احبك ولكن ... هل ساتحبنى عندما ترانى

9

احبك ولكن ... هل ستحبنى عندما ترانى 💫💑

الحلقه التاسعه ...

طلعت امها من دار وياسمين خدت شهيق وزفير شوى .. بعدين شبحت لرقم امير كيف يتصل .. وتدكرت معاملته ليها مبكرى ... فاسكرت عليه تلفون ولوحته على سرير وطلعت وسكرت الباب وراها ...
وخشت للمطبخ وحطت الشاهى على نار <3 وبدت توتى فى الكيسان والعصير وشكلاته ... ومافاتتش خمسه دقايق لاين امها جتها وقالتلها ..
امها ... اه شن العصير واتى ؟؟
ياسمين .... اى واتى هاك ..
امها .... نرفع العصير انى .. وبعدين شوى نلاقاك موتيه صفرة الشاهى .. باش تطلعى تسلمى وتفرقى عليهم .. وتقعمزى شوى وتطلعى .. لانا سئلو عليك .. وماتحشميناش وتمدى زومتك .. كان هدا قسما بالله ليلتك دبه اليوم
ياسمين ... باهى باهى غير اطلعى بالعصير لا يسخن ..
امها ... تتمهتكى ؟؟ وقتك ماهو توا ..
ياسمين .. باهى انتى علقتى وناس برا يمصو فى ريقهم .. خلاص حفضتها الوصايا 10 .. مش ظرورى نسمعهم ..
امها .. ... نص ساعه واطلعى بالشاهى وراى ..
ياسمين ... اووووو باه ..
ودورا شرين الحوش .. وهنا امها قالتلها ... برى شوفى منو ؟
ياسمين .. ماشى ماشى ... غير برى انتى ..
طلعت ياسمين وحطت عليها عباية صلاه واول مافتحت لقت منى فى وجهها ...
ياسمين .... ياحقيرررررره جيتى ؟؟؟ والله انتى تهبلى واحلى صاحبه فى دنيا <3
منى ... هههههههه عارفاتك انى اصلا من غيرى مش رح تعرفى ديرى شى ورح تخبصى وتعجنى ... هما وين توا ؟؟ ان شالله غير مش قبالتى ؟؟
ياسمين ... لا لا فى مربوعه الخاريجيه متع ضيوف .. هنا وين بندخلوهم .. 3 ديار وصاله ومطبخ والحمام على برا ههههههه <3
منى ... مالا خلينى نخش ... تى والله على قد حوشكم صغيرون لكن يهببببل ونحس فيه بدفئ والعيله <3
ياسمين .... باهى باهى خشى لدارى يادفء انتى .. خلى نطفى على شاهى ونجى ..
خشت منى لدار ونحت وشاحها وقعمزة على سرير ... ومشت ياسمين للمطبخ .. طفت على شاهى ووكيف بتطلع خشتلها امها وقالتلها ..
امها ... العزوزه تبى طاسة ميه ... صبيلى طاستين ميه وحطيهم فى صفره ... قوليلى منو جى ؟؟
ياسمين ... صاحبتى منى جت <3
امها ... ياسبحان الله ظرورى يعنى من جيتها ... خاطرى هالبنت تشد حوشها .. وهيا كل طبيخه وغاطسه فى طنجرتها ..
ياسمين .. انى الا قولتلها .. وهادى صاحبتى الانتيم .. وانتى نفس الكلام تقوليلى فيه من ايام ماكنا فى الاعدادى .. لاانتى تغيرتى ولا انى بدلتها ...
امها .. تى وحق ربى الحوش هوا مايسمعلى فى كلمه .. اغسلى طاوسى باهى رايحين مراشيش .... وباقى دارى على شمعتك تقود .. مش لازم يعنى تقوليلها .. برى شوفى البنات الحويدقات كيف .. ماتسمعيش بيهم الا ليلة دخولهم .. لكن الله غالب . عارفه روحى جبت هيدوقه .. والكلام مايبات فى فمها ..
ياسمين .. هاك هاك ارفعى صفره ناس يستنو فيك ... وشن لاه ياعريس عاد هوا .. برعاية سياره الخرباشه الا حطتهم ..
