الجزء الثاني♥️
وليد... جنه كاعدين اني واهلي دنتفرج مسلسل عادي مثل كل يوم تطلع ساعه تسعه متابعيها حيل ومندمجين وياها والحب شمس والجاي ومنسمع اله صوت انفجار بس بسيط يعني مو كلش قوي وراها اشتغل الرمي منعرف منين ردت اطلع اشوف شكو والدي مقبل كعدنا وسكتنا واصلا ماطول عايشين بالعراق هذا الوضع مو غريب علينا ورا شويه دك صاحبي ولد جيرانه عليه
محمود... هلو وليد انت وين
وليد... اني بالبيت خير
محمود... مسمعت شصار اني برا بشارع وطكت عبوة على سيارة مال جيش وتصوب كم واحد وهسه دا اشوفهم يمكن حيسون مداهمة على المنطقة دير بالك واذا تكدر اطلع
وليد... يمعود كول الله ماكو شي ان شاء الله
محمود...كيفك اني كتلك مع السلامة
وليد... الله وياك
ابو وليد... خير شكو
وليد... بعد توني دا اسولف لابويه شصاير
ومنسمع اله الباب ديندك كلش قوي وصياحات طلعت دفتح والدي ميخليني...
يابه الله يخليك حيهجمون الباب خل دنفتهم شكو
ابو وليد... ماكو اكعد معلينا خل يهجموه عساس احنا مموجودين
ام وليد... اي معلينا احنا
وليد....يابه صدك تحجي شوف كسروها للباب...
صدك منشوف اله الجيش فات علينا وما احجيلكم على الموقف صايرين اعصاب ويصايحون واحد منهم انفتح بينا
الجندي... وينكم ليش مدتفتحون الباب ختلتوهم مو ضميتهم
وليد... لصيييييح مضامين كل احد فوت دور
الجندي... طبعا ادور وغصبا عليك سرسريه بس تكتلون بينا
وليد... شعلينا احنا نكتل بيكم مالنا دخل
الجندي... ميخالف بعدين اتفاهم وياك
فاتوا هجموا البيت والمنطقة كلها دخلت انذار وتفتيش وابويه بس ياشرلي ويسكت بيه حتى ما احجي واني دا انتظر تاليها
الجندي... امشي ويانه
ابو وليد... وين ماخذيه
الجندي... حجي مو بس ابنك احنا دنلم شباب المنطقة هو كم سؤال ونطلعهم
ابو وليد... متاخذه ابني جان هنا بلبيت ماله دخل
وليد... يابه ماكو شي اروح وارجع لتخاف... رحت وياهم غصبا عليه طبعا صعدونا بالسيارات احنا كم واحد من المنطقة واني متاكد هذا الجندي اخذني ع القسط لان جاوبته اخذونه وماكو احد يكدر يحجي الكل دينتظر تاليها بس اني جان كلبي حيل بارد لان واثق ممسوي شي هو كم سؤال وبينون عضلاتهم كدامنه وخلص بس محد كسر خاطري غير امي وابويه امي بس تصيح وتتوسل بيهم يرجعوني وابويه الدمعه بعينه لاحول ولاقوة.... ودونه للفرقة لان الجيش هو الي اعتقلنا واستلمونه اهانات ع مسبات واحنا الي دنتستر ع الارهاب ومن هلحجي هذا وجان اكو مسؤول بالجيش مبين راس جبيرة عدهم جاي صدفة بالفرقة كلهم رادوا يبرزون عظلاتهم كدامه عساس همة مسيطرين ع الوضع شويه وفات ع الغرفة الي جنا بيها وبده يباوع على واحد واحد بينا
المسؤول.... خير ذولة شعدهم
الظابط.... سيدي طكت عبوه على سيارة مال جيش بمنطقتهم وتصوبوا الولد خطية ودنحقق وياهم
المسؤول... اي هو محد فرعن الارهاب علينا غير هلنماذج الي يسترون عليهم
وليد... واحنا شعلينا هاي شغلتكم لو شغلتنا انتوا الي لازم تقضون عليهم
الظابط....لك شو انت لسانك طويل انت تعرف ويامن دتحجي
وليد... ويامن يعني .. ..ماشوف اله الظابط جر ياختي حيل
الظابط....لك احجي عدل لا نسيك اسمك هسه
المسؤول... عوفه يحجي مابيها شي اكلك انت شتشتغل
وليد.... مهندس بالكهرباء
المسؤول... يعني فاهم وعارف الي يطول لسانه على اسياده شيصير بيه
وليد.... اني ماخاف بس من الي خلقني شتريد تسوي سوي
المسؤول... لا مو بس لسانك طويل ومصر هم على وقاحتك بس مو صوجك انت الظاهر ممتربي فياردلك تربيه من جديد
وليد... تخسه لك
المسؤول... حظرة الظابط هذا الولد ارهابي مبين من شكله وامثاله لازم نقضي عليهم تحوله للسجن حالا بتهمة 4 ارهاب
الظابط... سيدي بس...
المسؤول... اكو اعتراض حظرة الظابط
الظابط.... لا سيدي تامر
وليد... تخبلت وين حيفوتوني ذولة ظليت اصيح واسب وميفيد حسيت سودت الدنيا بعيني شحيصير بيه شسويت بروحي لو ساكت مو احسنلي بعدين لا رب العالمين مستحيل يبقيني بالسجن اني ممسوي شي ومظلوم بس هواية بالسجن مظلومين شون ياربي امي وابويه واختي منو الهم شسويت بروحك وليد... احجي ويا روحي واني ديسحلون بيه واقاومهم وما اكدر هواية كلش جانوا شدوا عيوني وما اعرف وين كاموا يوديني اخر شي استقريت بسجن بيه اشكال الوان مجرمين على مظلومين بس اني مختلطت باحد جنت بحالي وهم مخلصان منهم بدوا يعذبون بيه دمرت ادربوا علينا بالسجن بالبدايه جنت بس اريد احد يطلعني جنت دا انتظر الخلاص ابويه وينه مستحيل يبقيني هنا مستحيل يعرف هيج دا اتعذب ويعوفني ربي دخيلك مدشوف جنت احسب الايام اكول مستحيل اظل اكثر من شهر اكيد بس ديادبوني واطلع ومرات اصفن لو لازم لساني وساكت شكد جان والدي ينصحني وميفيد.. مرت الايام وبطلت حتى افكر واحسب ولا كمت اعرف التاريخ وشكد صارلي هنا شهر سنه صرت انسان ميت من واحد مرتاح بعيشته وباله صافي الى انسان كل هدف ماعنده غير ينتظر الموت ديرتاح من الظلمة والعذاب الي هو بيه
