بالبدايه احب انوه انو الابطال حسب الضهور
راح ايصير التعرف عليهم
.
.
.
.
.
.
.
.
دخل الامريكان الى بغداد بعد سقوط الصنم والكل فرح وصفقو لهم لان جايين ايخلصوهم من عذاب وضطهاد دام خمسه وتلاثين سنه لكن الي ميعرفونه واهالينا الكبار يعرفو نه انو مادخل غازي الى بلد الا لينهب خيراته يمتص دمه واذا سقط صنم اصبحت اصنام كثيره تعبد بعده لكن هذا لم يكن المهم لان الذي حدث كان اكبر من ذلك لقد زرعو الكره وجعلو قاعده فرق تسد من اولوياتهم
فعائله عصام وهو اصغر اخوانه اصبح الوحيد الموجود لان اخوانه الاثنين الاكبر منه قتلو بالطائفيه والي خلته يكره كل واحد شيعي ويحقد عليه بعد ماجان يعيشون سوه ومحد ايعرف هذا سني او شيعي
واما عائله رقيه فهي لم تكن بعيده عما يحدث
لان احد اخوته ضربه شخص ملثم وهو بطريقه للشغل واصبح مشلول وجانو يعيشون بمنطقه سنيه هددوهم وتركو بيتهم ورحلو الى بيت جدهم الي جان تاركلهم بيت بالجنوب وتركو بيتهم الي جان يجمعهم ورحلو بعد خسارتهم لجيرانهم وذكرياتهم بسبب الطائفيه واخوه علي الي ذنبه فقط اسمه علي
كل هاي الاحداث معروفه ومو غريبه في بلادي في وقت ما
هاي الاحداث خلت اهل عصام يكرهون كل شخص شيعي وكذلك اهل رقيه كرهو كل شخص سني
استقرو اهل رقيه بالجنوب بيت جدهم قرب عمامهم و(بيت اهل رقيه متكون من ام علي وابو علي وعلي وزيد ورقيه )
الكبير علي ولاصغر منه رقيه واصغر واحد زيد
علي جان شرطي
ورقيه طالبه مدرسه متوسطه
وزيد طالب متوسطه هم
استقرو اهل رقيه وكدرو يسجلون بالمدرسه وتعرفو الى اصدقاء جدد
لكن رقيه دائما حزينه لان تركت صديقاته ومدرسته وحياته ومكان طفولته وهي جانت موجوده من اخوه ضربو لان جان ايوصله للمدرسه وهو ايروح للشغل وشافت واحد منهم وعرفته وابد مراح تنسى شكله من حاول يقتل اخوهه لكن للقدر كلمته
(نترك بيت ابو علي ونروح لبيت ابو عصام )
.....
اما عصام الي انقتلو اخوانه مجيد وحميد ضباط شرطه واثناء السقوط كانو يحمون مركز الشرطه من المخربين وهم اثنينهم مع كم شرطي معاهم لكن اثناء التخريب صارت مواجهات بين المخربين ومركز الشرطه وأستشهد اثنينهم وهم يدافعون على عهدتهم والي جان بالسجن مجرمين والمخربين ساعد وهم
ومن وصل الخبر لاهل عصام ان شيعه هجمو على المركز فقط لانهم سنه ودارت الحداث واصبحت المناطق مقسمه بسبب الاحداث الي صارت وتصدف ان سمع عصام ان يوجد بالمنطقه شخص اسمه علي
عصام:اي هسه راح اخذ بثار خواني وراح يرتاحون بتربتهم
راقب عصام علي (اخو رقيه )وعرف اشوكت يروح للشغل هو وابن عمه من طلع من بيته ودخل للسياره راد يروح تراجع من شاف ان بنيه ركبت وياه
عصام:ارجع عامر مو ليوم
عامر:شنو😠جبنت ولك ودم اخوانك ولك هذا واحد منهم (عامر ابن عم عصام )
عصام:اتخسه ولك اني عصام لمايعرف لخوف بس مو اني الي يغدر هسه ويا حرمه واني اگابله رجال برجال
عامر بغضب سحب اقسام وعافه وتلثم
ركض على علي وصاح: اسمك علي ولك ،اتفاجا
علي: اي،
عامر :اتلكاهه مني وضربه بالاخمس مال الرشاشه وكع بالسياره رقيه شافته ضلت تصرخ اجه عصام يركض وبيده الرشاشاه صاح عليه
عامر:يله اخذ ثارك اكتله 😡
عصام اذكر اخوانه وابوه وهو يبجي عليهم اتعصب حيل وضربه جوه گلبه ورجليه وضلت تصرخ عليهم وتدفع بيهم رقيه لكن دفعه عصام ونفتح الثام الي على وجهه وعرفته لكن هو تخربط عافه وراح كل ضنه انو علي مات
رجع للبيت عصام وهو مرتبك حس ابوه بي ساله
ابني وين جنت انته وعامر الوكت مو حلو وانتو طالعين من الفجر وهسه جاي جسمك كله يرجف اصاير
عصام مايسمع ابوه
لان منصدم المفروض محد يعرفه لكن هاي شافت وجهه وعرفته
عصام:ماعرف اصار اشلون اخليه اشوفني اشلون
خطيه
يا خطيه احنه خطيه والدي اخواني احنه على يا سبب ينقتلون اخواني لا مو خطيه
(الولد يحجي ويه نفسه )
.
.
(راح انسرع الاحداث لوقتنه الحاضر
وهسه عرفتو تقريبا الاحداث
.
.
.
.
.
هذا البارت الاول ان شاء الله وانتضر تعليقاتكم وملاحظاتكم
.
.
أنت تقرأ
قصص من بلادي (قلوب قتلها الحب)
Randomقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
