعاوديها هيا انزلي
منال ابتسمت له حاضر بارك الله فيك
ونزلت
ودخلت الدار
ساره فتحت عيونها بكسل منال خيرك شن فيه تبي حاجه
منال لاحبيبتي كنت في الحمام وحطت راسها ع المخده وخداها النوم
في دار سعاد
راجلها تعرفي اني مش مرتاح للبنت هادي
سعاد حرام عليك والله باين عليها طيبة
راجلها كلهم يبان عليهم هكي خايف تكون بنت مش تمام وتمثل علينا
سعاد لا ياراجل حرام ماتقول هكي عندنا بنات
راجلها ماهو على خاطر عندنا بنات هدا ليش خايف عليهم
سعاد غدوه اني بنهدرز ونقعد معاها
ومرات نفكر نمشي نسال عليها في الدار اللي كانت فيها شن رايك
هز راسه ان شالله خير ارقدي الوقت متاخر وان شالله خير
وفي صباح يوم جديد
منال راقده لظهر
والبنات ناضو بكري في المطبخ
سعاد ساره بري نوضي منال تنزل باش تتغدى
ساره خليها راقده مسكينه حسيت بها طول الليل مارقدتش
سعاد مسكينه ماليها ذنب في كل لي يصير لها
ابتسام يام بنرفعوها معانا للعرس
سعاد اكيد امال شني
ساره لكن ماعندها قفطان
امها اني شويا تاني بناخدها ونطلع ناخدلها شويا حاجات تو نشريلها اللي يعجبها
وع نزول منال وسمعاتها شن قالت ابتسمت وبينها وبين نفسها زعما الدنيا بتضحكلي ونلقا اهل يخافو عليا لكن لالا هده فترة مؤقته اهلي اللي ربوني 14 سنه ماحبوني وهادم في يوم بيحبوني ودخلت المطبخ صباح الخير
ساره الساعه واحد ونص وين الصباح هههههههه
ابتسام هي باش تاكلي وبنمشي تاخدي حوايج بتمشي معانا عرس بنت سلف خالتي مطولها ههههههه
منال ما شاء الله وامتا عرسها
ام البنات الاسبوع الجاي ان شاء الله
تسريع الأحداث
بعد الغداء
ام البنات هيا منال نوضي بتمشي معايا
على دخول احمد ولدها سلام عليكم
البنات وعليكم السلام
وخش المربوعه قعمز
وريموت كان جنب منال
قالها جيبي الريموت
امه نوض ماتتحشم البنت قاعده
احمد قاعده ولابسه حجابها وانتي قولتي بتقعد معانا يعني زيها زي ساره وابتسام
منال والبنات ضحكو
امه نوض من غير هبال ورد بالك نلقاك مضايقهم في مكانهم نوض ولع السيارة
بترفعني السوق مع منال
احمد باهي باهي غير نشوف كم المباراة الاهلي والاتحاد
ودار القناة الله اكبر الاهلي 2
منال قصدك تشجع في الاهلي
احمد ايه
منال الاتحاد احسن
ابتسام شبحت لساره وابتسمت لها وضحكو
منال شبحت لهم بخجل
ام البنات هيا اطلع وطلع احمد
تسريع الأحداث
طلعت منال وام احمد لسوق
منال خالتي نطلب منك طلب
ام احمد اكيد
منال احني توا في المنطقه لي فها الدار عادي نمشي خاطري نشوف البنات
ام احمد حاضر نمشي السوق واحني مروحين نرفعك منال ابتسمت شكرا
ومشت السوق وخدت لها فستان وكل ما ناقصها وتوت
وهم في الطريق يتسوقو
ام احمد منال بنتي اني يشهد عليا ربي ارتحتلك
وكأنك بنتي بس نبي نسالك مفيش حد اعتدى عليك
منال شبحتلها ودموعها متجمده في عيونها صح اني لقيطة ياخالتي وبنت لكن الا شرفي الحاجه الوحيده قعدت ليا
ولو كان زي متقولي راهو توا اني مش جنبك
ام احمد سامحيني يابنتي حبيت نطمن بس والله مايفرقني عنك كان الموت
وحضنتها قدام الناس قعدو يشبحو ليهم
منال ياخالتي الناس تشبح
ابتسمت لها توا يقولوا مجانين هههههههه
وكملو طريقهم بعد ساعه ف سوق رجعو
السيارة ركبو
ام احمد توا نبو الملجأ
احمد حاضر يام وشبح ل منال ف المرايه
وصلو قدام الملجأ
نزلت منال ودخلت مع سعاد
دخلت الدار ومشت لمديره خبطت الباب
منال السلام عليكم
المديره وعليكم السلام اهلين اهلين منال كيف حالك
منال الحمد لله
المديره شكلك مرتاحة وامورك تمام
منال اي الحمد لله هده خالتي سعاد خدتني بعد ما بوي مات ومرته طلعتني من الحوش ف الليل
المديره لا حول ولا قوه الا بالله لدرجه هده في ناس هكي
منال بحزن ووجع الحمد البنات وينهم
المديره ادخلي هم داخل
منال خالتي نمشي نسلم عليهم ونجي
سعاد تفضلي واني نستنا فيك
طلعت منال ع البنات اهلين بصوت عالي
البنات منال حمد الله ع السلامة وينك
منال اهو قاعده وين نسرين
نسرين لقت امها
منال بصدمه وفرحه بالحق كيف وامتا
رهف وحده من البنات تتوقعي من امها
منال من قولي
رهف المشرفه طلعت امها وتاني يوم مشيتي اعترفت لها قالت السبب هو انك استفزتيها بكلامك وقالت حطتها لما كانت صغيرة وخدمت في الملجأ على خاطرها
منال الله يسعدها....
...............يتبع
أنت تقرأ
مــعــانــة لقـــيــطـة 😞💔
Roman d'amourروايهه ليبيهه واقعيه 🤞🏻 احداث كثيره تدور حول فتاة ؛ وضعتها امها امام الجامع متابعهه طيبه ✨🤞🏻 للعلم : الروايه منقوله 💗 ؛ وانا لا اعرف اسم الكاتبه 🙃🤔 ملحوظه : الروايه باللهجه الليبيه❤ #ارجو_التفاعل 🖤 لاني دورتها وواجد بيش لقيتها ✋🏻💔💫
