احبك ولكن ... هل ساتحبنى عندما ترانى

11

احبك ولكن ... هل ستحبنى عندما ترانى  💫💑

الحلقه الحاديه عشر....
ياسمين ....لا لا مافيش ولا كان اى شخص او حب فى حياتى
امير .... <3 اها معناها انى اول شخص فى حياتك <3 وان شالله نكون اول حب فى حياتك <3
ياسمين .... هههههههه <3 نعتبرها نكته <3
امير ... هههههههههه ماشى خلاص اعتبريها زى ماتعتبرى <3 مهم احكيلى على نفسك شوى ..
ياسمين ... شن بنحكيلك ؟ انى انسانه عاديه زى اى انسانه <3
امير ... كلنا بشر وزى بعض بس اكيد تخلف شخصيتنا من شخص لتانى ... على عموم انى نختصرلك موضوع وانى نسالك وانتى جاوبى ماشى ؟؟
امير ... شن موصفات الراجل الا تحلمى بيه ؟؟
ياسمين .... ههههههه هلبه موصفات بس اهمها يكون يخاف ربى <3 وجنتل مان <3 ويحب يلبس <3 وراقى اخلاقيا ودوقيا <3 ااااااه شن تانى ؟؟ اهم شى نحب راجل الا لما يحب مراه يحبها بجنون <3 ومش اى مراه تقدر توصله بسهوله ... ونحب راجل الا شايف نفسه على الكل .. والبنت الا يختارها هيا بس الا يستتناها من قاعدة شوفان نفس ...
اميرا .. اها حلووو <3 شن تانى ؟؟
ياسمين ... نحبه وقت مايكون رايق نضحك لين جنابى ينفلقو بضحك... ولما يكون معصب نلبد ورا الكنبه ههههههه <3
امير ... اهااا كوويس .. برغم انا طلباتك صعب تتجمع فى شخص واحد بس كويس حتى الحلم يشكرو فيه <3 بااااه شن تانى ؟؟
ياسمين .... نحب انا يكون معاى بعد الزواج بنفس الشخصيه الا قبل الزواج ...
امير .. كيف يعنى ؟؟ هوا شن بوكمن متطور ولاشنى ؟؟
ياسمين .. هههههههه لا بس رجاله عموما يتغيرو بعد الزواج هلببببه ..
امير ... من اى ناحيه ؟؟
ياسمين ... هههههه يعنى متلا نبى نظرة الاعجاب الا كان يشوفنى بيها اول ماتلاقينا .. تستمر دائما .. اقل شى لما يكون فى تغير فىا ..
امير ... اها هههه جديده هيا .. كيف يعنى ؟؟
ياسمين .... ههههههه يعنى متلا لو كنت مغيره لون شعرى او عندى طلعه وشاريه لبسه جديده وطالعه بيها لازم مانحس فى عيونه نفس نظرة الاعجاب الا كان يشوفلى بيها قبل .. كدلك لما يشوفنى نبكى .. مايتجاهلنيش ويطلع ويستعمل اسلوب توا تهدئ بروحها وتروق ... لانى ببساطه مش حيوان يتسكر عليه مكان بروحه لين يهدا ... وكدلك لما يغلط فيا يتاسف .. مايديرش جو يطلع يجيب بيتزات ومشروب ويدير روحه عادى وكأنا مافى شى ... لانا لما المراه تتعود تزعل وترضى نفسها بروحها .. تتعود تبعد عليه وينقص الحب .. وسبب انا اكتر فتره الزوجه تزيد مشاعرها فيها وتبدا زى مشاعرالمراهقه لما يجيها حبيبها ويراضيها .. وبكلام حلو اكيد . مش بى بيتزات .... وخلااااااص شن تبى تانى .. ههههه <3 خيرك سكتت تكلم ؟؟
امير ... شى نسمعلك بس <3 او نسمع للجانب الحلو فى شخصيتك .. الا ممكن اول مره نسمعه برغم انى حاس نفسى نعرفك من قبل <3 بس تعرفى شى ... الانسان مرات محتاج شخص يكمله ... ولو نحصل وحده زيك اكيييييد نحس انها تكملنى ... لانا الا انتى حكيتيه انى حاس نفسى فى بعض جوانب غافل عليها وفى بعض الجوانب عند
ياسمين .... اووووك <3 وانت ؟؟ شن تحلم بقتاة احلامك ؟؟
امير .... نحلم بهلبه حاجات .... شوفى انى بسهوله ننعجب بالبنت واحيانا يستلزم موضوع نظره وحده خارجيه باش ننعجب بيها .... بس صعب جداااااااا تقدر اى بنت تملك قلبى ... ومانحسش انا فى بنت اصلا رح تعرف .... فالدلك البنت باش ننعجب بيها ... يكفى انا تكون بيرفكت شكليا وتاخد هالكرت <3 بس انى نحبها هدا كرت صعب نعطيه الا لوقدرة تمتلك قلبى ... ولحد توا ماقدرتش تملكه الا وحده بس وبعدها قدرت نرجعه منها ....
