الجزء الخامس عشر♥️
سارة... رجعت امي من بيت ام وليد وحسيتها ضايجة شوية... شبيج يوم شو ضايجة
ام سارة... انتي تعرفين اكو مشروع زواج بين وليد وبنت عمته
سارة... شنو لا ما اعرف منو كلج
ام سارة... امه دتحجيلي ليوم بالبداية كلها اي وهسه ديماطل علما فتحت الموضوع وياهم
سارة... وانتي ليش ضايجة
ام سارة... بصراحة ردته الج الولد مينعاب ماشاء الله عليه مهندس ومتوظف وشكله يخبل والف وحدة تتمناه واحنا متفاهمين واشوفكم انتوا وياه كلش واحد راهم للثاني
سارة... يوم الله يخليج هذا الموضوع انسيه اني ووليد مستحيل نتراهم ودائما مختلفين وانتي متعرفين بيه شكد عصبي من تجيه الحالة يفقد
ام سارة... يمة اني اريد حظج احسن من حظي شفتي شكد عانيت ويا ابوج
سارة... يوم اني ممفكرة بالزواج هسه ماشي
وليد... مرت الايام سارة مشتاقلها موت بس عفتها هاي الفترة ماريد الح عليها خليها تشتاقلي لان اعرف بيها هي هم تحبني وامي من جهة مدتعوفني دتلح علمود بنت عمتي وحرجتني ويا العالم واني اثولها
سارة... مر كم يوم ووليد ولا سأل ولا شفته صدك شتاقيتله وفديوم جنت راجعة للبيت متأخر شوية لان طلعت من الدوام ورحت للسوك جنت محتاجة كم شغلة مرجعت للمغرب اول مفتت للبيت امي ماكو دكيت عليها كالتلي اني بيت ام وليد تعاي اخذيني اني من رجعت عرفت وليد مو بالبيت لان سيارته ماكو اطمأنيت رحت عدهم فتت راسا للمطبخ سمعت صوت نسوان... يا اهل الدار وينكم
ام وليد... تعاي سارة حبيبتي كاعدين بالهول
سارة.. فتت وشفت مرة تطلع بكد خالة ام وليد وبنية شابة حلوة ونازكة اول مفتت ثنينهم خزروني توقعت هاي عمته لوليد وبتها
ام وليد... سارة هاي عمة وليد وبنتها رفل
سارة... اهلا وسهلا... سلمت وردوا علية بالكوة شوية وفات وليد صار وراية اني وكف كلبي يابة شكد مشتاقتله
وليد... فتت للبيت وملتمين الحبايب بس الي متوقعته سارة موجودة باوعت عليها ابتسمتلي راد كلبي يوكف
سارة... يله يوم خل نروح
وليد... بعد وكت ظلو تعشو ويانه
سارة... لا شكرا هسه رجعت وكلش تعبانه
وليد... ليش وين جنتي
سارة... والله رحت للسوك جنت محتاجة كم شغله يله يوم
ام سارة... مع السلامة فرصة سعيدة
سارة... طلعنا بالسيارة واستلمتها لامي... شكو جبتيني وتعرفين عدهم خطار وانتي اصلا شكو جاية يمهم وعمتهم موجودة
ام سارة... اني شمعرفني طكت روحي كاعدة وحدي واعرف ام وليد محد يجيها مثلنا رحت شفتهم كاعدات ما ادري ترا مصارلي نص ساعة
سارة... هاهية يمة ماشي
وليد... كعدت شوية يم عمتي حسيت وجها ثكلان علية ورفل منزلت عينها من علية وبس تريد تفتح موضوع ويايه اني ردت انهزم ترخصت منهم دا اصعد ابدل وورا مصعدت بعد مطبيت للغرفة ودا اسمع عمتي تحجي
عمة وليد... اكلج هاي شنو ذولة شون تفوتيهم بيتج
ام وليد... ليش خية شبيهم ترا سارة وامها وردات
عمة وليد... الله يخليج ولا ارتاحيتلهم وشنو هاي البنية طالعة للمغرب بسوك وحدها وسيارة جوا ايدها لاصداد ولا رداد
رفل... اي صدك شنو هاي وجمالة خاله حجاب على راسها
ام وليد... على كيفكم ترا سارة مواقفها ويايه متنسي كافي لوماهي جان وليد راح من ايدي
وليد... سمعت وتخبلت متحملت نزلت رأسا... عمة انتي عليمن دتحجين هيج انتي كلشي متعرفين عنهم ولا عن ظروفهم سارة اشرف بنية... احجي وارجف من عصبيتي بس حاولت على كد ما اكدر ما اعلي صوتي لان عمتي
عمة وليد... محجيت شي ترا وشدعوة هيج انت حامي حمامك
وليد... لان ذولة الناس اني اعتبر روحي مسؤول عنهم ع العموم اني اترخص طالع بشغلة ضرورية
ام وليد... دكعد يمة هسه يجي رجل عمتك وروح
وليد...امي دغمزلي وتريد تهديني واني ما اكدر بعد اختنكت... اسف ناطي موعد لجماعة مع السلامة
عمة وليد... هاي ساحرتله لابنج رفل خابري ابوج خل يجي علينا
ام وليد... توكلي بالله خية بعد وكت ووليد كلبه طيب بس شوية عصبي تعرفين بيه
عمة وليد... مصار شي بس احنا هم اتأخرنا
