الجزء الحادي عشر♥️
وليد... ظليت افتر بسيارة شون حتظل يمنا يله يله بديت انسى الي صار ويايه رجعت ذكرتني بكلشي رجعت للبيت ظليت بالحديقة طلعت باكيت الجكاير وظليت ادخن
سارة... عرفت بيه جا باوعت من الشباك شفته كعد بالمرجوحة وظل يدخن طلعت عليه...
هلوو تسمحلي اكعد
وليد... باوعت عليها طلعت الدخان من حلكي شتريدين سارة ليش رجعتي
سارة... ماعندي احد غيركم
وليد... نسيتي شسويت بيج.. احجي وماباوع بعينها
سارة... لازم ننسى وليد انت مو موخوش انسان انت لو انسان سئ جان اذيتني مجان كدر احد وكف بوجهك حتى لو امك جان كملت انتقامك ومرجعتني بس اعرف تندمت شوف من الاخير لازم ننسى كلشي صار ونبدي صفحة جديد
وليد... صعب
سارة... كمت كعدت يمة... باوع علية ليش متباوع بعيني انت
وليد... ما اكدر عينج نفس عين ابوج من اباوع عليها اذكره
سارة... لزمته من حنجه ودرت وجه علية.. باوع علية وخلي عينك بعيني لازم نعدي هاي المرحلة اني محتاجتلك محتاجة اخ يوكف ويايه بالفترة الجاية وانت مديونلي ترا
وليد... استغربت من جرأتها باوعت بعينها يعني حتخليني اتندم ع اليوم الي خطفتج بيه
سارة... هههههههه اي اكيد
وليد...انتي متاكدة هاي مو خطة دتنتقمين مني
سارة... اكلك شنتقم وعليش اتعب روحي لو اريد انطي عنوانك لبابا وهو يتكفل بالباقي وعنده استعداد ينتقم منك كدامي وابرد كلبي وخلص شكو هاي الفرة
وليد... هم صح
سارة.. شفت شون خلص عد كافي كل شويه نرجع نعيد نفس الحجي ننسى لصار ونبدي بداية جديد.. مديت ايدي... اصدقاء واخوة
وليد... انتي مو تحجبتي المصافحة حرام ترا
سارة.. ميخالف بعدني جديدة بالحجاب
وليد.... هههههههه... مديت ايدي وصافحتها معرف شصار بية ظليت صافن بعيونها للحظة نسيت هي منو
ام وليد... ها انتوا هنا دا ادور عليج سارة
سارة... اي خالة هنا دنفض خلافنا اني ووليد
ام وليد... خير ان شاء الله
سارة... يله تصبحون على خير
ام وليد..وانتي من اهل الخير... فاتت سارة جوا وحسيت بوليد شون ديباوع عليها... هايمة هديت
وليد... هذا هو نساعدها والله كريم
ام وليد... الله يهديك يمة
سارة... بلشت اول خطوة بعت الذهب كله واخذت سيارة بسيطة على كدي وبده وليد يعلمني السياقة والحمد لله دبرتها واخذت اجازة السوق مر اسبوعين تقريبا رحنا وراها للدلال وعرضت البيت للبيع بشرني الدلال كال بسرعة ينباع ان شاء الله وبسعر زين طلعنا وراها بسيارة جان وليد ويايه واني اسوق بسيارته
وليد... الله ينعل اليوم الي خطفتج بيه ولج شعرفني عليج اني والله سيارتي عليها اقساط بعد مدافعها
سارة... لتخاف شبيك مو صار عندي اجازة سوق وبعدين انت الي معلمني لازم تكون واثق مني
وليد... علينا سارة اجازة السوق اخذتيها بواسطة بدون اختبار
سارة... خلي ثقتك بية عالية
وليد... الله يستر... رجعنا للبيت امي وعلي كاعدين ديتفرجون تلفزيون...الكوة يمة
ام وليد.. ها الله يساعدكم بشروا شسويتو
سارة...الحمد لله الدلال طمنا... هلو علاوي
علاوي... هلو سارة جبتيلي الكنافة
سارة... اي حبيبي بالمطبخ كوم اكل
وليد... هسه باجر نروح على امج
سارة... ها لا مو باجر بعد مشتريت بيت
وليد... تشترين بيت ترا خبلتيني انتي اصلا مضامنه امج تعيش وياج او لا شون تشترين بيت
سارة... وشكو عليه البيت حتى لو سافرت يظل باسمي ماعليه شي واصلا اني مفكرة اشتري بيت يمكم هنا شفت بالفرع الي وراكم بيت جديد وصغير دينبني وعارضيه للبيع
وليد... وشوكت ناوية ترحين على امج
سارة.. ما اعرف
وليد... متعرفييين
ام وليد... اهدئ يمة شبيك
وليد... شهدئ يمة تصرفاتها كلها غلط المفروض اول خطوة تسويها تروح لامها وتشوفها شدكول بس صوجنا احنا مشينا وراها اني طالع مع السلامة
ام وليد... الله وياك... سارة ليش متردين ترحين على امج
سارة... خايفة خالة من خوالي لا ميخلوني واخاف اروح وحدي
ام وليد... مستحيل نعوفج ترحين وحدج وليد يجي وياج واني لوما علاوي هم جان جيت وياج
سارة... يعني شتكولين اروح باجر
ام وليد... روحي باجر ومن صبح يكون خوالج طالعين احجي وياها وفهميها
سارة... مو وليد دوامه
ام وليد... ياخذ زمنية كلش عادي
سارة... انتي كليله اني من يتعصب اخاف منه
ام وليد... ماشي اليوم يجي واكله انتي الصبح حظري نفسج
سارة...اوك
