جزء23
نهضت ايليف بالفعل وحملت الاكياس وذهبت للمطبخ
نهض هو واخرج محفظته واخرج منها عدة ورقات ماليه وفتح هاتفه وبدأ بكتابة عدة أرقام علي ورقة بيضاء
عادت ايليف تحمل أطباق الطعام له ..وضعتها علي الطاولة وجلست
فقال رامي وهو يحمل الطبق : الفلوس اهيه .. والورقة دي فيها ارقام مطاعم ..اطلبي اللي تحبيه
قالت وهي تنظر للمال دون ان تأخذه : بكرة هطلب ..دلوقتي مش جعانة
نفخ رامي بضيق وبدأ في الطعام
*******************************
دخل روهان علي عجلة من أمره ليأخذ عدة اوراق هامة
صعد الغرفة وبحث عن ديالا ..لم يجدها!
أخذ الأوراق وهبط للأسفل ليبحث عنها في حديقة الفيلا
ولكن في طريقة للخارج قابل ماريان مدبرة الفيلا ..فسألها
روهان : ديالا في الجنينة بره يا ماريان ؟
تسمرت ماريان وارتبكت بشدة وهي تفكر ماذا تقول له !!..
فديالا مازالت في المطبخ للتنظيف!
قال روهان باستغراب : مالك يا ماريان .. مش انا بسألك ؟!
ابتلعت ريقها ونظرت تجاه المطبخ باضطراب
وهي تقول بتعثلم : اصل .. اصل مدام .. ديالا ..
اضطرب روهان وظن ان حدث لها شئ سئ
فقال بعصبية : انطقي مالها ديالا ؟!.. هي فين ؟
ماريان بتوتر : هي في المطبخ !!
اتجه روهان دون حديث للمطبخ ..وتسمر محله وهو يراها أمامه جالسه ارضا للتنظيف!!!
رفعت ديالا رأسها مصادفة ورأته امامها !!..
ابتعلت ديالا ريقها وتسارعت نبضاتها وهي لا تعلم ما اتي به الان !!
نهضت ببطئ وهي تنظر له باضطراب شديد
كان روهان مصدوم بشدة ..فماذا تفعل ؟! ..هل تنظف في بيته !!
اقترب منها وقال بصدمة وذهول : انتي بتعملي ايه ؟!
نظرت له باضطراب وقالت بخوف : انا ..انا كنت بساعد بس ال..
قطع حديثها صرخته الغاضبة : بتساعدي ايه ؟! .. مين طلب منك مساعدة !!
قالت تحاول تجنب الخلاف : انا .. انا لسه نازلة .. لوحدي ..
غامت عينيه بغضب شديد وهو يقطب بين حاجبيه وقال بخفوت خطير : انتي مجنونة ؟!
ازادت سرعة تنفسها وهي تنظر باضطراب بعيد عن عينه
علمت ماريان ان ديالا لن تفصح له ان السيدة منيرة هي السبب تجنبا للخلافات
ولكن ماريان تعلم جيدا غضب روهان والان سوف يخرجه بتلك المسكينة .!!
تنفست بعمق وقالت بتوتر : روهان باشا ..السيدة منيرة هي اللي طلبت منها دا !!
تحولت نظراته لماريان وقد بدأ يفقد اعصابه حقا
وقال : طلبت ايه ؟! ..طلبت من ديالا تنضف في المطبخ ؟!
اومأت ماريان باضطراب ..وقد بدأت دموع ديالا تسيل خوفا من القادم !
مرت لحظات قبل ان يصرخ روهان بصوت جوهري مناديا زوجة عمه وهو يسحب ديالا بعنف للخارج !
أتت منيرة وهي مضطربة بشدة علي صوت روهان ..فماذا اتي به ..
تسمرت وهي تراه يسحب ديالا وهي تبكي
قالت بثبات حاولت اصتناعه : في ايه يا روهان .. صوتك عالي ليه ؟!
روهان بعصبية : انتي ازاي تجيلك الجرأءة تخدمي مراتي .. وفي بيتي!!.. ياريته بيتك !!
اتسعت عين منيرة وقالت بعصبية : انت ازاي تكلمني كده ؟! .. انا زي والدتك !
روهان بسخرية : متشبهيش نفسك بوالدتي الله يرحمها ..عشان كلنا عارفين انتي ايه وهي ايه !
منيرة بعصبية : لااا.. انت زودتها اوي ..
هو دا اللي ناقص تزعقلي كمان ..
ثم حولت بصرها للخدم المتجمع وقالت بعصبية : اتفضلوا كل واحد علي شغله! ..
هتف روهان : محدش يتحرك! ..
وزي ما شغلتي مراتي معاهم ومهمكيش مني .. هتاخدي نصيبك قدامهم برده!!
وقال بصوت مرتفع ليسمعه جميع من في الفيلا : ديالا هنا صاحبة البيت مش ضيفة ..ولا خدامة!
أنت تقرأ
اغتصاب بالتراضي للكاتبه سرين عادل.
Romanceخرجت من صالة الرقص تنهج بشدة اسرعت علي الغرفة وتناولت حبة من دوائها وهي تضغط بكفها علي موضع قلبها.. يا الهي كيف اتحمل هذا الالم! بينما هو كان ينفخ بضيق شديد يلعن الزمن الذي وضعها امامه.. لم هو! وعندما دخل بيته حتي صدم بها.. اتسعت عينيه..كيف هذا! ...
