احبك ولكن ... هل ساتحبنى عندما ترانى

15

احبك ولكن هل ستحبنى عندما تراني💫💑

الحلقه الخامسه عشر

فاتت ساعه ورا ساعه وياسمين مش عارفه لو ين تمشى ولامنى تكلم وامها وخوها من صبح طلعو معاش بانو ... وفجاه سمعت الحوش يشرين وهنا طلعت تجرى بدون وعى منها وفتحت الباب واول مافتحت الباب ...
ام ياسمين ... يااااااااسمييييييين نووووضى ياببببنتى امتى بنفطرو وامتى بنطلع ناخد الحاجات ... اللطف ياربى وانتى لما تحطى رأسك على مخده معاش تنوووضى ...
ياسمين .... << وفجاه نقزت على سرسر وفتحت عيونها >> كابووووس .. كابوووووس .. ماصار شى .. ماماااااااا
وطلعت تجرى لامها .. وتبوس وتحضن .. وتحكيلها الا حلمت بيه كله ...
امها .. اللطف يابنتى هدا شورك امس كنتى تفكرى فى موضوع هلبببه .. ورقدتى وانتى تفكرى فيه .. لكن ماعرفتيش شن صار فيا ههههههههه
ياسمين ... ههههههه انتى قطعتى عليا ونوضتينى ههههههه بس احسن .. وماتقوليلش بنطلع توا وبنشرى شى .. خلاص انى جتنى عقده من حلمتى ...
امها ... لا لا امس قبل مانروح خطمت على عاشورى وساحل وخديت كل شى ...
ياسمين ... اووووف الحمد لله يارررررب <3 باهى ماما انى منى بتجينى راهو اهو قتلك من توا .. مافيش داعى تقيمى خشمك عليها .. لانى انى امس الا كرشت فيها وماصدقت امها وافقتلى بكرا تجينى ..
امها ... عارفاتك اصلا .. ماتجى من تالاك وتصفق .. وبالنسبه ليها غير كان ماتعبش روحها وناخدوها لخوك .. هيا حاضره حاضره كل مناسباتنا ماشالله ومافيش طبيخه الا وغاطسه فيها ..
ياسمين ... ههههههه كان يسمعك ولدك بس <3 ... على عموم ..وتى انتى الفطور لبيين مااانى سيقت الجنان وسقيت الغرسات ... وانتى وبعدها انتى شدى الحوش وانى ومربوعه الخاريجيه ..
امها .. ماشى ماشى غير نوضى خوك يجيب الخبزه ...
ياسمين ... كانى سمعتها الجمله هيا حتى فى حلم ... ربك يستر وكما نلقى نفسى نعيشه بحدافيره
امها .. اللطف ياربى خيرك يابنت .. برى برى وتفى من فمك وانتى ماشالله فمك ينقط فى عسل وخوه ..
وت تام ياسمين الفطور وفرشو البخشه وحطوا لصفيره المشكله من دحى وجبنه وطمامم وخيار وشاهى وحكة حليب الزاهرات ... وبرغم بساطة صفره الا انا سندوتش من ايديات الام يخلى الفطور احلى من اى فطر خمسه نجوم <3
واول ماكملو فطور وناض احمد وخش لداره ... لحقاته ياسمين وقالتله ..
ياسمين .. حميده <3 وخى الغالى .. سامحتنى ؟؟
احمد ... ماتدورنيش انى يااياسمين ...
ياسمين ... احميده انى مانبيش يمشى هاليوم من غير ماتباركلى فيه باابتسامتك ورضاك ...
احمد ... مالقيتيش الا صاحبى ياياسمين ؟؟ ومالقتيش الا امير ؟؟
ياسمين ... باهى انت مش مقوم ... اى اى
احمد << مصدوم ويسخن فى الكف الا بيجيها رياحى >>
ياسمين .. ههههههه كانا هدا راك وديتنى بيه من الاول زى الخوت المقومين ... قداش ليك تشوفنى مكعبشتلك فى رواشن .. ولا مره صخف قلبك وقلت نحن عليها بعريس ... اعتبرنى قطوسه لقيتها ملوحه فى شارع .. هههههههههه
احمد .... هههههههههههههههه والله انتى الا مهبوله .. ومابعد صاحبى بس منك ..
