مــعــانــة لقـــيــطـة 😞💔

البارت الثامن عشر

#معاناة_لقيطة
واقعية
الحلقة١٨

خالد  : الووو منال وين مشيتي ردي بالك تزعلي من امي مع الوقت تو تحبك
منال: هزت راسها بخجل وبابتسامه  لا مش زعلانه
خالد:  طبعا بعد العرس بنقعدو هني اسبوع وبعدها على طول بنسافر ماليزيا بنكمل قرايا
وكان سخر ربي ورجعنا باذن الله حوشي بروحي
منال: ابتسمت  ان شاء الله
وبعد مرور ساعتين
خالد: هيا توا بري قولي لامي والبنات يطلعو
منال: حاضر
طلعت من المربوعه
لقت احمد قدامها
الف مبروك ياعروسه
منال: الله يبارك فيك
ودخلت ع ام العريس واخواته
كان واضح عليها الحزن لكن تحاول تخبي قدام منال
ساره وابتسام زعرطو اول مادخلت منال : ضحكت
سعاد :ربي يهنيها
منال: عمتي خالد قالكم هيا
ام العريس هيا ومش قادره تحط عيونها في عيون منال
سعاد: بكري خليكم زيدو هدرزو
ام العريس: يقعد الخير ان شاءالله
وروحو اهل العريس
وكملو سعاد والبنات حوستهم
وكان يوم حلو وفرحو
وخشو رقدو طول من التعب

تسريع الأحداث في صباح يوم جديد
منال : صباح الخير
ابتسام : صباحو عسل
منال : اني اليوم بندير الفطور
ابتسام : لا ارتاحي انتي
منال : لا اني بنديره
ابتسام: براحتك ياحنه
دخلت سعاد منال شن بديري
منال: بندير الفطور
سعاد: به بسرعة باش نمشو
منال: اي حاضر
ابتسام :وين ؟
منال: شن نسيتي مش خالتي نعيمة قالت وحده حطت بنتها قدام جامع  وتوا ادور عليها
بنمنشو نشوفو بالك تطلع امي
ابتسام :ان شاء الله ياربي ع الاقل تتزوجي وانتي مرتاحة وتفهمي منها كل شي 
منال: زعما تطلع امي وتجاوبني على كل سؤال محيرني 
ابتسام :وكان طلعت امك بترجعيلها
منال: مش عارفه بس ممكن اللي شفته يخليني نجري نحضنها مم غير ما نحس لكن مااضنش نقدر نسامحها
قاطعهم دخول ساره وهيا تتاوب وبكسل صباح الخير
منال وابتسام  :صباح الخير شن هدا كله نوم
ساره: اني جعانه فضل منها  الطورطه متع امس
ابتسام ههه مبردك همك كله بطنك

وبعد الفطور
سعاد: ها منال جاهزه
منال: اي يام
سعاد: هيا بنتي
وركبو السيارة مع احمد
وصلو الحوش المراه اللي ادور على بنتها
والحوش كان كبير
فتحت الخدامه اتفضلو
المدام شويا وتجي
قعدت منال وسعاد يتفرجو علي الحوش الفخم
وجت المدام صاحبة الحوش وكان واضح عليها من حوشها ولبسها انها غنية هلبا وفلوووس
آمال :السلام عليكم
منال وسعاد : وعليكم السلام
آمال:  طبعا  اني اسمي امال واندور  ليا فترة على بنتي
منال: شبحتلها اهاا
لكن  انتي مش امي
امال :كيف عرفتي ؟؟
منال :منعرفش بس ماحسيتش بأي مشاعر تجاهك اول ماشفتك
واني احساسي ما يكدبش عليا

امال :ناضت حضنت منال بقوة
صح اني مش امك لان بنتي عمرها توا مفروض 12 سنه
وانتي ماشاء الله عروسه
سعاد: ايه امس الفاتحه متاعها
امال مشاء الله ربي يبارك شن نجي الفرح ولا كان ماطلعتش امك خلاص
سعاد: لا اكيد اتفضلي تنوري
منال :علاش رميتي قطعه منك
سعاد: منااال اسكتي 
امال:  خليهاا نزلت راسها كنت صغيرة وكل همي الدنيا والسفر والفلوس
اتزوجت  راجل فلوس وعز
من اول زواجنا قالي منحبش البنات ونبي اولاد بس
ولو جبتي بنات
بنطلقك
حملت  ولما وصلت الشهر الخامس طلعت بنت وطلب راجلي يمشي معاي العيادة باش يسأل الدكتورة  عطيت الدكتوره فلوس باش تقوله ولد
واول ماعرف انه ولد شالني من ع الارض ودلع وكل شي نبيه يجيبه

وفي يوم كان مقعمز  يختار  من اسماء  الاولاد ومحتار شن بيسمي  وكانت اخته قاعدة معانا 
قالتله  ماتفرحش هلباااا في وحده قالولها ولد وطلعت بنت
رد عليها   وربي نقتلها كان طلعت بنت ......
وجا موعد ولادتي
ويشاء الله  انه كان خارج المدينة لعمل ضروري 
مشيت رفعتني اختي
ولدت بنت
قولت للدكتوره يرضيك الطفله هادي تموت
الدكتوره قتلي لا طبعا
خلاص راجلي لو عرف اني جيت بنت بيقتلها
الدكتوره :  لا حول ولا قوة الا بالله
آمال :  قوليه ولد ومات
الدكتوره:  والبنت شن بديري فيها
بنعطيها لي اختي تربيها
واتفقنا وتم الموضوع
لكن للاسف اختي رفضت تاخد البنت 
وراجلي قرب مرواحه
وما كان قدامي الا اني نحطها قدام جامع
وفعلاحطيتها  وياريت ايدي انقصت ولا حطيتها
كنت كل يوم نموت الف مرة  راجلي جاه الخبيث واصبح انسان عقيم معاد يقدر يجيب صغار
عقاب من ربي ليا وليه
وبعد مرور 3 سنوات مات
واني ارمله قدامك حزينة مكسورة  عرفت ان الفلوس مش كل شيء ولي عند اللحظه هادب بنموت على بنتي وهيا هادي  قصتي يا مناال

منال : يارب تلقيها وتفرحي بيها
آمال : يارب
سعاد : هيا نوضي بنتي
آمال : والله ما صارت لين تتعشو
و اتعشو عند امال
روحت منال وسعاد
منال: يام اني تعبانه نبي نرقد
دخلت الدار
ساره وابتسام :ها شن صار
منال  :تعبانه ونحس فب روحي مخنوقه غدوه نحكو
وحطت راسها ع المخده
وهيا مقهورة كل مانقول فرجت ولقيت خيط يوصلني نزيد نضيع اكثر يارب وين الخيرة
ورقدت ودموعها في عينها  وجيها كابووووس وحلم فضيع
حلمت انها عروسه ولابسه فستان أبيض وكله دم
وقدامها ام العريس
منال ليش هكي ليش
ام العريس  : الله غالب
منال تجري تجرررري 
وطاحت في حفرة كبيرة
وناضت منال من نومها مخلوعه
استغفر الله العظيم يارب
اعوذ بالله من الشيطان الرجيم
ان شاء الله خير
................يتبع