ونرجع لابطالنه وبيت ابو علي (ابورقيه)<br>
بعد ان صارت علاقة ابو اسماء جيده ويه اهل رقيه طلب ابو اسماء من ابو علي يشوفولهم بيت قريب عليهم لان بيت اخته اتريد تسكن يمه وتكلم وياهم على الضروف الي مرو بيه وانو ابوهم خلاهم ايرجعون للبلاد وميريدهم ايسافرون
وابو علي لكالهم بيت جوارينهم او مقابيلهم بيت لليجار <br
ابو علي :خويه صدك جذب جاغير اذا ماشيلهم الگاع اشيلهم عيوني هذول من ريحت الحبايب وداعت علاوي اطلع من البيت وهم يكعدون بيتنه دخليهم يجون للناصريه وداعت الحسين اكعدهم بيتنه بعد خويه عايل وياك <br>
ابو اسماء:صدك جذب لا خويه ادري بيك انته معزب وصاحب الصاحب ولاجن لهسبب هاذ اني كتلك تره بيت اختي عدهم خير من الله ومتعلمين على العز ابوهم الله يرحمه معلمهم يردون بيت جبير لان صاحبين خطار وهو ضل بس واحد من وليداته مثل ماكتلك وابنيه مزوجه لو تجيهم لو لاولده كبار وهي بغير محافظه هم ملتهيه بهالدنيه .<br>
ابو علي (باستغراب):بعد اخوك جا انه ماكتلك ابيت صغيروني لا خويه هذا بيت جبير والجبير الله الحديقه ماشاء الله بيه ما لذ وطاب والورد ماشايف منه وداعتك خويه جاغير صاحب البيت من اهل بغداد وحسباله يكدر يعيش هنا وهو مهندس مسوي بيته غير شي ماكدر يبقى بي على استناد وليداته ايجيبهم هنا بس خويه الكدر ماكدر <br>
گالي خويه البيت بامانتك اتبيعه وصار يمي مفتاحه اكثر من ست اشهر ونوب خابرني گال خويه ماينباع اجره بس شوف واحد ابن اوادم يسكن بي واني والله شاهد عليه كل يوميه افتح البيت وادير بالي على الحديقه الجوه والبرانيه وارشه لان تعرف هاي امانه ولامانه ياخويه جبيره لذلك ماگلت لواحد حسبالهم مشتري بالمنطقه حتى ماواحد ايخربه بس سبحان الله ايجوز جان الله قاسمه الكم دتعال شوفه وتحكم بنفسك مو احسن .<br>
ابو اسماء :عمت عيني لا خويه انه على حجايتك ماشوفه بس اوديلكم اسماء ويه رقيه حتى اينضفون البيت واخبر اختي حتى يجون بعد فد مره لان ابن اختي مايريد يكعد عد واحد ابد روحه بخشمه اني خوب خاله ابد مايخابرني بس اختي كل يوميه اتخابر يله الخاطر امه فقيره بس ارجع اكول حقه الصار وياهم مو شويه يا خويه <br>
ابو علي:خويه اعذره تره كل واحد همه شكل لا صدك واحد مرتاح بوكتنه هسه فدوة اروحلك لا تهيج اجروحي <br>
انگول الحمد لله وحسبنا الله على كلمن خرب العالم وطشرنه احنه اخوان من درنه وصرنه والله شاهد علينه <br>
ابو اسماء:الحمد لله مادام اكو ناس مثلك الدنيه بخير خويه <br>
(انعوف الصار ونروح للغربيه )<br>
.<br>
.<br>
.<br>
.<br>
.<br>
.<br>
<br>
<br>
دخلت داعش ومخلت اي واحد يطلع واخذ وياه اغراضه او مجوهرات لكن جان عامر وياهم خل عصام وامه يطلعون من غير محد يعرف واموالهم وياهم <br>
أنت تقرأ
قصص من بلادي (قلوب قتلها الحب)
De Todoقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