امها ... هاتى عطيك مرض فى هالسان .. تبى ولد نانانى ياماما .. هدا بيجى شن يبى فيك .. على هالمال ولا الجمال .. ولاهالعز ومز الا احنا فيه .. ماشالله بوك ماعقب الا الدين وزوز عجلات مايلات بختهم ماشالله منك لخوك ... والله بتجيبولى جلطه ..
ياسمين ... شن رايك نحطو صفرة الميه هيا على طاوله ونقعمزو نهدرزو انى وياك على عجلات بوى .. ونخلو ناس يستنو برا .. مش حتى هوا رأى
امها ... << يعطيك قصه فى لسانك بس ... صبى شاهى وهاتى صفرة شاهى اول ماناديك ... ومش لازم ست الحسن ودلال الا مرشوقه داخل تجى معاك ودرجك ..<< ومشت >>
ياسمين .... مكتر دوتك يما .. مش عارف بوى كيف نطرش وخداك قبل ماسمع رغيك .. انى عرفت علاش بوى مات نص عمر .. تى هوا انى قريب نموت ربع عمر بجلطه قلبيه منك
<< ومشت لدار وفاتت شاى وصفره واول ماخشت لقت منى فاتحه نقالها وقالتلها ..
منى .. ياسمين .. يانهارك الاسود .. الولد اكتر من 10 مكالمات متصل بيك .. ورسالتين ... شن درتى فبه الولد ؟؟
ياسمين .. خلى نتتقم منه شوىه ... نشوف فيه فى خدمه كيف بنت ماشيه وبنت جايه وقلبى راكب فيه نار .. وانى مش قادره حتى نخش نطمن عليه ... فالدلك خلى نركب فيه نار شوى ..
امها ... ياااااااااااااااااااااااسمين ...
ياسمين .... بنطلع نسلم ونمد شاهى ونكون عندك ياجميل هههههه مبردهم زفت .. باينين ركاك مش عارفه علاش
منى .... هههههههههههه والله انتى مبردك .. توا افرض يصيرلك منهم ويعجبك .. بعدين يطلعو يهبلو ومافيش منهم ..
ياسمين ... وووووه ماتهبلنيش وتتتكلمى زى امى ... انى لو ماخديتش امير .. مش رح ناخد حد تانى .... ااااااه ياكبدى .. كانا شفتى سياره الا جو بيها .. وسيارة امير شن تقولى ... اااااه ياقلبى اااه .. علاش الولاد نضاف والا عايشين مايكونوش من نصيبنا بس .. ومانطيحو الا فى الاعتر وخوه .. وتشريط اكتر
منى ... اى والله صح ههههههههههههههههه
امها ... يااااااااااااااااااااسمين ياااااااااااااااااااسمين ...
ياسمين .. هيااااا اهو جيت .. علقت وشن بيسكتها . خلى نمشى ونقولك شن يصير معاى ..
صبت ياسمين شاهى فى براد ورفعت صفره وخشت .. واول ماوصلت .. حطت صفره على طاوله وسلمت وعلى كل وحده بوستين يمين يسار .. وبعدين خدت صفره وفرقت عليهم شاهى والحلويات وقعمزة جنب امها وحطت عيونها لوطه ...
واول ماقامت عينها لقتهم فاتحين فيها فلاتشات 4 وقريب ياكلوها ... واول جمله تلاقتها ..
ام العريس .... ماشاااااااللله زين وبيوضه والعيون زرق <3 ربى يحفظك يابنيتى ..
ام ياسمين ... ويحفظلك صغويرتك يارب .. والله انى ديما نقولها لولا هالشحيمات الشوى الا فيك .. ماكانوش عرفوك حتى ليبيه <3
ام العريس ... والله وليدى هكى يبى .. واول ماشفتها خشتلى خاطرى .. وبصراحه حلوة بنت لما تكون مليانه .... وبنتك شكيلها ماشالله زى الورده ..
اخت العريس ... متخرجه انتى او تخدمى ؟؟
ياسمين ... متخرجه من ادب انجليزى ونخدم فى شركة استيراد وتصدير ..
اخت العريس .. ماشاالله وناويه تخدمى بعد الزواج
ياسمين ... اكييييد هادوى وحده من شروطى نخدم ونسوق <3 ومعاشى نصه لاهلى <3 لانهم هما الا وصلونى هنا <3
ام العريس .. << مش عاجبها الحكى >> ااااااااااه .. يصير خير يابنيتى .. باهى وانتى كم وزنك ؟؟
امها ... 79 كيلو
ياسمين .... 110 <3 <3
وهنا اخت العريس شافت لام العريس وام العريس عيونها مبحلقتهم فى الرقم وام ياسمين ترشقى فيها موس ماتطلع منها قطرة دم <3
وبسرعة البرق ام ياسمين غيرت الموضوع وقالتلها ...
