العشق والغفران..للكاتبة مريم غريب 💖

البارت العاشر:

  قصة العشق والغفران.
البارت العاشر:

باسل:هاه ياستى..ايه الموضوع؟؟

مريم بتوتر:احم..اصل..اصل اصل.

باسل:اصل ايه ياروما اتكلمى.

مريم:اصل بصراحه يعنى يارا كلمتنى النهارده فى موضوع يخصها وقالتلى اقولك عليه.

باسل:وايه هو الموضوع؟؟

مريم:يارا جايلها عريس.

باسل:طيب..دى حاجه كويسه خليه يجى يتقدم ونشوفه.

مريم:لا مهو انت م..

باسل مقاطع:فى ايه ياروما اتكلمى على طول عايزه تقولى ايه؟؟

مريم:هو فيه مشكله كده ممكن تخلى الموضوع يصعب.

باسل:مشكلة ايه؟؟

مريم:اصل الشاب ده كان متربى فى دار ايتام.

باسل بغضب:نعم..دار ايتام روما انتى بتتكلمى بجد ولا بتهزرى؟؟

مريم:انت مالك اتعصبت كده ليه هى جريمه يعنى..ايه اللى حصل لكل ده..ايوه اتربى فى دار ايتام وطلع من الدار دى متعلم ومعاه شهاده متخرج من كلية الهندسه.

باسل:انا ماليش دعوه بكل ده... كل ده لنفسه مش لاختى اختى لازم تتجوز واحد محترم يحافظ عليها ويكون مناسب ليها ومن عيله زيها.

مريم بتفاجئ ممزوج بحزن:انت اللى بتقول كده!!متنساش انى زيى زيه..انا مش من عيله زيك ولا هو كمان.

باسل بلطف وهو بيحاول يخفف من حدة الموضوع:روما انا مقصدكيش انتى طبعا ياحبيبتى..انا بتكلم عليه هو.

مريم:وانا قلتلك انى انا وهو فى مستوى بعض..ماعلينا ياباسل..انت هترفضه يعنى؟؟

باسل:اه..وقولى ل يارا عشان انا لو كلمتها هزعلها قوليلها متكلمهوش تانى وتنسى الموضوع ده بالكامل.

مريم:هو ده اللى عندك؟؟

باسل:ايوه.

مريم بخيبه امل:ياخساره ياباسل كنت فكراك..ولاخلاص تصبح على خير.

ونامت واديته ضهرها..باسل قرب عليها وحضنها من ورا وقالها:ياروما انتى مش فهمانى..يارا هتتعب معاه وغير كده انا عارف راءى بابا وماما هيكون ايه ف انا بقصر المسافه منعا للاحراج ليه.

مريم:خلاص ياباسل اعمل اللى انت عايزه..يعنى مين انا عشان تسمع منى.

باسل:لا اوعى تقولى كده تانى ازعل منك بجد والله..انتى متعرفيش انتى ايه بالنسبه لى انتى اغلى من روحى..ياحبيبتى انا ساعات ببقى نفسى اقولك كلمه توصف مشاعرى الحقيقيه ليكى بس مش بلاقى...كلمة بحبك بعشقك قليله عليكى انا بحبك لدرجة فاقت الحدود ياروما..بحبك لدرجه مش هيتصورها عقلك.