لا اقول انت السبب بل الاقدر هي من تأخذ
وتمر الايام وتشتد المصاعب على عائله ابو عصام ويحاول عصام انو ايصير قوي لاجل والده ووالدته الي مابقالهم غيره وبسبب خوفهم عليه قرروالد عصام يسافر للخارج لان هو صاحب رتبه عسكريه جبير بزمن النضام البائد ويعرف كل زين راح ينقتل او يصفونه سافر للاردن وحتى يحفظ اخر ولد عنده ويترك بيته ووطنه للمجهول
ملاحظه:(عصام عنده اخت متزوجه من جان اصغير واولادهه كبار وعايشه بغير محافظه ومتجي فقط بالمناسبات لذلك منحتاج نتكلم عليه بالوقت الحالي
(هنا راح نترك بيت ابو عصام ابن الغربيه
ونتجهه نحو الجنوب عند بيت اهل رقيه ).
.
.
.
.
.
.
نرجع لبيت ابو علي (بيت اهل رقيه)
يمه رقاوي :صباح الخير يمه عوفي الشغل عندج مدرسه حضري روحج صاحبتج راح تمر عليج
رقيه:اي يمه بس اخلص هاي اخر ماعون اغسله حتى متعبين يمه كملت تنظيف
وحضرت الغده يوم بس حمي لابوي وعلي تردين شي يمه راح اجيب جنتي والبس عباتي
الام :يمه الله يحفظج ويوفقج ويبعد ولد الحرام عنج بجاه محمد واهل بيته
رقيه :😔امين
(الحزن ميفاركه لان الصدمه جبيره عليه وهي بكل حركه بالبيت تشوف اخوهه اگباله وتذكر الاحداث حتى لو مرت الايام لكن الجرح جبير فقدو كل شي ولازم يبدون من الصفر لكن اهل الخير موجودين بكل مكان )
طلعت رقيه وهي بطريقه للمدرسه (العداديهوتعرفون هي بالجنوب عدهم عيب البنيه تطلع بدون عبائه راس حتى وان كانت موضفه )
مرت عليه صديقته وهي جوارينه
زينب :صباح الخير رقاوي حضرتي نفسج
رقيه: اي والحمد لله مستعده للمتحان
زينب ولج يا متحان 🙁
رقيه :انتي على شنو تحجين
زينب ولج للمهرجان مو انتي تقرين الشعر الشعبي وسجلتي بعد اسبوع حضرتي القصيده لا
رقيه:اهووو تدرين نسيت والله بالي مو يم الشعر يمكن راح انسحب
زينب :لا ولج ليش اذا ممألفه جديده طلعي من الكتب مالت اي شاعر وطلعي بيه عليج الله لا تنسحبين إلقائج ايخبل ولج غير اشبع بجي من تقرين حسبالك تعاتبين واحد وضل بس ابجي بداعت علاوي وامج لا تنسحبين
زينب(بكلبه اي لو تدرين بصار والي حسبالج اني نسيت ماكدر انسى لازم احجي شعر والا اتخبل عاد اعبر على الي بداخلي احسن ولا اتخبل ...هاي مدنكه وتحجي ويه روحه )زينب:تباوعي وحجي اني احجي ويه الحايط شو لا يمي ولا بكرباي
يااا
رقييه ديري بالج يمعوده السياره😨😨😨😯😯😯
(انضربت بالسياره )
وكعت بالكاع ونزل ابو السياره يركض رجال جبير :يابويه انهبت كتلت بت العالم وين اروح (بهلع ويحاول ايلف عبايته عليه ويريد ايشيله ميكدر المهم التمت الناس وركبوهه بالسياره واخذه للمستشفى
اخذوهه للمستشفى والرجال وزينب خابرت على اهلهه واجه ومه وابوهه
طلع عده كسر باحد الاضلاع ورضوض بسيطه لازم ترتاح اسبوع
زينب:خرب حضج ولج وين مضمومه الج يمعوده لامتحان سهله بس المهرجان اشلون (شوف اني يامهرجان خل البنيه اتكوم بسلامه والله كريم )
المهم تمر الايام وزينب اجيب التحاضير لرقيه والواجب لحد متكوم بسلامه وسايق التاكسي طلع بيته قريب عليهم ويجيهم وابو علي (ابو رقيه)حجه وياه گاله انته متدري وبتنه الي ما منتبه على الطريق
والرجال گام كل يوميه يجيهم وعنده بنته بعمر رقيه اسمه اسماء تجي وياه وصادقت رقيه وتعرفون نفس العمر لذلك اصبحن صديقات
.