ياسمين .. هوا يطووووول ... تى اختك الف من يتمناها يابابا .. غير انى تاقله عليهم شوى بس ..
احمد ... هوا من ناحية انك تالقله .. فاتاقله وهلببببه الحق هههههههههه
ياسمين ...... حموووودى ..
احمد .... يانعم ...
ياسمين .. خلاص سامحنى ... هوا انى من عندى خيرك ... خلاااااص
احمد ... بااااهى خلااااص .. خلااااااااااص مبررررردك نووووضى وانتى كانا الواحد بينلك سنونه خلاص ههههههههه
ياسمين ... خلاص طالعه وبعدين منى جايه .. غير مانلقكش مرشوق فى دار بس ..
احمد .. حقا <3 <3 <3 خلاص خودى منى سماح دنيا واخره .. وقلبى عليك زى بفته البيضه ... بررررى يابنتى مسامحه دنيا واخره وطريقك عامره
ياسمين ... هههههههههههههه هدا كله على خاطرها .. اما بالفعل ومن الحب ماقتل ... انى طالعه .. وامى قالتلك ناقصنا وشك اطلع جيب من المحل ..
احمد ... ماشى خلاص ... وردى الباب وراك ...
ياسمين ... اوووووووك ..
احمد .... اى حقا استنى ...
ياسمين ... نعم ..
احمد .... نسيتى تلفونك عندى ولامس .... افتحى القجر تلقيه خوديه ..
وهنا ياسمين دمعو عيونها وخشت تجرى وطبتت خوها وقالتله ...
ياسمين .. ربى يخليك ليا يااحلى راجل واخ فى دنيا <3
احمد ... خلاص خلاص خفى علينا دراما ... شوى تانيه وبنبكى ...
خدت ياسمين تلفونها وعين تضحك وعين ميته بضحك <3
وخشت لدارها وفتحت نقالها وحطاته فى شحن وبعتت رساله لاامير ...
ياسمين << صباح الخير احمد ردلى تلفون <3 <3 >>
واستناته خمسه دقايق وبعدين حطت النقال تحت المخده وطلعت وبدت تضم وتنفض وتمسح والابتسامه مافارقتش فمها ... ومااادن ظهر لين ماكانو مكلين الظمان وامها كيف بدت فى الغدا ... واول ماخشت معاها للمطبخ قالتلها ..
ياسمين ... ماما شن بتطيبى على الغدا اليوم ؟؟
امها .. درت رشته مبكبكبه بالقرقوش الا فاضل فى ديقه ... وخلاص ..
ياسمين ... خلاص انى بنخش لدارى باش نوتى روحى وندير شوية مسكات ... ومانوصيكش ميمتى .. احسبى منى معانا فى الغدى ..
امها ... من غير كلامك غير خفى روحك وكملى قبل مايجو ... حسه الحوش يشرين .. شوفى منى ..
ياسمين ... هادى اكييييد منى .. حطاها بوها لانا بيتغدو فى حوش خالهم اليوم ..
امها ... حطى حاجه على راسك قبل ماتفتحى الباب ودخليها لدارك على طول ..
ياسمين .. مااااااشى
حطت ياسمين الوشاح على راسها وفتحت الباب وقالتللها ...
ياسمين ... خشى خشى ... اااااه ياقلبى .. كانا اليوم ماجتيش راهو نقص فيا شى ..
منى ... اسكتى تعرفى امس بعد ماروحتى صار شى .. غير خشى توا نحكيلك ..
خشت ياسمين لدار وسكرتها .. ومنى خشت ونحت وشاحها وقعمزت على سرير ... وبدت منى تحكى لياسمين ....
منى .. امس تعاركت انى ومقدام وكل حد مشى فى حاله ..
ياسمين ... شن تقصدى ؟؟
منى ... نقصد انى فديت ليا 4 سنين نستنى فيه وماشفتش منه اى شى يدل انا هوا يحبنى وشارينى .. وماشفتش منه الا الكلام بس .. وقولت معليشى ونصبر ... بس ليا مدة 4 ايام .. نخش فى الليل عليه انتظار . ودائما مع ساعه 3 فى الليل .. ولما نقوله يقولى لاااا .. خوى ياخد منى فى تلفون وقالى ياتعطينى تلفونك نتلك بيه لانا شفرته نحرقت يااما تعطينى الفلوس الا نبيهم منك ..
