احبك ولكن ... هل ساتحبنى عندما ترانى

6

احبك ولكن ... هل ستحبنى عندما ترانى💫💑

الحلقه السادسه ....

احمد ... ردى خيرك ؟؟
ياسمين .. رقم غريب مش حابه نرد ...
احمد ... ردى يابنتى مرات حد من شركه ...
ياسمين << شبحتله شوى وقلبها بيطيح منها >> وقالت .... الوووو
منى ... يابلوه خيرك ماترديش ؟؟
ياسمين ... منين تكلمى فيا ؟؟
منى ... من نقال ماما ياغبيه المدار ..
ياسمين ... غريبه ماكلمتنيش قبل عليه مهم شن تبى ؟؟
منى ... بابا كيف دارهالها جديده .. قبل نبيك تجيبلى ساعتى الا مخليتها عندك ..
ياسمين ... توا طلعت خلاص ... وطينى واسكتى وخليها عندى لحد مانشرى وفكيك من الجو هوا بلا بخل زايد ..
منى ... لا ياغبيه والله ماهكى .. بس هوا بكرا بيجى وقالى نبى نشوفك بيها ..
ياسمين ... باهى باهى انى فى سياره توا .. خلاص نوصل واحكيلى قصة حياتك ..
منى ... اوك تمام ... نستنى فيك ...
سكرت ياسمين تلفون من هنا وخوها احمد قاللها من هنا ..
احمد ... شن اخبارها منى ؟؟
ياسمين ... وانت شن خصك بيها ؟؟
احمد ... شى هههههههههههههه
ياسمين ... باه ... يكون احسن ..
وصلت ياسمين لحوش منى ... ومن اول ماوصلتوحطت عينها فى عين منى قالتلها ...
ياسمين ... خلاااااااااص ... كلامك صح .. وانى عارفه .. << وبعدين دمعو عيونها وقالتلها >> بس شكل نحبه ... اى عارفه خفيفه وخفيفه وخفيفه ..
منى ... خشى خشى .. باهى وعلى اساس قولتى نحبه ؟؟ على اساس سنوات الحب الا مابينكم ولا شنى ؟؟
ياسمين ... اول ماقولت بنغير شفرتى وبننساه ... قلبى وقف من مكانه وكان لقيت نطيح فى روحى ضرب ونقص لسانى ونشل عقلى ..
منى ... اكييييد حبيبتى .. لانك كنتى متعشمه فيه خير .. وللحظه تخايلتى نفسك معاه .. بس والله فتره وتعدى ..
ياسمين .. تقولى هكى ؟؟ طمننى بالله عليك .. انى لما نكلمك نتقوى ..
منى .. اكييييييد وانتى كل يوم خوديلك رد بول بيعطيك جوانح وشوفى كيف تجيك بور تسبيه ..
ياسمين ... باهى عالق فيا بالعرض .. كيف بندير ..
منى .... مبردددددده .. خيره تقول شعبوط .. نهار ابيض خفيف ..
ياسمين .. معاش تقولى هكى .. هوا صح مراهق وواخد دنيا هياجه ومش مفكر فى شى قدامه بس والله باين عليه طيب وجوه يهبل ..
منى ... اى اى صدقتك ... مهم لما يتصل بيك امسحى بكرامته .. نمادج هيا ماتبيش تتكلمى معاها باللطف ...
ياسمين ... حقا ؟؟ مانقدرش نكلمه بطريقه مش حلوه ... استنى تلفونى يشرين ..
منى .. منى ؟..
ياسمين ... لحظه بس نطلعه من شنطه ... تى وين مشى .. اهوا .. حى هواااااا
منى .. مبرده زفت ... ردى عليه وهزبيه ولا نقولك هاتى انى نهزبه ..
ياسمين ... شدى هاك انى مانقدرش نهزبه ...
منى ... هاتى .. الووو الووووووووووو ... الولد شكله متصل بالغلط ... وشكله فى مكان زحمه كأنه فى سيارته ومقوى مسجل .... ههههههههههههه غير اسمعى اسمعى كيف يعيط ويغنى مع المسجل .. هههههههه وشكله فى ولد معاه وهما زى ينعرو مع مسجل هههههههههه
ياسمين .. اغير افتحى مايك افتحى هههههههههه
ووووووووووه .. اكتر حاجه بحبها فيكى هوا داه .. اه هوا ده اااااااااااااااااااااااه قلبك
واكتر حاجه شدتنى ليكى هيا اااااااااااااااه هيا دى .... طيبة قلبك ....
واكتر حاجه بتموتنى وتودينى كدا وتجبنى لما ايديا تجى عليك وعنيكى فى عينيا ...
واجمل حاجه واحلى مافيكى شفايفك همسك كل مافيك .... عليك ماشيه الله يخليكى براحه عليااااا ههههههههه
ياسمين .. خلااااص سكرى ينارى رصيده كله مشى المتهور هوا .. يعيط ويغنى زى مهبول ...
منى .. ههههههههههه غير خلى نسمعو شن بيقولو .. اهم حسهم نقصو مسجل ...
امير .... تى يارجل فيها خلقة ماشيه ماتفهم شى ههههههه <3 اااااااااه ياقلبى ... والله على قد مالفيت ودورة وسافرت مالقيت زيها ... لا والكارته قايمه خشمها عليا لكن والله الامانجيبها هههههههههه
ياسمين ... منى .. هاتى تلفون خلاااص سكرى خلاص .
منى ... خلى نعرفو شن اسمها ياغبيه مرات تطلعى انتى ههههههههههه
ياسمين .. تتسهوكى انتى.. هاتى تلفون << وسكرت >>
منى ... والله مبردك علاش سكرتى شكله الولد جو عليه هههههههه والله سفهنى فى تدهويره معاك ومسجل على قوته هههههههههه....