.
اريد ارجع اشويه لبيت ابو عصام بالاردن الاب اتوفه وطلب من عصام ايدفنه ابلده ايرجعه وامه گالتله ابني: احنه مالنه عيشه هنا والدك وتوفه بقيت بس اني وانته خل نرجع يم عمامك او خوالك ونعيش منكدر هنا نبقى واني اريد اموت يم اهلي
عصام :اسم الله عليج يمه تدللين
ورجعو الي بلدهم ودفن والده يم اخوانه لكن مرجع
لبيتهم عمامه لكاهم رايحين للشمال فكر ايروح يم خواله للن داعش دخل على مناطق الغربيه وامه اتخاف عليه
عصام :ادري خليتنه نرجع وهسه تردين انروح
امه:يمه اني اخاف عليك بس ماريدك اتروح من ايدي يمه ذول مايرحمون الي مايصير وياهم
واني ماريدك تتورط بعد بهاي السوالف
عصام :يا سوالف
الام:تره اني سمعتك انته عامر ذيج ليله لجيت ترجف وعرف كلشي يمه والله لا احنه ولا الناس الباقيه اله دخل تره هاي سوالف اهل الحرام الدخلت وخربت بيوتنه وروح اخوتك لاعز من گلبي احنه عشنه سوه صار اسنين ماعرفت جاري شنو غير من صار السقوط يمه خل الله بين عيونك وستغفر لان السويته بس بس الله الي يخلصك من ذنبه
عصام:يمه فدوة لاذكريني والله اريد بس انسه ويجي واحد ايذكرني ؤحت لاخر الدنيه واني مانسيت وهسه انعادت عليه رحمه لوالديج سدي هاي السالفه
وحاجيني وين انروح الناس كله طلعت من ابيوته والمايطلع لازم ايصير وياهم وعلمر ايكلي خل انصير وياهم لان يردون ايسوون دوله اسلاميه
الام:من كل عقلك يمه هذول الجياف الريحتهم ريحت الميت ايسوون دوله خل ايسبحون ياله يسوون دوله(😂😂)
عصام:يمه لاتحجين لا واحد ايسمعج ونروح بيه
الام :ابني خل انروح ويا الناس لو تخابر لخالك يشوفنه بيت يم اهل مرته لان اشتره بيت بالجنوب وهسه كاعد ومستقر ويكول الناس ايحبونه وسالفه الطائفيه ماكو والله شاهد ايگول كله عايشه سوه مثل گبل واحسن
وحتى بالجامع يرحون ايصلون سوه ها وخل اگلك ابن خالك بالحشد مطوع بعد شتريد
عصام: تحجين صدك انتي لو تشاقين
وين اكو هيج هاي گبل السقوط هسه ايدورون علينه ادواره ومن صار الحكم الهم بس الله يستر
الام:الله وداعت غلاتك اني اخوي هيج حجه وياي
وانته رضيت او مارضيت اني راح اخابر اخوي واخلي ايشوفنه بيت ايجار يمهم وانشوف عجبنه الوضع نبقى ماعجبنه هو ايجار نخلص المده ونشيل وين متريد بس خل نطلع منا ماريد اخسرك يمه بقيت بس انته والله اموت روح لو صار بيك شي 😢
عصام:لا يمه اسم الله عليج سوي لتردينه واني خل بس هل يومين اصفي املاكنه الي اكدر اصفيهن ونجرب الي عجبنه وناس خيره مثل مكال خالي نستقر ماكو انروح لبغداد نشتري بيت هناك لو نرجع نسافر بعد هذا قراري .
.
.
.
.
.
.
.
.
.تم البارت الثاني والحمد لله
اريد تعليقات وجهة نضركم
وين ومنو وشراح ايصير
أنت تقرأ
قصص من بلادي (قلوب قتلها الحب)
Aléatoireقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
