احبك ولكن ... هل ساتحبنى عندما ترانى

6💗

احبك ولكن .. هل ستحبنى عندما ترانى 💫💑

الحلقه الخامسه...

ومع ساعه 12فى الليل تحديدا حست ياسمين بهزة تلفونها تحت المخده .. فاخدت تلفونها وهيا شارده بنوم وفتحت الخط وعيونها مغمضات وبدون ماتشوف حتى لتلفون وقالت
ياسمين << بصوت هادى وناعس >> الووووو
امير .... اوووه شكلك راقده متاسف جدااااا <3 بس كنت حاب نقولك لقيت ملاك الا تدورى فيها ..
ياسمين ... لاتعليق << ومصدومه >>
امير .... <3 وعلى فكره حتى انى كنت ندور عليها ملاك مش انتى بس ..
ياسمين ... وين لقيتها ؟؟
امير ... هههههههه طاحت كندرتها بالغلط على رقم تلفونى ..
ياسمين ... ههههههههه انت شكلك غالط .. ت ع خ << وسكرت >>
سكرت ياسمين تلفون وايديها وقلبها يرعش .. وانصدمت بطريقه والقدر الا جاب امير ليها ... بس سألت نفسها .. هل هوا خفيف لهدرجه ؟؟ من اول اتصال مازرقتش من ايده زى ماقالت منى ... او هوا حبيبها الا جاها من سماء هديه .. وفارس احلامها الا كانت طول عمرها تدور فيه ...
قفلت ياسمين تلفونها نهائى لانا خافت يرجع يتصل ويسمعها خوها ولا امها ... وحطت تلفون تحت مخدتها وترقد .... وقعدت افكار جايه وافكار ماشيه والنوم هرب عليها وبدت تقلب يمين ويسار ... لحد محن نوم عليها وجى .... ومافاقتش من نوم الا مع ساعه 10 صبح على صوت امها ....
امها .... ياسمممممين ..نهارررررك اسوود قاعده راقده لحد توا ؟؟؟ يانهارك الاسود ساعه 10 صبح ... واليوم اول يوم فى خدمه وانتى راقده ..
ياسمين << ناضت مخلوعه ونقزت من سريرها ... حى علياااااا حى عليا ... ياعطينى مرض باهى والله ماحسيت بروحى ... الله لاتربح الا فى بالى بس ..
امها ... بسرعه البسى ... مش من امس قتلك عدلى منبه ؟؟
ياسمين .. ياما خلينى نلبس ... بالله عليك توا مش وقته وبرى نوضى احمد ...
امها .... احمد من بكرى طلع ... ولما سالنى قلتله اكيد صحابتها رفعتها ...
ياسمين ... حى علياااا انى .. من بيرفعنى انى توااااا .. والله عيشه غبره .. انى كرهت حياتى وحظ الاسود هوا .. امس بنت كلمتها طلعنى واليوم نقولها تعالى ارفعينى ... نقولك شى ... اول حاجه بنديرها من معاش سياره .. خلاص فديت انى ..
وفتحت تلفونها واتصلت بى منى ..
منى ... الووو صباح الخير .. خيره صوتك هكى ؟؟
ياسمين ... توا نحكيلك بس انتى توا شن ديرى ؟؟
منى ... كيف بنمشى للكورس ..
ياسمين اخطمى عليا بالله عليك وحطينى فى الخدمه متعى ..
منى .. ماشى ماشى انى جايتك فى طريق نلاقاك فم الحوش لانى مستعجله ومانبيش الكورس يبدا وانى ماوصلتش ..
منى ... خلاص هيا .. لما توصلى ديرلى رنه <3 سلام <3
كملت ياسمين لبسها بسرعه ومافاتتش 10 دقايق لين كانت منى عندها ... وحطتها فى خدمتها ومشت ...
واول ماخشت ياسمين كانت خايفه وموقفها محرج جداااااا ... وماعرفتش كيف حتى تخش للشؤن الساعه 10 وهيا مفروض موعدها معاهم ساعه 7 ونص ...
ركبت من الدروج لدور تانى بعد ماسالت على المكتب وين وقالولها .. وقفت فم الباب وخدت نفس وطقت ... واول ماخشت .. قاللها ..
