اما بعد الاحداث الي صارت على العاشقان <br>
اصبحت المواجهات قليله جدا الى ان <br>
.<br>
.<br>
.زيد:صباح الخير رقاوي حضري روح خويه السايق الجديد ليوم ايمر عليجن انتي وصحاباتج ياخذكم للامتحانات وعلمود الطين بالشارع من وره المطر وخاف توكعين لو ايصيرلج شي ابوي شيخلصني من لسانه بعد انتي اعرف <br>
رقيه:هههه لا تخاف ماگله عليك بس شو ماگتلي علمود احجي ويه صاحباتي شني خويه بساع بساع <br>
زيد يضحك:ههههه لا السالفه ومابيه السايق گالي لبارحه انه حاضر وجاب سيارته جانت بالتصليح مادري وين المهم ليوم حتى لوبس انتي وزنوبه وباجر شوفي الباقيات ها وشكالي هم هسه راح ياخذجن بلاش احد ما اشوفله بنات ياخذهن لو انتي اتشوفين صاحباتج زين بعد شتردين <br>
امهم بستغراب:يا يمه عود ليش مايريد افلوس مايصير يمه حرام <br>
زيد :لا يمه مو مايريد بس ايكول حتى هنه ايشوفن وياهن البنات حتى يرحن سوة<br>
امه:ها خوش <br>
(ولو رقيه مامقتنعه بس سكتت )<br>
المهم اكملت فطوره وتوجهت للشارع <br>
وهنا جانت الصدمه الي خربطت كيانه 😨<br>
(يمه هذا مني بالسياره والعباس انخطف لوني وگلبي راح يطلع من مجانه )طبعا هاي من طلعت وشافت الراكب او السائق هو نفس الشخص الي تتحاشه التصادم معه <br>
وهو نفس الشخص الي هز كيانه وخربط احواله <br>
لكن حاولت انو تتجاهله وتعتبره غير موجود لكن .....<br>
زيد خويه وعليكم السلام :بادر بالكلام عصام من شافه ركبت بدون مسلم عليه (ودار وجهه على زيد )تعال اصعد اوصلك بطريقي <br>
زيد ضحك:شني اضن انته صاير السايق مال بيت ابو علي وانه مادري هههههه سياره اشكبرهه بيه بس انه ورقيه وصاحبته جا انه بعد ماتحاجه ههههه<br>
عصام بخباثه ويباوع من الجامه :ولك والله تلوكلك هو احسن منك ليركب السياره اوصلك لاخر الدنيه لو تريد انته بس تؤمرني اصيرلك خادم <br>
زيد :لا خويه العفو بس صدك رايدك وره ما ارجع من المدرسه بشغيله امرلك العصر ان شاء الله <br>
ونزل منه زيده وبقى هو ورقيه <br>
وهي سوت نفسه لازمه الكتاب وتقره وتتحاشه انو تباوع عليه من طلع راس الشارع وكف السياره وضل ساكت <br>
ضلت رقيه خايفه (هذا صدك اسودن شني غير يمشي راح ايروح الامتحان عليه اشلون )هاي تحجي ويه روحه <br>
هو ساكت ويدخن ولا يباوع عليه <br>
رقيه بخوف :احم اااكلك شني ماتروح <br>
عصام مسوي روحه ولا يمه :<br>
رقيه بدهشه:يااا دهر خويه احجي وياك <br>
عصام فز من مكانه:تحجين وياي العفو <br>
رقيه بستغراب :جا ويامن <br>
عصاموهو ايدير وجه عليه وبهدوء:عليه اتكولين خويه ملاحضه(ورفع اصبعه السبابه)اولا اني مو اخوج اني ابن جيرانكم والسايق مالتج هسه ثانيا اني ماندل المدرسه ولا صاحبتج غير ادليني وين اروح <br>
وتلاثه اني اعتذر لان صار تعارفنه باهي الطريقه من( وضحك )من وكعتي اربعه وهاي المهم تره السلام لله واني ماحبيت افشلج يم اخوج وسويته بضحك مره ثانيه ردي السلام <br>
(رقيه فاتحه حلكه وعيونه ومتكدر تحجي اي شي من الصدمه لان عبالك حاسب المواقف عليه حساب )<br>
:ااااااانه ممممما اااقصددد اانه اا<br>
بهدوء تره احنه بالشارع:(تكلم ودار وجه بروده )<br>
هي حاولت انو تتحاشاه ودارت وجه :خوش فوت منا كبل <br>
واكملو الطريق وصلت للشارع وتلاكت ويه صديقته وبعدين توصلهم للمدرسه وگالت صديقته بيش اساعه ايمر عليهم <br>
