لا تقربـي قلبـي جريحـاً لـم يـزل ْ
ولمسُ جُرحَ الأمسِ ليس صـواب ُ
كوني الصديق َ فليسَ شرطاً حُبّنا
سَنكـون ُ أحلى لـو نظـلُّ صحـاب ُ
.............................................
.
.
.
اه اه اه اه عوفوني اني مكاتل واحد والله ماعرف هو الي ورطني اني ماكتل بشر عوفوني
لا انته لازم اتموت انته مجرم
كعد من النوم (جلن يحلم انو بيت ابو علي عرفو جايين ايخلون المشنقه براسه )
گعد وشرب جگاره وشرب مي وجسمه حار وعرگان
بعدين وضع اصابعه تتخلل شعره
عصام بحاله صعبه :اني لازم اصلح غلطي انسان بريء
حاولت اسلب روحه من وره الطائفيه الي عمتني مجرد انو هو مو من مذهبي وهسه اني عايش وياهم وعرفت اطباعهم ناس مسالمين الله يلعنكم يا كفره مزقتونه وخليتونه طوائف
واحنه واكعين بيه بس اشلون اذا عرفو اكيد مراح ايسكتون على حقهم شراح اسوي 😢ياربي صحيح اني سويت هواي معاصي بحياتي واوقات هوايه انغريت ونجرفت لكن مالي غيرك يارب الجأ اليه
وبيومه عصام قره قرأن وضل يبجي وندم على السواه لكن هذا مايغفر اله الي صار صار مو بأرادته وجان بدون وعي وناس جانت تحركه
اصبح الصباح وكل عاده ضنت رقيه راح يجي السايق يوصله لكن اتأخر عليه حجت ويه اخوه حتى يشوف ليش تأخر
رجع زيد گله ليوم مريض ميكدر يطلع امه اتكول
ضل گلبه يوجعه لكن بقت ساكته
المهم راحت ويه اخوهه وصلت لبيت صديقته وراحن للمدرسه بستغراب زينب :ياا اسمله وطبگ جا لبارحه وصلنه وليوم مايگدر جا خل انشوف غيره
رقيه: اسكتين لا اكفخج على حلكج غير الولد مريض اشلون بله تردينه اصير بي شي
يوم باجر ايصير زين وياخذنه
بخبث زينب:اي ويجوز ايموت احنه اشلون
رقيه بعصبيه:الموت الياخذج يمه اسمله عليه يومي گبل يومه
زينب :عاااا😲دهر فرج ولج انتي وكعتي ومحد سمه عليج هيج اتحبينه وماتحجين ياااا اسكتي انوب واحد ايسمعج
رقيه بخوف :هااا لا لا مة انتي مدري اشلون تحجين
.
..
وصلن للمدرسه ودخلن الامتحان ومن طلعن والحزن والحيره على وجه رقيه
لكن المفاجئه جانت على وجه زينب الي امسكت بايد رقيه
من طلعن من المدرسه
شافت السياره وحبت اضوج صاحبته:اجه سايق جديد خل انروح وياه
رقيه مشغول باله ومنزله راسه وتحجي وياهه:ما اركب ويا ايي(رفعت راسه وتفاجئت )ها اجه (بكلبه يا بعد ارويحتي )
وصلن يمه هو بالسياره من غير ميحجي ودنگ فتح باب السياره وركبن وهن مستغربات
وصلهن للبيت من غير ميحجي شي ولا يباوع من مرايه السياره
نزلت زبنب وبعدين راح وصل رقيه ورقيه مستغربه لكن متكدر تحجي
وكذلك اليوم الثاني نفس الشي اخذهن من باب البيت الى المدرسه ولا اي كلمه مجرد شخص ايسوق
مر اليوم الثالث والرابع واجه يوم الخميس
واصبح الصباح عليهم لكن ابو علي طلع لعصام
صباح الخير بويه(ابو علي يحجي ويه عصام )
انتبه عصام :هله بيك عمي هله صباح النور
ونزل من السياره :ها الله يسلمه بتكم جاهزه حتى اخذهه
ابو علي :تطينه عطوة بويه ههههه شني تره بعد وكت
عصام بويه ما نشوفك هاي ليام لا تطلع ولا الك حس حتى بيت خالك ماكو انروح ما نلكاك هناك شني صاير شي بيك شي احج تره انه مثل ابوك ولو ابوك الله يرحمه محد ياخذ مجانه لكن عدك مشكله شي وداعتك انه بخدمتك
عصام:لا عمي اريدك سالم بس اني اشويه تعبان وعندي شغل هواي وكاضيه اخابر على فلان وعلان
ابو علي :جا سهله وانه بوك اني حاضر اذا محتاج اي شي
زين هاي سيارتك اطلع بيه العصر واذا ماتكدر خليلك بيه سايق هو ياخذ البنات ويجيبهن احسلك
عصام(غير اتخبل يوم لماشوفه ):لا عمي اريدك سالم بس انه اخص وكتي بيه اصبح ومن اوصلهن للمدرسه اطلع اشتغل وبعدين ارجعلهن اكول كافي هو بس اني وامي مصرفنه كافي اجيب لله قاسمه(جذاب هو باب المدرسه مايعوفه ولولد الي باب المدرسه كله شحته وناس شبعهم بوكسيات كله علمود خاف تطلع ست الحسن واحد ايشوفه 😂😂)