ام ياسمين ... ايام قرايتها ماكانتش تفوت 79 بس من لما قعمزة فى الحوش والبنت الا جاها جاها و ساحت .. وتوا رجعت تخدم واكيد فى خلال شهور توا تنزلهم ..
اخت العريس ... مشيتى لدكتور تغديه ؟ مرات حتى تكون عندك مشكله فى غدد ..
ياسمين .... درت ريجيمات وقتلت روحى ومشيت لدكاتره وشى مافيش امل وايقنت انى رح نقعد هكى طول عمرى <3
امها << بحلقت عيونها فى ياسمين مع ابتسامه صفره معناها دبارك عندى وقالتلها >> احم احم .. ياسمين .. ههههه تى هوا دكتور وناقص وماقعدتيش عنده ... طلعتى جربتى كل دكاتره تواااا <3 .... اسمعى ترا الحوش يطق حسه ... شوفى من جاى << ونخصه من لوطه>> ههههههههههه <3 لا لا تعرفو انتم البنات مرات يعقدو فيها .. وبنتى ماتحبش تتكلم على شى الا ماتنفده <3
ام العريس .. على عموم انى قتلك على ولدى وشن عنده وشروطه ... وتوا نخليكم وسامحونى على الازعاج . وبعون الله فى اقرب وقت نردو عليكم ..
امها .. اقعدى اقعدى .. بالله اقعدو .. خيركم هكى بكرى بكرى ..
ام العريس .. معليشى . مره تانيه ان شالله .. كان فى نصيب <3
امها ... ان شالله يارب <3 ومرحبتين بيكم <3 وانستونا <3
ام العريس ... بوجودك حبيبتى .. هيا بى سلامه . امووووه اموووه
كبهت ياسمين من دارها بعد التوزيعه الا وزعتهالها امها .. وكانت معناها الليله ليلتك ياجميل ... واول ماشافت امها تسقد فى ناس .. قالت لمنى ...
ياسمين .. حى عليااااااا .. الليله كانا مامتش معاش نموت .. اسمعى .. خودى نقالى عندك .. وامسحى كل رسائل امير .. ورقمه .. وديرى تلفون في وضع طيارن ههههههههههه
منى .... ههههههههه حاسه بتجينى لزه حاليا .. حى عليا .. انى غير شن جيبنى بس .. نحسابك بتحطى عقلك فى راسك مش بطفشيهم هكى عينى عينك ..
ياسمين .. انى من الاول قتلها .. حى حى ااااص حسها جت ..
ام ياسمين .... يااااااااااااااااااااااااااااااااااسمين ... اااااااااااااااااااااانتى يابنت .. تعااااااااااااااالى نبيك
منى .. هههههه << لكن سمائك ممطرة وطريقك مسدود مسدودااااا <3 ههههههههههههههه
ياسمين .. وقت منى .. هههههه << لكن سمائك ممطرة وطريقك مسدود مسدودااااا <3 ههههههههههههههه
ياسمين .. وقتك توا ووقت عبد الحليم حافظ متعك ... ااااااااه اسمعى كانا متت نبيك تقولى لامير كل شى وتقوليله ياسمحنى ...
منى .. هههههههه حاضر ياشهيدة الحب انتى .. تى برى خلااااااص
امها .. اااااااااااااااااااااااااااااااااانتى يااااااازفته .. تعاااااااااااااااااالى هنا
ياسمبين .. جيت جيت هيااااااااااااااااااا
منى .. هههههههه وعندك واحد شاااااااهى <3
طلعت ياسمين من دار وسكرت وراها دار .. ووصت منى كل الوصايا العشر لو فى حالة ماتت تحت قصف امها الشنيع .. واول ماوصلت للمربوعه الا امها مقعمزه فيها .. قالتلها ...
