ثاري اليحبه الگلب ما نعرف عيوبه
و عشت ولگيت اليحب چتاله محبوبه
...........................................................
.
.
.
.
فرح عائله ابو علي بشفاء علي ابنهم لكن رقيه في وادي ثاني صحيح اخوهه يتماثل للشفاء لكن يبقى گلبه وحيرته كيف تتعامل ويه الوضع الجديد الي صار
بالنسبه لعصام الي ميعرف الي صار والدكتور منبه عليه ميتحرك لان العمليه صعبه والدته ضل باله عليه
خابرت وميرد عليه اتصلت على بيت ابو علي لكن متلاگي جواب وهي ام اكيد باله على الشخص الوحيد الباقي اله ضلت تبجي راحت لبيت اخوه ابو اسماء تكلم اخوه
ام عصام :خويه لحگلي اني ماعندي غير وليدي وين اروح لا يجاوبني وبيت ابو علي اخابر عليهم محد ايجاوب خويه اخذني لبغداد اني گلبي ماكلني على ابني خويه خاف صاير شي
ابو اسماء :لا اسم الله الرحمان خويه خل انشوف ليوم ما بينو انروح انه وياج لبغداد بش اخل انشوف ليش ميجاوبون لازم اكو عدهم عذر
ايحاول ابو اسماء وماكو جواب
وحاول ايخابر على زيد مره مرتين ماكو لكن بعد ساعتين خابر جاوبه زيد
ابو اسماء :الووو السلام عليكم عمي انه ابو اسماء
زيد:ها وعليكم السلام هله بيك عمي
ابو اسماء :اشلونكم شخباركم اشسويتو على اخوك علاوي بشرني
زيد :والله عمي سوينه العمليه ونجحت بس متانين العلاج والدكتور ايأخر بينه علمود ايشوف حالته
ابو اسماء:بلخير عمي وسلملي على ابوك وگوله سالت عليه بس عمي عصام ليش ميجاوب
زيد:ها اي مايكدر لان نايم والدكتور گاله مايصير تتحرك
ابو اسماء (بخوف ):شني ليش جاهو عنده شي
زيد :مو سوه عمليه مو هو متبرع لاخوي علاوي (اكمل القصه)
ابو اسماء :وهسه
زيد :الحمد الله
ابو اسماء: بعد عمك دير بالك عليه
زيد :لا عمي صدك جذب بعيوني (سد التليفون )
ابو اسماء (بتوتر );خويه ماضم عليج (سولف السالفه لام عصام )
(ام عصام لطمت وجه وضلت تبجي وحلفت عليه اما هسه ياخذه او تروح بوحده واضطر انو ياخذه ابو اسماء بسياره تأجير للمستشفى من غير ميعرف عصام )
.
.
اما بالمستشفى اجه وسام وبعد الحاح عصام عليه يدفع بعصام بالعربانه لحد غرفه الي بيه علاوي واكيد العائله كلهم موجودين ومن دخل عيونه ادور على الشاغله گلبه وملهوف عليه دخل ونضراته سابقته لكن صار بوجه علاوي ومن شافه نسه رقيه واذكر الموقف الي خلاه بي عامر ابن عمه واذكر الاحداث من جديد ويحس نفسه متهم وحاضر للاعدام لكن الي صار ابو علي من شافه لزم ايديه وباسهن وشبكه
ابو علي :ابوس ايديك ورجليك يا بعد هلي كلهم انته رديت روحي الي انته الي رجعت فرحتنه شجازيك يا بعد عمك
عصام :استغفر الله ليش تحجي هل حجي اني مثل ابنك وهاي قليله الي سويته
علاوي (نطقه قليل ):اننه ماعرف اشلون اشكرك خوويه .الدكتور ماكد عليهم نطقه قليل لكن ويه العلاج راح يتحسن
عصام (:دمعت عينه ):لا خويه انته تطلبني وهذا مو حقك
ابو علي (بستغراب ):لا بويه انته صاحب المعروف انته تطلبنه (اثناء الكلام وطبعا رقيه موجوده گاعده بعيد ومدنكه راسه وامه موجوده لكن الي صاررفعت راسه بخوف لان عرفت ان عصام راح يتكلم ويعترف بخوفه عليه باوعت عليه متريده يحجي لكن هو راد يتكلم )دخلت امه وابو اسماء عليهم واكيد والدته شافته بهل حال اتخربطت
احتارو بيه
ام عصام وبخوف وبكاء :يمه عصام
عصام (سمع امه وشافه اتخربطت ) من الصدمه وكف على حيله وحاول يمسك امه وشالوه على السديه ودكتور والممرضات واخذوهه لغير غرفه ومن رجع اله الوعي شافت عصام مابي شي