ياسمين ... اها قصدك انتى شاكه الا هدا كله كدب وانا فى حد فى حياته ؟؟
منى ... ااااااااااااااى وصدقينى احساسى مايكدبنيش ... واصلا ليه مده متغير معاى ومعاش زى قبل .. وتحديدا من اخر دعكه مع بعض ... وبدى ديما يتسبل ومش فاضى ومشغول وماعنداش راصيد ... انى عيت .. وفديت .. من انى نستناه نستناه وفى الاخير مانلقى خير فيه ... انى قوتله خلاص الا بينا انتهى وتلفونك معاش نبيه على رقمى ...
ياسمين ... نبى نقولك شى ... انى نصجتك وقوتلك فوتيه .. انتى عارفه اصلا انا اهلك مش رح يوافقو عليه .. وعارفه السبب ..
منى ... انى كنت رح نوقف ضد دنيا على خاطره ... انتى ماتعرفيش انى قداش نحبه ... انى بنمووووت كل مانتخايا انا مع حد تانى ...
ياسمين .... منى .. علاش تكدبى على نفسك انتى عارفه انا هوا فلسطينى الاصل واهلك مستحيل يوافقو عليه ..
منى ... فلسطينى بس جد جده عايشين هنا ... وانتى تعرفى انى قداش نحبه ...
ياسمين ... انى عارفه .. بس هوا مش مساعدك ... انى قداش مره حاولت نتدخل بينكم ونصالحكم .. هوا راسه يكبر فيه وعنايدى شايف نفسه وعارف انك تحبيه وتموتى فى الارض الا تمشى عليها وهدا علاش يعامل فيك هكى ...
منى .... انى خلاص اصلااا .. امس اصلا وصلتلى حدها ... بعتله رساله وقتله كل حد يمشى فى حاله ..
ياسمين .. واكيد ماردش عليك ولا حتى عبرك برنه صح ؟؟
منى .... هدا الا حارقنى ... علاش يتصرف هكى ...
ياسمين ... لانا عارف انك يومين او تلاته بالكتير وتتصلى بيه او تتطلبى منى نتصل بيه ونراضيكم على بعض ....
منى ... صدقينى فى عينه .. ومش رح نرجعله ولو كنت نمووووت ... خلاص فديت ...
ياسمين ... نقولك شى .. بغش النظر انى نقولك سامحيه ونراضى فيكم ببعض بس ... هدا من اول يوم فى الجامعه لما تعرف عليك كدب عليك ... وقالك انه ليبى واستمر شهر فى كدبه هيا لين انتى فضحتيه ... وبعدها تعاركتو ورجعتيله .. وكدب عليك فى بنت الا يتلاقى معاها فى طبى والا صارت بينهم تطش .. وتعاركتى معاه وسامحتيه ... وتسامحى فيه على تقصيره واهماله وعصبيته ... فاشن بتتوقعى منه ؟؟ هوا عارف انا مهم يدير انتى رح تقعدى معاه ولدلك هوا وصل معاك للمراحل هيا ..
منى ... انى كرهت نفسى لانى ورطت نفسى وحبيته .. وانى مش ظامنه حتى اهلى يوافقو عليه ... بس نتمنمنى ... انى كرهت نفسى لانى ورطت نفسى وحبيته .. وانى مش ظامنه حتى اهلى يوافقو عليه ... بس نتمنى ننساه .. مانقدرش ... تصورى حاسه روحى مش امس سيبته لا لا .. حاسه روحى سنين ماسمعتش صوته وخاطرى نسمع صوته بس
ياسمين .... تى نقولك شى ... سبييه .. وفوتيه .. وفرصتك رست هوا الا بتقعمزيه فى الحوش .. وانتى مش زينى .. عندك هالعشره كيلو بس زياد هالا بتنزليهم ... نزليهم ونبدو مع بعض فى دايت .. وخليه ينقهر ويموت لما يشوفك كيف ضعيفه ومتكمه ومعاش تفكرى فيه ونسيتيه ...