امها ... ارتحتى توااااااا ؟؟ طفشتيهم ؟؟؟ هازيه عليا وتقولى توا امى نطلعها اضحكوه وعاااادى مش رح تديرلى شى .. بس نقولك شى .. من اليوم قسما بالله خدمه ماعاد خادمتيها ... ومنى زفت انسيها .. وطلوع والخشوش مع بعضكم انسيييييييه ... وياانى ياانتى ماااااشى ... انى طلعينى زى حشره قدامهم .. وتكدبينى عينى عينك ؟؟
ياسمين ... مانبيش نخدم .. ومانبيش نطلع ... ومش رح ناخد الا راجل الا نحبه بس ونبيه .. اما زواج صالونات هوا .. انتى عارفه راى فيه ... لو انتى كنتى تحبينى .. وتبى مصلحتى .. كنتى شوفتى كيف يقلبو فيا بعيونهم تقول بقره بيشروها ... وولدها صار يبى بيضه ومليانه وعيون زرق ... مش خلوقه ومحترمه وبنت ناس ومتعلمه ... هونى اعطيهم نعتة وكيل هومر لتلاجات .. يمشو يطلبوا يد وحده من تلاجاتهم ... ووعندهم حتى دفع بتقسيط المريح ..
امها ... زبدى زيدى ماكسنى ياقليلة الادب ... تى والله والله ما مبردتيها .. غير تروح تمتال الحريه الا مقعمزه فى دار هديكا بس .. وحسابك ودبارك عندى ...
ياسمين ... انتى علاش ديما هكى تتصرفى مع صاحبتى ؟؟ علاش ماتحبيهاش ؟؟ شنى بزبط قصتك معاها ..
امها .. قصتى معاها انها خاشه فى كل صغيره وكبيره فى حياتنا .. وكل موضوع حاشره راسها فيه .. فى خطوبه نلاقها اول وحده ... وفى خدمه اول وحده ... ولو بوك عايش وتعاركنا مستعد نلاقاها اول وحده تجى وتراضينى عليه ...
وهنا خش احمد زمانو للصاله فى الوقت مناسب ...
احمد .... ااااااااااااااااا ه يماااااا خيرك على بنت .. شن دارتلك باش صوتك يلعلع هنا وغادى عليها .. بنتك انزلى فيها وانى معاك <3 لكن منى . بصراحه بنت خلوقه وبنت ناس ..
ياسمين .. شوفتها ؟؟ والكارته بنت مقعمزه فى دارى .. شنى شنى حسك قولت .. بنتك انزلى فيها وانى معاك ؟؟ مالا انقولك شى هنا روحك وبصلتك محروقه على منى مااااااشى لانا بنت ماتبيش تتزووووج .
احمد ...<3 <3 منى داخل قصدك ... <3 مالا كملو دعاكم خلى نمشى نغير الموضوع معاها شوى لاتسمع دوتكم وتحرج ..
ياسمين .. تعال هنا وتحشم على وجهك .. واولا بيك بدل ماتتحشم من صاحبتى الا اصلا خلاص خدت عليه العرس هوا ... برا تحشم من صاحبك ... الا درتله عشوه وماخليت شن درت باش انى نخدم .. واهى امك حلفتلى وقالتلى مافيش مشى ..
امها ... يمين بكوش فى صدره .. وياانى ياانتى ياسمين .. بابوك انتى الا خلف .. يابوى انى .. وتوا نشوفو من يمشى كلمته ...
ياسمين ... تى والله انتم الا عيله تفدد وعنده الحق بوى يهرب .. مرات القبر خير من هالعيشه .. الا حتى زواج ينفرض فيه فرض ..
امها ... برى برى خلى طبطب عليك شوى .. وبالك ترضى عليك وتعطيك خوها ...
احمد ... يما .. خيرك انتى .. علاش توا دوه هيا ؟؟ البنت ماطقت فيك فى شى . علاش تغلطى فيها ..
امه ... مش منك انت اصلا زى اختك .. والباقى كانك راجل وصالب طولك .. راهو وحده واضحه ماتبيك .. ومازال حتى تدافع وتلاطى عليها اكتر حتى من اختك ..
احمد .... وانتى شن عرفك ؟؟ اكيد الحربه بنتك قالتلك .. توا تشوف ..
امه .. حول حول .. تى قسما بالله دحيتين ومرقات .. وربى يعوضنى خير بس ..