ها جا خوش بعد عمك :رد عليه ابو علي
:رايدك بشغله تكدر اله گلي ماتگدر هم گلي لا تستحي مني
عصام :عد عيناك عمي
ابو علي: من تجي وترتاح للعصر انه اجيك وحجي وياك مو مال شارع وانته طالع على باب الله
عصام شاف رقيه وجت صديقته وكم ابنيه يرحن وياهم جابتهن زينب ركبن السياره
عصام :ماشي عمي
رقيه :اي حتى ميباوع مدري اشبي يمكن ايحبله وحده مدري شني مثل الصنم لا يسولف ولا يحجي ولا جنه هذاك الجان يضحك للهوه مدري شجاه وانه گلبي ماكلني عليه حتى ماگدر اركز بالمتحان ياربي كون كلشي مابي خلي ايحب غيري 😔بسكون سالم واشوفه مابي شي
(هاي تحجي ويه روحه بكلبه)
نزلن من السياره اباب المدرسه
وبقى منتضر لكن ميباوع على اي واحد لان باله بعده مشغول
وبقت اخر وحده رقيه نزلت على كيف تمشي وتباوع عليه لكن رجله عثرت ورادت توگع انتبه عليه صاح عليه: ديري بالج يبعد حيلي
هي اتفاجأت ونست الوكعه ضلت الكلمه براسه وكلبه ضل يوجعه اتريد تبجي وشبگه وتريد تصرخ اشبيك لكن بس عيونه تدمع وتباوع عليه
اجت زينب وگفته واتكأت عليه ودخلت للمدرسه
اما هو فلنار صارت نارين هو يحاول يتحاشاهه
يحاول يتحاشاهه لكن كلبه ميخليه<br>
عصام:ياربي اريد الصبر منك <br>
اربد اعوفه ماكدر صارت النفس الي اتنفسه ماكدر لعوف روحي ماكدر اني يوم لماشوفه احس طفل امضيع امه احسه لامان <br>
اشلون ياربي هذا متحان صعب خليتني بي <br>
طلعت رقيه من الامتحان ويه زينب <br>
لكن مقرره بداخله انو تخطي هي خطوته لاولى <br>
هيج مقرره لكن من شافته رجع لنفس الجمود ضلت ساكته وتراجعت بحزن <br>
اوصل الجميع كل وحده لاهله وصارت مطر قوي اضطر بسبب الطين ومياه الامطار انو يمشي على بطيئ حتى متزلك السياره فقط هو ومن يحاول عبثا تحاشيها لكن اقدار تحدد <br>
استغلت الفرصه رقيه :انته مريض ماعدك بس العافيه <br>
انه سمعت من زيد شني يوجعك راسك لوو<br>
عصام (قاطعه):گلبي اليوجعني واريد غيره <br>
رقيه بخوف وبجي :اسمله ليش ..سكتت<br>
عصام دار وجهه عليه :ولج انتي جنيه سحاره انتي تره سودنتيني تدرين يوم ماشوفج اتخبل صدك اتخبل <br>
انتي صرتي دوة وانتي العله حليه <br>
رقيه 😨😨😨بصدمه(مجانت تعرف انو راح ايصرحه ):هااا <br>
شني <br>
عصام :انتي يبت الناس دخلتي هنا(وخله ايده على گلبه)وقفلتي الباب وضاع المفتاح <br>
اريدج اطلعين <br>
رقيه بدهشه:اااااا انته صدك اتخبلت انه <br>
عصام:خل احجي لو راح اموت روحي تره اول مره وحده اسوي بيه النتي سويتي ولج فار العالم ورجعت بس انتي خربطتي كياني خليتيني من سيد نفسي عبد عندج <br>
رقيه بخوف:شوووف يبن الناس عيب هذا حجيك وانه بت جيرانكم هيج الاصول ابوي امن بيك وانته تحجي هذا الحجي .ونزلت من السياره <br>
ومطر وطين <br>
عصام :ولج تعالي يا خبله <br>
رقيه :مالي حجي وياك انه راح اوصل لا جرني عوفني <br>
عصام بعصبيه سحبهه من جنطته :اتركبين لا هسه بشارع اصيح احبج <br>
رقيه بخوف ممزوج بفرح ومطر وبرد :عااا انته اتسودنت رسمي يمه الرجال ماعنده عگل <br>
عصام: اي ماعندي من وراج (وراديصيح)<br>
راحت تركض وركبت وكعدت بالسياره من غير متحجي <br>
ركب عصام والفرحه تارسه وجهه بغض النضر عن تلموقف الصار ناسي المشكله الي هو بيه <br>
اوصله للبيت <br>
ورجع لكن لم تدم فرحته <br>
لان اذكر المصيبه <br>
عصام:اجيت اكحله عميته غير اكرهه بيه اشلون اخليه تدري انه احبه اه ياربي ارحم عبدك العاصي 😔😢<br>
.<br>
.
أنت تقرأ
قصص من بلادي (قلوب قتلها الحب)
Casualeقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