منى .. تقولى رح نقدر ؟؟ حاسه روحى ايدى ترعش على تلفون من بكرى .. ونبى نبعتله رساله .. ونقوله انتع لاش تتصرف هكى بس ...
ياسمين ... منى منى .. وهوا هدا الايبيه .. ووالله مارح تلقى منه اجابه .. لانا الولد لما يقرر ينسى صدقينى ولما ينسحب .. ماتكونش بااسباب او اجابات مقنعه ... بس قرر فجاه انه ينسحب ويشوفله شى جديد ... وبعدين مش محتاج الموضوع سؤال .. انتى عارفه نفسك انك كنتى تحبيه وكويسه معاه .. فالدلك ماتستنيش منه تبرير لتصرفاته الوسخه معاك ...وامى تضبح تبنى نرفع الغدا .. خلاص نكدتى علياااااااا سكريه هالموضوع لين نتغدو ...
منى .. هههههه سامحينى .. اليوم بدل مانشاركك بفرحتك .. نكدت عليك وحملتك همى ..
ياسمين ... ههههههه متعوده متعوده على الهم .. اصلا لو انى قعدت فرحانه لليل قولت اكيد انى نحلم ... لانى مش من تالا وجههى نفرح وتكمل فرحتى ... ااااااااااااااااااه امى مدايره خلقت رشته ريحتها تجيب من هنا وغادى <3
منى ... ههههههه حسك جوعتينى ياكلبه ...
وخرى سرير شوى .. خلى نجيب البخشه ونجى ..
حطت ياسمين البخشه والغدى وبدو فى الغدا وتهدريز وضحك ... ويتدكرو فى كل دكرياتهم نكديه مع بعض ... لحد ماسمعو هزه تحت المخده ...
منى ... فى هزه تحت المخده شن هدا ؟
ياسمين .. تلفوونى .. هاتيه ..
منى .. ردهولك احمد <3 والله يهبل هالولد ..
ياسمين ... حى عليااااااا .. 10 مكالمات من امير ورسالتين ... اهو يتصل ااااااص ... ايواااااا
امير ... خيرك ماترديش على تلفونك ؟؟ اياااااك مره تانيه نتصل وماترديش ...
ياسمين << مع ابتسامة حب >> حاضر <3
امير ... استاحشتك <3
ياسمين ... شوفت احمد .. حنين يانارى ردلى تلفون وسامحنى ...
امير ... اها تمام ... وانى قايم خشمه عليا ودوب مايكلم فيا .. تقول هربتى معاى ..
ياسمين .. انى اخته رح يسامحنى .. بس انت صاحبه .. اكيد رح ياخد فى خاطره شوى عليك ..
امير ... عارف عارف .. يالله مانبيش نطول عليك لانا شكلك مشغول .. مهم حبيت نقولك خليتى مكانك بس .. شنى مافيش رد كالعاده ؟؟
ياسمين ... ههههههههه <3
امير .. يالله نفوتوه زى قبلها ونردو على روحنا بروحنا ... حتى انى امير .. استاحشتك هلبه .. وخليت مكانك <3
ياسمين ... هههههههههه خلاص برا توا نتكلم وفى الليل <3
امير .. خلاص فى الليل رح نكلمك .. انى اصلا توا طالع مشوار وبعدين بنحط امى ليكم وبنعزم خوك على قهووه بالك يرضى عليا وينسى ..
ياسمين .. ان شالله يارب ..
امير ... انتى جنبك حد ؟؟
ياسمين ... اى منى جنبى ..
امير .. اها هدا علاش . اوك خلاص .. سلام ..
منى ... سلام ..
منى .... خيره شن قالك ؟؟
ياسمين .... حاسه روحى نحبه نحبه نجببببببه ااااااه ياقلبى ... قلبى بيوقف ومش مصدقه انا شخص هوا بعد شوى بنتعرف على امه ... <3
منى .. ربى يكتبلكم نصيب مع بعض يارررررب <3 يالله كملى قيسع وخشى دوشى خلى نجبدلك شعرك ونلويهولك ..
ياسمين .. دوشت من بكرى ..
منى .. خلاص معناها بعد الغدا نقولو بسم الله ونبدو ... لانا توا ساعه 3 ونص .. ومعاش مازال ..
