العشق والغفران..للكاتبة مريم غريب 💖

البارت التاسع عشر:

قصة العشق والغفران.

البارت التاسع عشر:

الداده بصدمه:انتى بتقولى ايه ياسماح؟؟

سماح:بقول اللى سمعتيه ياماما..الست دى مجرمه ازاى جتلها الجرائه تعمل كده.

الداده:يابنتى الست مريم اساسا مش بتخلف..وناهد هانم جوزت باسل بيه عشان السبب ده.

سماح بضحكه ساخره:م هى دى اللعبه ياماما..كانت بتحطلها الحبوب من زمان عشان متخلفش..وانتى قولتيلى انها نفسها تطفشها من هنا باى شكل..اه يابنت ال...وليا شيطانه ماما انتى لازم تقولى ل باسل ده.

الداده:لا يابنتى انا ماليش دعوه.

سماح:يعنى ايه..هتسكتى على الجريمه دى؟؟

الداده:يابنتى الله يخليكى انا مش فاهمه كلامك وبعدين احنا مش اد الناس دول...بوصى انا ممكن اقول للست مريم لكن باسل بيه لاء..كده البيت كله ممكن يولع.

سماح:ماشى ياماما..بس المهم حد يعرف المصيبه دى..زنبها ايه مريم دى عشان الست دى تعمل فيها كده..ربنا ينتقم منها.

................................................................................................................................................................................................................................................

فى اليوم التالى..صحيت يارا وراحت ل فارس..خبطت ف اذن بالدخول..ف دخلت لقيت معاه طارق صاحبه.

يارا بابتسامه:صباح الخير.

فارس\طارق:صباح النور.

يارا:ازيك؟؟

فارس بابتسامة حب:مدام شوفتك يبقى اكيد كويس.

يارا بصت فى الارض بكسوف.

طارق:احم طيب انا هاروح اجيب حاجه نشربها من تحت..عن اذنكو.

فارس\يارا:اتفضل.

وخرج طارق..وقعدت يارا على الكرسى جمب فارس.

يارا:كويس انك عندك صحاب بيهتمو بيك.

فارس:بس كلهم الا طارق..طارق ليه معزا خاصه عندى وهو كمان على فكره..تقدرى تقولى ان انا وهو وجهين لعمله واحده.

يارا:اممممممممم..فارس انت رجعت المبلغ اللى سرقته من شركتنا ازاى؟؟اصلى انا عرفت انه كان مبلغ كبير 750 الف جنيه..جتهم منين؟؟

فارس:وانتى عرفتى منين انى سرقت شركتكو؟؟

يارا:اصلى سالت على الموضوع كله امبارح وعرفت.

فارس:اه..جبتهم من شغلى..مش قولتلك انى بشتغل.

يارا:ايوه بس شغلك لايمكن يجبلك المبلغ ده فى الوقت القصير ده.

فارس:م انا جمعت كل الفلوس اللى كانت عندى واول ناس رجعتلهم فلوسهم كانو انتو..والباقى هرجعهم لما اخرج من هنا باذن الله.