ام عصام :يمه عصام وينك
عصام قريب عليه ولازم ايده :حمد لله على سلامتج ليش اجيتي تره اني كلشي مابيه
ام عصام :هو اني عندي بالدنيه احد غيرك وعايشه علمودك وتريد اتعوفني اكثر من عشر ايام لا حس ولا خبر ولك روحي طلعت ونوب خابر خالك ودرينه بالصار ليش يمه اتريد تموتني يمه اني اموت گبل لا يصير بيك شي اسم الله عليك (وضلت تبجي )
عصام (شبگه وباس راسه ):سامحيني بعد ماعيده وداعتج
ام علي وابو علي :اسم الله ام عصام الله يحفظكم ويخلي الج ويديمج فوك راسه وان شاء الله زوجينه وشيلين ولده ابنج بطل والله حسبت زيد وعلاوي لو ما ابنج هسه علاوي بعده مايشيل لا ايد ولا رجل
(ام عصام ساكته وتسمع )ابنج هسه دمه ويه دمنه صار واحد منه الي ايعيل بي ايعيل بينه ابنج السواه محد يسوي اتبرع لابني وهاي معرفه برگبتي ما انساه طول عمري وهاي رگبتي كدامج انتي وابنج
(ام عصام استغلت الفرصه )
ام عصام :مادام انته گلت هذا الكلام جا انه عندي طلب (عصام مستغرب )ابو علي وام علي انتم هسه اهلنه واني اريد منك شي ولا تردني
ابو علي :خوي من غير متحجين احسبي مگضي
ام عصام :اريد اخطب بتكم رقيه لابني وانته حسبت ابوه واريدك انته تخطبه اله شدكول
ابو علي سكت وبعدين دنگ
(عصام بصدمه ميعرف شيكول )
ابو علي رفع راسه ومبتسم :من غير ما تحجين رقيه الكم وانه ما الكه احسن منه انه اطيتكم بس خل انشوف البنيه احنه ما نجبر واحد وماتلكه احسن منه
عصام الفرحه خلت وجه مايعرف اشلون ايسد حلكه ايريد ايطير وسام صديقه لازم ايده ممصدك
ام علي :صدك عود خيه يوم المنه عصام لو يطلب عيوني ترخصله وانه اگول هاي هي ماكو احسن منه مو ابو علي
ابو علي ;خل نسأل البنيه
ام علي( شاروته ):لبنيه گايلتي اي هاي هيه
ابو علي ;ها جا خوش
ابو علي :خل نقره فاتحه العباس (وقرو الفاتحه كلهم من غير ميسألون رقيه ومن غير متدري )
رقيه بالغرفه لبيه اخوه علاوي متدري شنو الصار وزيد يمهم دخل ابو علي وام علي وهم فرحانين
رقيه :ها يمه خير اشلون ام عصام
ابو علي :مبتسم ليش اسألين روحي شوفيه
رقيه مستغربه :ها بويه اروح مو علاوي بوحده
ام علي تضحك :روحي سلمي على عمتج تره خطبتج من ابوج وابوج قره فاتحه العباس
رقيه بصدمه فرحه وخوف :شني خخخطبه شني اشلون صصصصارت
ابو علي :عصام لو يطلب اعيوني اگول شويه السواه محد مسوي وانه دريت من امج هومحاجيج مو صدك لو لا
رقيه مقهوره ومعت عينه :انه ماريده بويه اريد اكمل ماريد ازوج
امه وابوهه :ها شني هل حجي احنه قرينه الفاتحه
ام علي :انتي مو گلتي لولد حجه وياي وگتله هذولاك اهلي وحاجيهم
رقيه :اي يمه بس انه
ابو علي قاطعه :اسكتي احنه قرينه الفاتحه كلام ثاني ماكو
رقيه ;بويه فدوة الك انه ماريده
زيد مستغرب :ولج انتي اضن اتسودنتي ابوي ايگلج انه قريت الفاتحه ونتي اتگولين اريد اكمل نحاجي ايخليج اتكملين
رقيه :ماريده ماريده (بكاء )
..
.
.
.
اما بالنسبه لعصام الفرحه ممخليته ايشوف طريقه وسام يضحك عليه وامه تضحك عليه
ام عصام :شوف اشلون فرحان من حجينه وقرينه الفاتحه لحد هسه لولد ماسد حلگه هاي كله علمود رقيه لو ادري جان من زمان خطبته الك مافرحان بشوفتي مثل مافرحان بالخطبه
وسام بضحك :اي صدك خاله لعد اشلون من تصير يمه بعد ميعرفله واحد
عصام :هههه لاوالله يوم انتي الخير والبركه هو اني اسوه شي من دونج بس ماتعرفين اشكد صار هذا اليوم انتضره الحمد لله
.