مدير الشؤن ... تفضلى ؟؟
ياسمين ... انى ياسمين فتحى .. واليوم مفروض اول يوم ليا فى خدمه ان شالله ..
مدير شؤن .. اها انتى ياسمين فتحى الا كلمنى عليك بش مهندس امير ... اها .. وموعدك مفروض امتى ؟؟
ياسمين ... سكتت شوى وبعدين قالتله .. ساعه 7 ونص بس والله ..
وهنا قطع عليها وقاللها ..
مدير الشؤن .. شوفى لا والله لا والنبى .. اهنا عندنا انضباط ومهما كانت الاسباب مانبيش تاخير .. انك توصلى ساعه 11 من اول يوم فاهدا شى مش مبشر نهائى ... لدلك ... ياريت مايتكرر هالشى ... باش ماتكررش زيارتك هنا هلبه ...
ياسمين .... متأسفه جدااااا .. وهادم اوراقى ..
مدير .... اوك ... انى رح نهتم بالباقى .. انتى توا برى لمكتبك ورح تلقى فيه زميلتك صفاء ومروه لانه مكتب مشترك وهما رح يفهموك كل شى .. وتلقى مكتبك جاهز ويستنى فيك
ياسمين ... اوك بس وينه مكتب
المدير .... نهاية ممر هوا يجيك على يسار .. اخر مكتب ..
ياسمين ... اوك وشكرا هلبه
طلعت ياسمين من غرفته ... واول ماطلعت وخشت للمكتب ... قعدو يشبحولها من اول ماقالت السلام عليكم وحطت شنطتها على مكتب وقعمزة ... وهنا قالتلها مروه ...
مروه .... انتى البنت جديد ه الا عينوك ؟؟
ياسمين .... اى ان شالله <3
مروه ... بصحه عليك ههههههه ان شالله غير مايصيرش فيك زى الاصار فى الا قبلك بس ههههه << وغمزة لصاحبتها ..
صفاء ... لا لا هادى مااضنيش فيها طميعه هههههههههههه
مروه .... ههههههههههه
ياسمين .... << تعفلقت ونصدمت وقالتلها >> شن تقصدى ؟؟؟
مروه .. هههه ماتقصد شى حبيبتى بس هادى ديما لسانها غالبها <3 توا شوى شوى وتتعودى عليها هههههههه <3
ياسمين ... خيرها البنت الا قبلى شن صارلها ؟؟
صفاء ومروه ... كانت على علاقه هيا وولد الشركه ... وكانت شايفه روحها وياارض تهدى مافى حد ادى ... واول ماضحك عليها وفاتها ... طارت ومش معروف هل هوا طيرها او هيا طارت بروحها ...
ياسمين .. علاش تقولو هكى .. الولد على حسب الا سمعته انه كويس ..وولد ناس ... وعاقل
صفاء ... ها ماتقوليناش قول احنى ماقولنه ... الولد ولد ناس وكويس .
مروه ... هههههههههه بس زى اى ولد فى سنه وعنده فلوس ... مايتبتش على بنت والحق جوه يهببببببل وفرهودى ... بس بما انك جديده ردى بالك منه <3
صفاء ... ههههههههه لا لا ماتخافيش هيا مش من موديله <3 .. هوا صح انتى قنينه ماشالله بس امير .. يحب سمباتيك يابعدى والا يكلم فيها طرف واختها <3
ياسمين ... اها اوك << ضحكه مصطنعه >> طمنينى ... ممكن توا تورونى شوية حاجات على شغل <3 بدل مانحكو فى مواضيع مش مهمه <3
فتحت ياسمين كمبيوتر الا قدمها وحاولت تلهى نفسها فيه .... وقلبها نعصر ميتن عصره ودمعه على خدها زى سكين .... فاتت ساعه ورا ساعه ونمنت هديكا اللحظه لو انا الوقت يمر بسرعه وتطلع لاى مكان وتبكى وتفرغ كل طاقه الا فى داخلها .... واول ماكمل دوامها ... طلعت وركبت الاسنسير ... واول ماجت بتسكر الباب .. تفاجأت بيه قدامها ويخش للاسنسيل .. والغريب فى موضوع انه مش متدكر حتى شكلها اصلا ..... ... واول ماوقفت جنبه .. شمت ريحته الا ممكن تشميها من نص ممر ... وحست قلبها بيوقف منها ... والاسنسيل كيف بينزل بيهم ... شد تلفون واتصل ... وفجأه شرين تلفونها ... واول ماشاف تلفونها يرن قعد يشبحلها وهيا تلكمست ومعاش عرفت كيف تتصرف وهوا يشبحلها ومصدوم ... وبعدها لاارديا .. شدت تلفون ورصت البطمه جنبيه باش يولى اضأه بس ودارت روحها فتحت الخط وقالت ..