ياسمين ... تبى مقدام يقدادك يامتهوره والله والله كانا يشوفك الا ما يسلخ جلدك على لحمك ... ناقصنا حنا ماهو ... اى حقا ماقولتلكش هههههههههه احمد مبكرى قالى شن حال منى ههههههههه
منى .... ههههههههههه غريبه كيف خطرت فى باله ؟؟
ياسمين ... تى امتى انتى ماخطرتيش فى باله ... انتى فاهمه وانى فاهمه .. انه حاط عينه عليك قداش ليه ..
منى ... عارفه انى اصلا معجبينى كتيرررر <3 هههههههههه
ياسمين ... اهاااااااااااااااا شن لاه يامعجبين انتى ... اسمعك اصدقك ... اشوف كلامك استعجب ....
منى ..... هههههههههه لا يماما لاتعيرنى ولاعيرك دا الهم طيلنى وطيلك ههههههههه
ياسمين ... حسيت للحظه اننا فى شارع الهرم .. والعنب العنب العنب .. العنب ياخوخه العنب
منى وياسمين ... ههههههههههههههههههههههههههه
ياسمين ... والله عندى نيه نشطح ونقلبها هياجه بدل النكد الا قالب جوى ....
منى ... عندى ليك خلقت اغنية مصريه لعدويه تهبببببببا اشطح بس من الاخير .. مالا غير امير وصاحبه بس يشطح .. خلى نمشى نجيب المسجل ... نشطحو شوى ... هيا معاااااى ... وبحب الناس الرايقه الا بتضحك على طول اما العالم المتضيقه انا لا مافيش من دول <3 <3 <3
للحظه نست ياسمين كل همومها .... وفى الاغلب اى حد ممكن يلاقى صديق عمره ... فى لحظه الا يكون فيها معاها ينسى كل شى ومايتدكرش الا مواقف الحلوه والمضحك هالا فى حياته بس ... ولكن امتى مايقعد بروحه وتفضى بيه دنيا .... اكيد رح يتدكر كل همه ... وهدا الا ياسمين حست بيه بعد ماروحت من حوش منى ...
ياسمين ... اه ماما .. تبى شى ؟؟
امها ... لا لا سلامتك بنتى .. وعدلى منبه بس .. باش تفيقى ..
ياسمين ... ان شالله ماما ...
خشت ياسمين لدارها .. وبدلت حوايجها وتوضت وصلت ... وخشت رقدت ... بس اليوم .. كان فى شى فى داخلها .. يستنى امتى يضرب .. امير .... حتى لو هيا مش قادره تعترف بى هالشى .... بس فى احساس فى داخلها ينادى فيه ... وفى احساس ضعيف جدااااااا يقول لا ...
فات اليوم والتانى والتالت وياسمين نفس على نفس روتين ... بين الخدمه والاكل الا يسبقه اصرارصباحى على دايت وينتهى بالضعف عند اول وجبة غدى توجهها ... وتنهى هاليوم بضيق وشى يعتصر قلبها ... هل هوا احساسها بالضعف امام الاكل كل يوم ؟؟ .. او هل انها تشوف فى حياتها تمشى قدامها زى قطار ومش قادره تستمتع بيها وكل يوم تقول بكرا .. ولحد الان ماجاش بكرا ... او هل اختفاء امير فجاه وبدون اى مقدمات ...
فات اول اسبوع على ياسمين وكان اسبوع ركيك جداااااا ... لاقدرة تتاقلم مع زميلاتها فى خدمه .. ولاطياقه تشوف لروحها فى مرايه وحاسه انا كل حياتها غلط ... ولا امير اتصل بيها .... وفى نهاية اليوم السابع ... فى الليل تحديدا .. جاتها هبله خلتها تتصل باامير ... وعطاها مقفل .. ولانا عطاها مقفل .. اتصلت مره واتنين وتلاتاء واربعه .. وعشره .. يعنى كل الطاقه سلبيه فرغتها بمكالمات .. برغم انا كل مكالمه تعطى نفس الاجابه .. الرقم الدى تطلبته مقفل ... وختمت هالمكالمات .. بى حاله هستيريه من البكاء ... وماوقفها شى من هالحاله الا اتصال منى ..
منى ... الوووووو
ياسمين << مع رشفة خشم >> ايوا منى ؟؟
منى .. خيرك تبكى ؟؟
ياسمين ... مش عارفه .. كارهه نفسى وكارهه ناس وكارهه كل شى ..
منى .. امير مااتصلش بيك صح ؟؟
ياسمين ... ايه ... والكارت هانا اتصلت بيه اكتر من 15 مكالمه ويعطى فيا مقفل وبرغم انا عطانى مقفل الا انى رديت غيظى فى الاتصال .. ممكن لانا طمنت انا تلفون مقفل ..
منى ... ياااااااااااااااااااااااااااسمين .... يانهارك الاسود .. بجد 15 مكالمه ؟؟
ياسمين << مع رشفة خشم >> ايه علاش ..
منى .. حبيتى فى خصائيه فى هلبه ناس يديرو فيها وانا حتى يبدا نقال مقفل .. تصولك رساله رقم قداش اتصل بيك ... حى عليك حى .. وانتى جمل وطاح فى باسطى ... ههههههههههههههههه
ياسمين .. بجددددددد حى عليا حى شن درت << ورجعت تبكى >> انى غبيه .. ااااااااااااااااااااااه شن بندير ... استنى استنى منى مصدووووووومه .. ترا قولى من خش عليا انتظار ...
منى ... منى ؟؟ قوووووولى ؟؟ ماتقوليش خوك احمد ؟؟
ياسمين ...

يتبع ....

استنونا في الحلقه السابعه🙈🤚🏻