ياسمين ... لو انك لقيت البنت الا قدرت تمتلك قلبك بس بدون ماتتير اعجابك هل تقدر تتنازل على كرت الاعجاب فى سبيل الحب ..
امير ... والله صعب ... شوفى ماهو موضوع الاعجاب يختلف على حسب شنى .. يعنى انى فى حاجات مستحيل نتنازل عليها فى البنت الا نحلم بيها .. حتى لو قدرت تمتلك قلبى فاهدا مش كافى ... وسبب انى لو قولت يكفينى تملك قلبى ومش مهم تتير اعجابى فا رح نكون ملاك ... ولو انى نقولك لا انى اهم شى تتير اعجابى ومش مهم تملك قلبى فارح نكون شيطان <3 فالدلك انى الاتنين بالنسبه ليا مهمين فى شريكة حياتى ..
ياسمين ... اوك .. بس انت قتلى موضوع الاعجاب يختلف على حسب شنى .. شن تقصد مافهمتش ؟؟
امير ... يعنى متلا مش شرط تكون جمليه بالعكس انى جمال عندى مش مقايس ... بس مهم انا تكون عندى مهتمه بنفسها وتعرف شن تبى .. لانا الا تعرف شن تبى وشن تحتاح خاريجيا .. فى داخلها انسانه مرتبه وتعرف شن تبى بزبط .. انى تعجبنى المراه الا تعرف شن تبى من نفسها ومن غيرها <3 وكدلك الموضوع الا قبل تناقشنا فيه ههههه كدلك يهمنى جدااااااا .. انها تكون رشيقه ..لانى مانحبش البنت سمينه .. وانى نقصد بسمن .. مش مجرد سمن العادى لا .. بس اكيد من 90 واطلع فوق هههههه لانا انى اكيد مش حابب نخسرها فى يوم من الايام بجلطه قلبيه او كولسترول او ضغط او سكر ...
ياسمين .. اى اى فهمت عليك ... باهى لوقدرت تمتلك قلبك واول ماشفتها مانعجبتش بيها .. شن بتكون ردة فعلك ؟؟
امير ... انى اصلا مستحيل نسلمها قلبى بنسبة 100% لين نحس انى راضى عليها داخليها او خاريجى
ياسمين ... انت انسان مظهرى .. وفى عاده الانسان مظهرى ينخدع بسرعه ...
امير ... بالعكس .. علاش تقولى هكى ؟؟ انى بس انسان صريح ... وانى ماطلبتش انا تكون ملكة جمال او جسم عارضات .. لا بس انى طلبت انا تكون مقبوله وعندها دوق ونعيش معاها وانى مطمن انى مانخسرهاش بااى مرض يسببه سمنه ..... وبعدين هدا رح ينعكس حتى عليا بعد الزواج ... مش يقولك وراء كل رجل عظيم امراه .. خلااااص انى حابه تكون زوجتى عظيمه فى كل شى باش نكون انى عظيم ونكبر بيها ... ههههه <3
ياسمين ... اوووك خلينا من شكل .. شن موصفاتها داخليه ..