ياسمين .. ايوا ماما .. اى ماما انى فى طريق .. حاضر رح نجيب معاى ...
بينما هوا قعد يشبحلها ويشبح لتلفونه وحاس انا شايفها بس وين مش متدكر ....
طلع من الاسنسيل .. وسكر تلفون وحطه فى جيبه .... وهيا درات تلفون سايلنت وطلعت تجررررى .... ومابتش حتى تكلم خوها ... وقعدت ماشيه وفجأه دموع بدو يصبو زى المطر .... وبس ولاول مره تحس انا هيا تحب شخص .. اكبر من انا حتى تفكر فيه كاصديق ... وهيا مش رح تكون ليه بااى طرق .. ولامت نفسها على لحظه الا فكرة تحبه وتتحدى اى صعوبات على خاطره ... وفى لحظه الا مسحت فيها دموعها وخدت تلفونها باش تكلم خوها وتشوفه وين ...
اتصل تلفون ..... ولقاته رقم امير .... فا قعدت شوى تشوف لتلفون .. وبعدين فتحت الخط وقالت ...
ياسمين ... ايوا ..
امير ... اهلين .. شن اخبارك ؟؟
ياسمين .... لو سمحت لو سمحت معاش نبيك تتصل بيا .. انت بديت تضايق فيا ..
امير ... بس انى ماكنت والله حابه نضايقك .. وعلى عموم متأسف جدا بس مش رح نقدر نخليك فى حالك الا لو فى حالة غيرتى شفرتك ....
ياسمين ... وانى مش رح نغير شفرتى بسببك .. وياريت بالاحترام معاش نشوف رقمك .. لانى بنت ناس ومش متع الجو الا انت تدير فيه .. ولاتحسابنى انى مانعرفش << وبعدين فاقت لروحها انا مفروض هيا ماتعرفاش ..>> وتلكمست وقالتله ..
امير ... شن تعرفى عليا ؟؟ انتى تعرفينى ؟
ياسمين ... انى مانعرفكش وسلام لانى مشغوله << وسكرت عليه .. وندبت وعيطت لين عيت لانها طلعت غبيه ومافكرتش فى الكلام الا طلع منها بطلسه ...
خدت نفس شوى وكلمت احمد وبعد شوى لاقته جاها .. واول ماركبت لسياره قاللها ..
احمد ... خيرك طلعتى على رجليك ... وعلاش ماكلمتنيش ؟؟
ياسمين ... كنت مخنوقه شوى وقولت نتمشى لين انت تجينى ... مهم امبكرى علاش فوتنى ؟؟
احمد ... امك قالتلى صاحبتها منى رفعتها ... وانى كنت مستعجل فاطلعت ...
ياسمين .. اوك انى جعانه امى شن مطيبه ؟؟
احمد ... مطيبه كسكسو بالخضره تشميه من هنا وغادى اااااااا👇🏻احمد ... مطيبه كسكسو بالخضره تشميه من هنا وغادى ااااااااااااااااه والله بطنى تضبح  <3 ومعاها مسير ااااااااااااااااااه
ياسمين ... ااااااااااه جوعتنى وانى مدايره دايت .. وبنروح نأكل طرف دجاج ابيض يسد نفس ..
احمد .... ههههههههههه اضعفى اضعفى لاحتى هالسيره معاش تخشى فيها ..
ياسمين .. ها ها ها مبردك .. بسرعه بسرعه تعبانه ..