.
.
.
.
ام علي تتكلم مع رقيه اتريد تفتهم شنو الي مخليه متقبل بعصام
ام علي :ولج يمه انتي سودنتيني اشلون اتكليلي شي وتخليني گلت لابوج ورجال انوب اطه احجايه للعالم اشلون تردين اطلعين ابوج بالعين الصغيره ولج يمه استهدي بالرحمان
رقيه ;يمه الله لا يصغره بس انه سالفه الزواج ماريده اريد اكمل
ام علي :انه احجي وياه
رقيه :انه ماريده ولا اريد شوفته
ام علي :انتي اجذبين عليه لو على روج انتي اتحبينه وانه اعرفج كل زين من گلج زيد عليه اتخربطتي وگعتي يمه تره اليحب مفضوح اكو شي ثاني احجي وانه گلت انتي تردينه من هيج گلت لابوج راح تقبل
رقيه تبجي :ولج يمه ماكو شي ماكو شي بس انه ما هاويته
ام علي بعصبيه :اگلج مال اصغرين ابوج ماخليج غصبا ماعليج اتقبلين انه مليت منج (وعافته بوحده)
(اه ياگلبي ادري انته اتريده بس ماگدر اشلون اباوع عليه وهو كتال اخوي ماكدر )
ام علي وابو علي بحيره وميردون ايضغطون عليه
وابو علي صار بقرار صعب لان الفاتحه قروهه ورقيه مقابله والولد وامه ميعرفون انو رقيه مقابله
ابو علي وام علي وعلي وزيد ورقيه رجعو للبيت وام عصام وعصام راح لغير بيت لكن بعدهم ابغداد
قررو يرجعون لمدينتهم بستغراب عصام والهدوء الي طراء على موضوع الزواج الي صار تكتم من قبل ابو علي عليه وكل ميحاول يفتح الموضوع مع ابو علي يغير ومحاوله رؤيه رقيه بائت بالفشل
رجعو لبلدتهم ورقيه ولا اي خبر
ام عصام طبعا بعثه عصام اشوف الموضوع اشوكت ايتم
ام عصام :اشلونكم ام علي شنو اسويتو علمود الخطبهخل انلبسهم حلقات ومن ايصير زين علاوي يزوجون
ام علي :ها خيه خل ايصير زين علاوي ويصير خير
ام عصام :خيه والله الولد مستعجل وانتو ماخليتونه نشتري من بغداد الذهب گلتو لا بعدين
وراد يحجي ويه لبنيه هم ماقبلتو شني صاير شي
ام علي بحزن :اي خيه ماضم عليج البنيه ماترد تزوج اتريد اتكمل
ام عصام :واحنه قابلين اتكمل ابني قابل اصلا هو گال اريده اتكمل حتى لو تزوج
ام علي :ها لا مو بس هاي القصد البنيه ماتريده
ام عصام متفاجئه :يااا ليش
ام علي :والله من يوم الي اجينه بي لحد هسه مليت من الحجي والبنيه مريضه ولا تاكل ولا تشرب وبس تبجي والله راح ايصير بيه شي
ام عصام لا خيه لا ايصير بيه شي ولا هاي ابني مايتعيب منا ونفضه
ام علي :والله خيه انه عصام حسبت ابني علاوي بس ماعرف اشبيه ما قابله حتى ابوه زعلان عليه
ايگلله انه انطيت كلمه للعالم تردين اصغريني
ام عصام :بتج ماتريده لا جبرينه
وباجر اخطبله احسن وحده ولا نزعل ولا نتخارب
رجعت ام عصام والحزن والقهر متلي وجهه
عصام مستغرب :ها يمه خوفتيني اكو شي
ام عصام :البنيه ماتريدك
عصام انصدم :هههههه كولي غيرهه
يمه بروح الولد لاتشاقين
ام عصام :وروح الاعزاز البنيه ماتريدك واتكول انه عصام ماريده واريد اكمل
عصام :رقيه هي لگالت امه ماريد عصام
ام عصام ;اهله كلهم قابلين وامه تبجي وابوه زعلان عليه وهي اتكول ماريده كتلهم تريد اتكمل ميخالف گالو لا متريد عصام الزواج كله ماتريده
عصام :كافي يمه اسكتي لتحجين سدي الموضوع (بعصبيه گام وطلع )
.
.
گون الگلب يسمع و احاچيه.
...المن يحن للما يحن ليه
بسچ يروحي من المحنة..
..صيت العشگ ما لايگ النه
أنت تقرأ
قصص من بلادي (قلوب قتلها الحب)
De Todoقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