خشت ام ياسمين لدارها وسكرتها عليها ... وخشت ياسمين لمنى .. وضحك ينسمع من هنا وغادى . لانا بينى وبينكم يكتر ضحك فى مصائب والبلاوى .. وبينما احمد دار روحه فاعل خير وبيصلح بينهم .. وعلى طريقه يتسبتل لمنى حبيبت قلبه شوى ... طق طق على باب واول ماياسمين سمعاته قالت ...
ياسمين .. ياخير ؟؟ منى ؟؟
احمد .... انى .. نخش ؟؟
ياسمين ... اسمعى هدا بيخش وبيدره الكبد شوى بنصائح .. وكان بيتكلم برا امى بتسمع وبتطلع تلعلع . .. نقوله يخش ؟
منى ... عادى هدا زى خوى وعشرة 15 سنه معاكم .. دقيقه بس نلبس وشاحى وقوليله يخش ..
ياسمين ... خش ..
خش احمد وعيونه قلوب قلوب ويضربو فى كلاكسات لمنى <3 <3 والابتسامه قريب تنشرك شرك .. و32 سن على برا بستتناء ضرس االعقل والرزن والتبات  <3
خش وقعمز على الكرسى متع طاولة ياسمين وقاللها ...
احمد .... ... حبيبتى توا خيرك عصبتى امك ورقيتيلها الدم
وهنا ياسمين شبحتله شبحت << حاجب فوق وحاجب لوطه وتدرس فى اوضع الهجوم جديده لاحمد >> ....
ياسمين .... << تتمتم فى داخلها >> حبببتى .. تتكلم بأسلوب حلو << ربك يستر >> ماعلينا .. امك هيا الا تبى تغصبنى على زواج ....
احمد ... ماعاش ولاكان الا بيخليك تتزوجى بالغصب طالما انى عايش .. مالا احنا علاش صحاب <3 <3
ياسمين << تتمتم >> صحاب .. ماعاش ولاكان ؟؟ لا لا هدا موضوع كبر وشكله بعدها بيخطب منى على طول >> << بس ماعلينا>> ... توا فوت الطروحات هيا زايده وفكك من جو ياحمزه وقولى .. شن حل مع الخدمه تى وحق ربى الا مايفصلونى .. من توا بنغيب ؟؟
احمد ... مش قتلك ماتتخمميش .. توا نكلملك امير ونقوله اختى طريحة الفراش وتبى اجازه اسبوع ..... << وبعدين شبح لمنى وقاللها >> ... ولا انتى شن رايك يامنى ؟؟
وهنا ياسمين شدت روحها واول ماشافت شبحات الاستبلاه على ملامح منى قالت ...
ياسمين.... هههههههههههههههههههههههههههههههههههههه ياعطيهالك يامنى منظرك زى مسرحية << شاهد ماشفشى حاجه >>
منى .. ههههههه والله الحق مانعرفش انى انتم اكيد عائله وتتفاهمو مع بعض ..
... وهنا احمد زاد تبسم ونكسف وعيونه بدو يطبتو فى منى ويغنولها << اسبقنى ياقلبى اسبقنى على جنه يالله سبقنى <3 >>
احمد .... لاصح كلامك .. بس على سيرة عائله .. شن حالك انتى وحال بوك وخوك ..
ياسمين .. شن رايك تجى تقعمز جنبها ونديرلك طاسة شاهى وخلاص .. ولا نقولك ونبى ضيفها على وى شات ... اما مصحك وخلاص .. هيا نوض شم الهواء .. بنت تتحشم من ظلها .. وانت ماصدقت اعطينا معاك ريق ..
احمد ....انى طالع وبعدين تعالى تصرصرى .وقوليلى .. << مع تعوجية فم >> حميييييده ياغااااااالى ونبى كلم امييييير ..
منى ... هههههههههههههههههههه ♥
ياسمين ... شنى منى انت عجباتك مالا ..
منى ... هههههههههه هوا صح انتى هكى تتكلمى لما بتديرى روحك تختخى هههههههههه
احمد ... هااااااااااااااا هوا انا قولت حاجه من عندى ... اكدب يعنى ماقولش الحقيقه .. اقول حاجه ماشفتهاش ..
وفجاه ام احمد بدت تعيط وتنادى .. فى الوقت الا احمد بدى فيه يستمخ ♥
امه ... اااااااااااااااااااااااااااااااااااااااااااحمد ... احممممممممممممممممممممممممممد ..
