(السلام عليكم بما انو هاي اخر التفعل كلش قليل راح اختصر القصه واعبر من هواي احداث ).
.
.
.
.
.
بعد صدمه عصام من كلام امه الي سمعه قرر انو يواجه رقيه بنفسه راح لبيت ابو علي ودگ الباب
طلع زيد وشاف عصام رحب بي ودخله للبيت
ابو علي :هله بيك بويه كل الهلا بالغالي (گام سلم عليه )
عصام:سلام عليكم اشلونك عمي علاوي اشلونه العايله (گعد وسكت)
ابو علي :الحمد لله انته اشلون صرت گالو بعدك تعبان وگوه تمشي والله عمي هذا السويته محد امسوي وانته لگلك شغله هاي اخوي ابن امي وابوي مايسويه وانته الله شاهد واحد من لبيت مو ضيف
عصام :عصام عمي عندي طلب انه قاطعت كلامك بخير
ابو علي :أمرني عمي لا تطلب
عصام :انه عرفتكم وعاشرتكم وادري بيكم انتم هل شيمه ونخوه وانه ماغلطت اجيت اريد اخطب بتكم بس العرفته لبنيه ماراضيه وانه اگول حقه تقبل لو ترفض بس لاريده شغله ومابيه احراج اريد اسمعه منه تكدر هذا طلبي تگضيلياه وانه الله شاهد كون صدك وما رادتني احسبه اختي وبعد ما افتح الموضوع وانساه
ابو علي اتفاجاءوسكت :والله هي تره صعبه بس انه اعرف اخو خيتك وبت جارك اختك وانته الغالي يرخصلك واجيبه غصبا ماعليه ترضه
عصام :لا عمي اني ماريد المره كوه بس ردت اعرف سبب رفضه ورايدك سالم
ابو علي گام وراح لرقيه (جانت بغرفته نايمه وتهم لكن من شافت والده اجه گعدت وعرفت اكو شي صاير )
ابو علي :رقيه گومي البسي عباتج ودخلي وياي
رقيه بخوف :وين يابه
ابو علي :البسي وتعالي
لبست حجابه وعبايته وراحت وره والده من دخلت شافت عصام ضلت ترجف ودنگت وكفت وره ابوه
والدته:هذا عصام وقارين فاتحتكم لا تستحين منه وانه رايح بره ايريد الولد يحجي وياج عندج شي احجي وياه وطلع ورقيه ضلت واكفه بصدمه ممصدكه ابوه ايحجي وياهه هل كلام ومحتاره تباوع لو ادنگ وهي مشايفته صار من قبل العمليه ضعفان وعيونه سود والتعب ضاهر عليه شافته ودنكت راسه ودمعت عينه لكن حسته قبل ليشوفه اما هو ضل ايباوع عليه ويريد يحجي خانه الكلام من شافه
عصام :جان عندي هواي كلام اريد اگوله بس من شفتج ماعرف وين راح بس عندي حجايه وحده اريدج اتكوليه بداعت عصام عليك ليش بس هاي لاريد اگوله لان ادري بيج بعدج تحبيني
رقيه ماگدرت تحجي بس تبجي ومدنگه
عصام :مجاوبين اريد اسمع منج اي شي
رقيه بهدوء:ليش اتريد اجاوبك اخوي علاوي بيناتنه اشلون اتريد اقبل وانته گتال اخوي اشلون وذا واحد عرف ايكتلونك ليش مشيل منا ليش اجيت هنا واني عف العالم كله ما حبيت غير ك
عصام :اشلون اعوفج مو حلفت بالعباس لو يطير راسي ماعوفج تعرفين ابن الغربيه من ايحب ايضل بشريانه يمشي ولفه تخافين عليه جذابه
رقيه:وحگ اخو زينب اخاف عليك
عصام :وتردين اعوفج ولج انتي مخبله انتي ويه النفس تصعدين وتنزلين اموت اروحلج فدوه بس لا تگولين ماريدك والله ارمي روحي طلقه بابكم وابليكم وانه مخبل بيج
رقيه :اسم الله عليك يومي گبل يومك بس
عصام :لا تحجين انه احله
رقيه :اشلون
عصام عافه وطلع
اجه ابو علي وحجه ويه رقيه
ابو علي :ها بويه لولد بي شي سمعتي منه خوش ولد واحنه عاشرناه ناس اوادم وابن حموله والتردينه يجرالج والاهم منه كله سووانه معروف محد مسوي وهو صاحب فضل علينه
رقيه سكتت محجت اي كلام
عصام راح لخاله ابو اسماء :السلام عليكم خالي عندي شغله اريدك باليل تجيني انروح لبيت عمي ابو علي
ابو اسماء :ماشي المغرب اجيك ونروح سوه
خابر عصام على بيت ابو علي عمي ابو علي اني باليل جايكم عندي شغله يمكم واريد كون علاوي وزيد موجود