احمد ... استنى هنا شوى بس بنجيب بيبسى قبل ...
ياسمين ... اوك بسرعه انى جعاااااااااااااااااااااااانه ..
روحت ياسمين ... ونحت حوايجها على سرير ومن كترة الجوع الا ضاربها .. ماكلفتش نفسها حتى تعلقهم ... واول ماطلعت لوسط الحوش لقت امها حاطه صفرة الغدى وريحه تجيب من هنا وغادى ... واول ماشافتها امها قالتلها ..
امها ... بنتى هونى صدر دجاج طلعتهولك ... وتلقى معاه صونية سلاطه ...
وهنا ياسمين .. شبحت لامها شوى بعدين خشت للمطبخ .. وقعدة واقفه شوىت تشبح للكواشيك ... وخدت كاشيك ومشت قعمزة معاهم وبدت تتغدى ..
امها .. خيررررررك .. كيف فرحت وقولت ربى هداها وبتضعف ..
ياسمين ... ياما بالله خلينى .. حاسه روحى مضايقه ونفسيتى زى زفت ..
امها .. خيرك ؟؟
ياسمين ... شى شى .. بس حسيت روحى مازل مش منسجمعه مع بنات الا فى مكتب بس ... اسمع احمد بنقولك تحصلى شفرة لبيانا ؟؟
احمد .... لا لا شفره موقفه حاليا ومافيش شفرات .... والله عندى واحد ليه شهر وهوا يدور ومش محصل .. وبدى حتى الا عنده شفره حاطلى فيها هدكا سعر تقول شفرة تريا .. بس علاش شن تبى فيها ؟؟
ياسمين ... ماشى ماشى خلاص وانت فاتح تحقيق ... ترفعنى اليوم لحوش صاحبتى ؟؟
احمد ... كانا تحدديلى سوريتى نحطك ...
ياسمين .. باهى باهى نرقد شوى ونحددهالك ... وتسلم ايدك ماما .. انى بنرقد شوى ..
امها ... ماشى ماشى .. انى بعدين بنطلع لحوش خالتك ..
ياسمين ... ماشى خلاص .. وكانا قالولك ياسمين ضعفت ؟؟ قوليلهم ياسمين ماتت ومعاش ليكم علاقه بيها .. خير ماتجى تطبق فى رقبتكم .. سحيقه وهما تقول مقعمزه على قلبهم ...
خشت ياسمين لدار وعلقت حوايحها وبعدين قعدت تشبح لتلفون شوى واتصلت بى منى .
منى .. اهلين ياسوووووومتى <3 ايوا احنا ايوا احناااااا <3 مكتب وشركه وولد مدير .. ياارض تهدى ومافى ادى <3
ياسمين << سكتت شوى وبعدين نهارت بالبكى وقالتلها >> انى مضايقه .. نقدر اليوم نجيك ؟؟
منى .. تعالى حبيبتى <3 <3 اكييييد انتى عارفه اصلا ماعندى وين نطلع ...
ياسمين ... اوك خلاص مع ساعه 6 نكون عندك ..
منى .. تمام فى انتظارك ...
سكرت ياسمين تلفون ... وقعدت تبكى وتتفكر فى كل شى مرة بيه وفى نصيبها وحضها والتجارب الفاشله الا فى حياتها ... لحد مانعسها نوم .... ومافاقتش الا على صوت خوها ... احمد يقوللها ..
احمد ... ياسمين ... هياااااااا نوضى حدديلى سوريتى عندى موعد وهيا كاما نحطك ..
ياسمين .. ماشى ماشى ..
ناضت ... وحددتله سوريته .. ولبست حوايجها وركبت لسياره وطلعت معه ... وهما فى نص طريق شرين تلفونها ... وكالعاده .. شافت تلفونها ولقاته رقم غريب وماباتش ترد.. فاهنا خوها قاللها ...
احمد ... ردى خيرك ؟؟
ياسمين .. رقم غريب مش حابه نرد ...
احمد ...ردي مرات حد من شركه ...
ياسمين << شبحتله شوى وقلبها بيطيح منها >> وقالت .... الوووو
يتبع...

استنونا في الحلقه السادسه🙈🤚🏻