ياسمين .. اوووك <3
كملوا لغدا وقامت ياسمين صفره ... ورفعت منى معاها البخشه .. وفى المطبخ وكيف ياسمين حطت صفره وطلعت باش تجيب طواسى ومالقى ميه ومنى واقفه على الحوش وكيف بتمد ايدها ووخدت طاسه .. ايد سخونه شدتلها ايدها ومسكتها وفى اللحظ هيا تلفتت منى واكانت متوقعتها ياسمين ..
منى ... << مع شبحت صدمه >> اااه متاسفد جداااا تفضل ... وكيف بتطلق طاسه طاحت من ايدها ونكسرت ..
احمد ... انى الا اسف ماكنتش قاصد ... وطبس معاها يلم فى مرش ...
ياسمين .. احم احم يالله يالله .. احمد شن تدير ؟؟
منى .. متاسفه طاحت منى طاسه ونزلتقت بس .. وهوا حاول يساعدنى ..
ياسمين .. احمد سوبر مان ... ههههههههه اطلع خلاص توا نجيب مكنسه ونلمه ..
احمد .. لا لا عادى ولا يهمك ياسو .. انى رح نلمه مرشه مرشه ..
ياسمين ... ههههه اوك لمه وخى بارك الله فيك .. يالله منى لدار ..
منى .. والمعاييين ؟؟
ياسمين .. مرات احمد بعد لمان المرش يبى يغسلهم حتى هما <3 شكله عجباته تقعميزة مطبخ اليوم ..
احمد .... << مع شبحت غل >> يااااااااااااسمين .. تلفونى يشرين .. كملى انتى الباقى وتوا نتفاهمو بعدين ...
ياسمين .. هههههههههه ماشى ماشى ...
طلع احمد ومتغلل على ياسمين ... ويلوح فى الابتسامات لمنى ... وومنى وياسمين غسلو معايين ولمو المرش .. ووبخرو الحوش وصاله الا بيستقبلو فيها الضيفه .. ومع ساعه 4 ونص .. بدت منى تجبد لياسمين فى شعرها .. وياسمين تحط فى مكياج .. وماكملت ولبسو ووتو روحهم الا والحوش يشرين ... فاكبهو من روشن ولقو امير وامه نازله من سياره وفى ايدها حكة شكلاته وبوكى الورد ...
وماوصلت ام ياسمين للباب لين كانت ام امير واقفه فم الحوش وتشوف للحوش بستغراب ...
ام ياسمين ... اهلييييين .. اتفضلى اتفضلى .. من هنا .. خشى تفضلى ..
منى .. وصولو وصلو .. وامه شكله متعطنزه وشايفه نفسها ..
ياسمين .. انى خايفه وقلبى نحس فيه بيوقف من مكانه .. تقولى رح تنعجب بيا ؟
منى .. اكيييييييد ... هيا تلقى حد احلى منك <3
ياسمين .. توا امى شوى تانيه وبتنادى عليا ندخل صفرة شاهى ... ياررررربى خايفه وحاسه روحى بتطيح منى صفره فى طريق ..
يامنى ... مصحك انشطى روحك وبينيلها انك بنت فالحه .. راهو ناس زمان يركزو عليها لقطات هيا ..
ياسمين ... تقولى نكلمه ؟؟ خايفه بجد ؟؟
منى .. اتقلى واسكتى يافرخه ... شى وامك تناديك .. ولما تشوفيها ابتسمى .. ورحبى بيها .. وطبسي بوسيها بوستين فى سلام ... مش تمدى ايدك بس ..
ياسمين ... ماشى ماشى ... باهى قوليلى شن نتكلم او شن نقول ..
منى .. توا انى بنعلمك ... كان سالتك ردى وكان هدا عيونك لوطه ومره مره ابتسامه ساحره وبريئه بس ...
ام ياسمين .. يااااااااااااااااااااسمين ... << وخشت لدار >> المره باين عليها مستعجله .. حتى طاسة غصير مابتش تكملها ... حطى شاهى على نار ولما ناديك خششيه وخشى ..
ياسمين .. ماشى ماشى ... تعالى منى معاى للمطبخ خلى نوتو صفره ..
منى ... ماااشى ... احمد فى الحوش ؟؟
ياسمين .... لا لا ... هيا بسرعه ...