احمد .... << نخلع بصوت امه >> .... شن هدا .. سلام قولا رب رحيم ..
منى ... هههههههههههههههه
ياسمين .... ههههههههههه والله الامانقوللها كانا ماتكلمش امير .. ونقولها شن قولت توا .. على اساس سمعت جن ينادى عليك ...
احمد ... توا تشوفى ياعصبانه حساباتك بعدين .. سلام منى ♥ ♥
ياسمين .... ونبى وصينا على طاسة شاهى والباب وراك وحياتك ♥
احمد ... << طلع راسه بعد ماطلع وقاللها >> عطك سم نوضى ديرها بروحك واضعفى وانتى قريب نص سكان ليبيا يجلو منك ..
ياسمين ... ههههههههههه ماتاخديش فى بالك هدا خوى عقله طاير شوى .. ولما يشوفك يزيد يطير ..
منى .. ههههههههه لكن والله جوه يهببببل يايسعدودك بيه .. انى عندى خو زى بومه .. وكانا ضحكتى معاه بعدها 10 ايام بتشديها بكى ومشاكل ...
ياسمين .... هههههههههههههه خلاص هوا ليك
منى .... باهى توا شن مقرره بزبط ؟؟؟ عريس وطيشتيه ؟؟ وامير وسكرتى فى وجهه ؟؟ انتى شن تبى بزبط ؟؟
ياسمين .... مش عارفه الحق ... وكارته مش هنا .. توا احمد بيتصل باامير وبيقوله ياسمين مريضه ... وهوا اساس نحس فيه مش مرتاحلى ويكرهنى مش عارفه علاش .. فاحاسه رح تجينى طرده ....
احمد .... ياسميييييييييين ..يااااااااااااااسمين ..
ياسمين ... خودلك هي اعطينه وجه بيبدا ستيك متيك ... شن فىىىىىىىى ؟؟
احمد ... << طلع رأسه من الباب >> قولى نعم يعطيك جلم مره تانيه ... هونى كلمته امير وقتله ياخدلك اجازه تلاته لانك مريضه هلببببه ومش قادره حتى تقياحمد ... << طلع رأسه من الباب >> قولى نعم يعطيك جلم مره تانيه ... هونى كلمته امير وقتله ياخدلك اجازه تلاته لانك مريضه هلببببه ومش قادره حتى تقيمى رأسك .... لبين ماقدرنا نقنعو امك ترجعى ...
ياسمين .... ماشى ماشى .... خلاص طير انت وشكرا ♥ ♥
احمد ... اوووك ولما بتديرو عشى احسبونى معاكم فى سندوتش ..
ياسمين .. وين تبى تقعمز فى الوسط ولا فى جنب
منى ... هههههههههههههههههههههه
احمد .... والله ماتتحشمى باهى .. ولولا بنت المقعمزه كنتى خديتى كفوف على جدوقك المبرمات هما زى سلوقى لين عيتى ... انى نقصد ياصفيقه .. احسبينى فى سندوتش وارفعيه لدارى .. هدا الا يخلط روحه معاك ..<< وطلع وقربع الباب >>
ياسمين .... هههههههههه الله غالب الا يبى الورد يتحمل شوكه
منى ... هههههههههه تلفونك يشرين يامهبوله ....
ياسمين .. ترا هاتيه .. مقعمزه عليه نووووضى ...
منى .. هااااك ... اميرك يتصل هههههه ♥
ياسمين .... ايواااااااا ♥
امير .... شن اخبارك ♥ ليك وحشه ♥ ... شن تديرى ؟؟
ياسمين .. جايتنى صاحبتى وونهدرزو مع بعض ♥ وشوى وبنوضو نوتو العشى ♥
امير ... اها صار جايتك صاحبتك ♥ وبتتعشو ♥ صحه صحه .. باهى غير حبيت نطمن عليك بس ♥
ياسمين .... علاش ؟؟؟
امير ... لا لا مافى شى ... غير من صبح نتصل بيك وماترديش .. قولت مرات صاير معاك شى بس ... على عموم اول ماتفضى بعدين رنيلى نبيك فى موضوع ♥ ....
ياسمين .... << شبحت لمنى وقالتله >> اوووك اصلا حتى انى نبيك فى موضوع مهم ♥

يتبع ..

استنونا في الحلقه العاشره🙈✋🏻