امير ... والله هوا مش مقياس بس بشكل عام .. تكون طيبه وحنينه وتسمع كلامى وماتكسرش كلمتى .. ولما نكون متعصب تحاول تمتص غضبى .. لان انا من ناس الا لما نتعصب نولى مجنون وهادى وحده من شخصيات الا ماتعرفيهاش عليا ...
ياسمين ... هههههه ولا حابه نعرفها ههههه <3
امير ... وكدلك مانبيهاش تبعد عليا ولا تخلى شى ياخدها منى ... ولما تشوفنى مضايق ماتديرش الحوله هههه لانى رح نتعود على قلتها فى حياتى ونخاف انى نبحت على حد برا يعوض هالجزء الخاص بيها هيا ... وشن تانى ... نحب مراه الا تتحشم وتكون كلها انوته ورقه <3 ولما تتعصب تبكى لانا دموع هما نقطه ضعفى .. ومش تولى بركان وتسمع ناس كلها بمشكلتنا واحتمال تشدلى موس بوخوصه .. وكدلك الكدب .. عقدتى بنت تكدب عليا ... وكانا كدبت عليا مره اكيد مش رح تشوفنى مره تانيه .. ومهما كانت الاسباب ... واهم شى اهم .. مانحبش مراه تعزر .. يعنى وقت دعاك تنشرلك صابونك على شارع ههههههههه .. واغلب ليبيات يتفنن فى تعزير رجلاتهم وهدا علاش رجاله ليبين مسكرين هالباب ههههههه ولاتقوليلى ولانقولك
ياسمين ... هههههههههه لا لا مستحيل اصلا شن بتقوله يعنى ...
امير ... لا لا عادى .. انتى متلا تقوليلى .. انت يامتع الاجنبيه ههههههه وكانا فيك الخير راهو خداتك ههههه لكن كانا بوما فيها خير مايسيبوها صيدها
ياسمين .... هههههههههههههههه لا والله حرام عليك ... بس انت تفكيرك مشى لبعيد على فكره <3
امير ... ياسمين .. بنٍسألك سؤال ونبيك تجاوبينى بصدق ...
ياسمين ... شنى ؟؟ اكيد رح نجاوبك بصدق ..
امير ... << سكت شووى وبعدين تنهد وقاللها >> ...... انتى تعرفينى ؟؟
وهنا ياسمين تزرطت وناضت قعمزة ومعاش عرفت شن بتقول وهرب عليها ضى .. بعدين قالتله ..
ياسمين .. لحظه بس ادان الفجر ياادن .. يكمل ونجاوبك . وبنمشى نشرب ميه اصلا .. خليك على خط ..
امير ... اوك بس ارفعى تلفون معاك ..
ياسمين .. علاش تبى تسمعنى كيف نشرب ههههه اوووك ...
مشت ياسمين للمطبخ .. وككيف بتخش عترة فى كرسى وصبعها حصل ضربه قويه .. فا قعدت تربش فى مكانها وهنا امير قال ..
امير... الووووو ؟؟ خيرررك ؟
ياسمين << بصوت واطى >> .. نشت فى طاوله بس هههه ااااااص خوى يسمعنى .. لحظه بس ونكلمك خليك على خط نصب ميه ...
وهنا فجاه سمعت صوت من وراها قاللها ...
احمد .... صبيلى حتى انى طاسه ...
وهنا تلفتت بسرعه ونصدمت بشوفته وقعدت ساكته ... وهوا قعد ساكت يشبحلها وهيا ساكته وجمدت فى مكانها .. ومافيش الا صوت امير الا كان يقول ...
امير .. الوووووو الووووو ياسمين .
احمد .. بدون مانعيط ونلم عليك امك .. هاتى تلفون زى ماهو وخشى لدار
ياسمين ... هادى صاحبتى ؟ خيرك انت
احمد ..صاحبتك تكلم فيك ..
يتبع..
استنونا في الحلقه التانيه عشر🤚🏻🙈