ابو علي استغرب :هله بيك عمي
اجه الليل وينتضر ابو علي وام علي وعلي وزيد
اندگ الباب وراح ابو علي فتح الباب وشاف ابو اسماء وسلم عليه وراه عصام شايل كفن ابيض وفوكاه سكين ومسدس خاف ابو علي وراه عصام امه وهي تبجي دخلت ام عصام يم النسوان وميعرفون شنو الموضوع ورقيه عرفت شنو ضلت تبجي وتدعي وتباوع من الشباك عليهم مدخلو بالاستقبال ضلو بالطرمه او الحوش(المهم)
ابو علي مستغرب:شني هاي بويه عصام اشجايب وياك ايكفينه ويكفيك الشر
عصام عمي قبل لا اخطب منكم لازم تعرفون عندي كلام مهم ومحد يعرف بي واريد ابري ذمتي عمي انته تطلبني ثار والي صار (اكمل القصه لابو علي وكيف ضرب علي .....)ابو علي يسمع وعيونه ضلت تدمع وابو اسماء متفاجاء وزيد متفاجيءوالجميع بصدمه ماعده رقيه الي الدموعه متعرف توكف ومحتاره شنو اسوي غير تدعي لرب العباد اينجي عصام من هاي المشكله
عصام اكمل :وهاي اني گدامك عمي شتريد اسوي بيه اني قابل ومحد راح يحاسبك اذا اخذت ثارك لان اني جاي ابري ذمتي
زيد اخذ السكين وعصبي ابو علي گاله رجعه مو ثارك هذا ثار علاوي وبكيفه
علي اخوهم بالعربانه وجابه ابوه :ابني سمعت وشفت وعشت انته مو احنه الي يحكم شدگول بويه
علي (اخذ المسدس وقربه من راس عصام سحب الاقسام ورمى الطلقات ام عصام صرخت ورقيه صاحت )
علي من سحب الاقسام رفع المسدس ورمى بالسماء الطلقات ورجع المسدس وانطاه ايده لعصام
علي :انته واني ثارنه واحد اذا كتلتك منو راح يحرر گاعك ثاري اتروح اطلع داعش من گاعك وشبكه
ام علي :هلهلت
ابو علي شبكه :وقرو الفاتحه علنيه
ورقيه اصبحت لعصام في ليله وضحاهه
وخلصت المراسيم بسرعه واجه يوم العرس والكل ينتضره وبيوم العرس خطب علي اسماء وهله قبلو
وقررو بعد زواج عصام ايتم عرس اسماء وعلي
اما العريسين خلص العشاء وراحت الناس وجابو العروس للبيت وزفوه العريس على العروس كعد كباله ورفع البرگع وباوع عليه باسه براسه وباوع عليه
عصام من الفرح ممصدك :اگول يابت الجنوب اريد طلب منك
رقيه بخجل تضحك :ابن الغربيه شيريد
عصام :يبوووو نسيت شريد اريدج تكرصيني خل اصدك انتي يمي
رقيه بخبث وتضحك(جابت دنبوس وبزته برجله )عصام :عاا ولج گتلج گرصه مو اذبحيني
اليوم وين ترحين اطلعه بيج وضلت اصيح .....
.
.
.
.ابن الغربيه تزوج من بنت الجنوب ودامت الافراح ولكن لاتطول الافراح كثيرا عرف عامر ابن عم عصام انو عصام تزوج من بنت الجنوب وجن جنونه خابر عليه وهدده ولكن عصام لم يهتم لتهديد ابن عمه لكن مرت الايام والله رزقه باولاد ثلاثه عراق وعلي وعمر
وعامر ضل حاقد على ابن عمه وشاءت الاقدار انو تتحرر الغربيه من داعش واصر عصام يرجع الى الغربيه لكن رقيه جانت راغضه الفكره لان عاشو واستقرو بالجنوب اما عصام اراد اولاده ان يعيشون ابيت اجدادهم وراح قبل عائلته لبيت اهله الي بالغربيه وعرف عامر الي صار احد قاده الدواعش وعرف برجوع عصام ارسل احد اعوانه وغدر عصام ومن عرفت امه بالخبر صار عده سكته قلبيه واتوفت
ورقيه ارسلت ناس وطالبت بجثه زوجه والي اولاد عمه دفنو بمدافن اوبوة واجداده
وبقت رقيه تربي اولاده الثلاثه بالجنوب وعايشه وتعلم اولاده حب الوطن وماكو فرق بين سني وشيعي
رقيه احد قصص بلادي وقصص بلادي لم تنتهي ولا تنتهي الا بخلاصه من داعش وتتكرر كل يوم 💔
أنت تقرأ
قصص من بلادي (قلوب قتلها الحب)
Randomقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