طلعت ياسمين ومنى للمطبخ ووتو صره وصبو شاهى وماهيا الا توانى وام ياسمن ضبحت ... وهنا ياسمين واست روحها وبخت شوى برفان من منى وشدت صفره وطلعت .. ومن اول ماخشت والابتسامه على وجهها ... واول ماوصلت جنبها ... حطت سفره على طاوله وسلمت عليها ... وكيف بتطبس تبوسها .. وخرت ام امير ونحت ايدها وشبحت لامها ... وهنا ياسمين فهمت ووخرت وشدت صفره ومدتلها وقعمزة جنب امها ..
ام امير ...انتى عندك البنيه هادى بس ؟؟
ام احمد ... لا عندى حتى وليد .. اكبر منها .. وهوا وولدك صحاب من وهما صغار ماشالله ..
ام امير ... اى اى وقالى ولدى انا يبيها وتبيه ... وشايفين حتى بعض الباين ...
وهنا ياسمين تزرطت وعظت شاربها وشبحت لامها من لوطه للوط الا من صدمه معاش عرفت حتى شن ترد ...
ام ياسمين .. اى اى ..
ام امير ... حتى انى قولت اهم شى شافها وراضى عليها .. لانا ولدى حشاك يتشرط هلبه .. وعقدة حياته بنت سمينه .. والله يتسمم بسم ولا يتسمم بيها .. فاتوا لما شفت بنتك استغربت ... بس يقولك الحب عمى ..واللله على قد ماكلمته واقنعته على بنت خالته شى .. ماقال حتى نفكر فى موضوع .. وقالى شى ماتخطبيليش الا هالبنيه ...
ام ياسمين ... << مصدومه ورقالها زيت >> اى والله حتى انى كانو متقدميلها توا ناس وماشاله الولد مش ناقصه شى .. غير لدى ربى يهديه قالى صاحبى ومانبيش نرده ...
ام امير ... ااى اى ... يالله ان شالله معرفة خير .. والا فيه نصيب ان شالله ربى يكتب بيه ..
ام ياسمين .. اقعدى ونبى .. انتى حتى طاسة شاهى ماكملتيهاش ...
ام امير ... لا لا ان شالله مره تانيه كان ربى كتب نصيب .. يالله .. اهو سواق شكله يستنى برا ... فى امان الله ...
خشت ياسمين تجرى لمنى ... وقالتلها ..
ياسمين .. حى عليا .. قالت لامى ا نى كنت نعرف امير .. حى عليا حى . شن بندير .. امى واللياسمين .. حى عليا .. قالت لامى ا نى كنت نعرف امير .. حى عليا حى . شن بندير .. امى والله الاماتقتلنى .. مرض والله الا عمداقالت لامى .. وانى متاكده انا امير .قاللها ماتقوليش .. اصلا واضحه ماتبنيش ومش عاجبها من ملامحها ..
منى .. حقا ؟؟ نهارها ابيض هالعزوز شمطاء ..
ياسمين ... وتصورى جاى بتخطبنى وتحكى على بنت اخته الا تبيها ليه .. شوفى الوقاحه ولاطريقه الا عاملتنى بيها .. واضح متع وحده مغصوبه .. لا وتكلم فينا وشكلها تبعت فى رساله لى سواقهم باش يروح بيها ... مص وجهها
منى ... شكله امير مغصب عليها تجى ... والله الولد كل يوم يكبر فى عينى اكتر ...
ياسمين ... قوليلى شن نقول لامى ؟؟
منى .. قوليلها كل شى .. لانا امك هيا اكتر شخص رح يوقف معاك ...
ام ياسمين ... يااااااااااااااااااااااااااااسمين ..
ياسمين .. حى حى تنادى .. ووووه عليا .. نحس فيها بتاكلنى بقشورى وخاصة بعد معاملة امه ليها .. امى ماتحبش حد يعاملها هكى .. وانى حاسه روحى سبب .. والله انى وجههى هوا نحس لو كان يركبو عليه لامبه ..
امها .. ياااااااااااااااااااااااااااااسمين .. تعااااااااااااااااابى ..
ياسمين ... باهى باهى اهو جيت ... شدى تلفون عندك ..
يتبع —‏.‏

استنونا في الحلقه السادسه عشر 🤚🏻🙈