عصام قاطعه:اصلا ماعندي اي شغل راح ابقه متانيكم (من شاف مجموعه ولد واكفين يم باب المدرسه😂😂 )بعصبيه <br>
بعدين ماتحمل نزل وفتح لباب الهن وبقى منتضرهن<br>
لحد ما خلص الامتحان ورجعهن بكل هدوء <br>
ورجعت رقيه من غير متحجي ولا كلمه وهو نفس الحال <br>
للعصر انتضر زيد يجي ويحجي وياه <br>
راح دگ الباب :<br>
طلع زيد: هله بيك خويه ليوم ماجبت الجلب <br>
عصام :لا ادري تخافون منه والدك اني احبه واحترمه استحي منه ولك ههههههه<br>
وضحكو اثنينهم ودخلو <br>
من دخل للبيت عصام وهو بالستقبال <br>
اجه زيد:رقيه خويه جاي وماريد صوت عدنه خطار <br>
علاوي وينه <br>
رقيه بغرفته مو تدري بي <br>
زيد :خوش خل اجيبه يم عصام حتى اشويه انسولف ويتعرفله على احد تدرين بي ايضوج يطلع لو ايطب <br>
رقيه:ها عدنه عصام (يمه الحب يمه گلبه يدري)اي خويه احسن وبتسمت <br>
زيد دخل على اخوه وشاله من الجربايه وحجه وياه وگعده هو ورقيه عطرته وعدلت ملابسه حتى يشوف ويتعرف على جيرانهم (وللعلم لحد هسه ميدرون عصام سني وجان بالمنطقه الي قريبه على منطقتهم القديمه )
.دخل زيد وياه علي اخوه للستقبال وهنا المصيبه الكبيره لان عصام بالبدايه معرفه لان علي بعد هاي السنين ولو مو هواي اتغير حالته النفسيه ولحيه ممبين شكله
لكن زيد :اعرف اخوي علاوي الجبير
عصام :هله بيك خويه
علاوي:ايباوع بعوينه ورمشله يعني سلم عليه
زيد:اخوي علاوي صاربي مو شويه اشوفه مدري يانذل واحد مايخاف الله راد ايموته ولو ما رقيه اختي جان راح بيه
عصام ضل كلبه ايدك بس بعده مافاهم :اي مافتهمت
زيد ويكمل الاحداث:من جنه ابيتنه تره احنه مو هنا بيتنه ابوي عسكري گبل السقوط وبحكم دوامه احنه وياه جان مطينه بيت يم المعسكر ماله ب(المنطقه الفلانيه)وگاعدين صار اسنين واناس تعرفنه صار السقوط وصارت الاحداث الطائفيه واخوي شرطي
رايح للدوام ويوصل رقيه وياه ويجونه اثنين ملثمين
(هنا گعد عصام وسودت الدنيه بعينه ورجعت الحظات كله يمه ولزم راسه بيدي وهو يذكر وساكت )وزيد يكمل :وجان يرمون عليه برشاشه كل ذنبه بس اسمه علي بس وحق الله اخوي رجال فقير ايروح بدربه ويجي بدربه والمنطقه كله اتحبنه
بس ولد الحرام مدري منين طلعوله ولوما رقيه ضلت تصرخ وصيح جان موتو وهسه الحمد لاه على كل حال المهم (يحجي زيد وعصام ولا يمه كل ضنه يبجي عصام على اخو لكن الصحيح عصام ميدري بنفسه ودموعه گاعد تجري ميعرف على نفسه لو اذكر اخوانه لو القدر الي وداه لاخر العالم ورجعه يم انسان جان ايحاول ينساه بس لله تقديرات فقط هو اعلم بيه والحمد لله ) انتبه زيد على حال عصام
:خويه على كيفك اسويت بروحك يمن فدوة الك هيج تبجي على علاوي
المهم ردت اگلك شغله واني گاصدك بيه
عصام من غير ميسمعه وكف :سويلي طريق اريد اطلع زيد تره اختنكت الله يخليك
زيد بستغراب :ها ماشي يله محد مو جود
طلع عصام حتى قبل ليجيبون الجاي اله
ومن الباب الثاني جابت الجاي رقيه:
زيد
فتح لباب گاله:طبي محد هنا
استغربت:جبت الجاي
زيد راح الولد
رقيه :موگلتراح يتاني ابوي
زيد مادري اشبي گال اختنگت وراح يركض
رقيه بخوف بس من غير متحجي (سلامتك گلبي وكع ان شاء الله مشوف شر )
ها خل اروح اقره
.
.
.
.
.
شتتوقعون الي راح ايصير
خلص لبارت
أنت تقرأ
قصص من بلادي (قلوب قتلها الحب)
Randomقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
