ثكلت عليه شبيهه الوجوه؟؟
سويت زين و صرت مكروه
چنت من اجي...يكولون اجه العيد
هسه من اجي...يكولون شتريد
..................................
دخل العمليه علي
ومن غير ان يعرفون منو المتبرع
وتكاليف العمليه الي اندفعت
لكن قلب رقيه بين نارين نار اخوهه ونار حبيبه الي ماله اي ذكر وراح تموت وتعرف اخباره حتى لو تكره شوفته لكن الي صار القدر اله كلمه
....
بعد مرور خمس ساعات والعائله منتضره بقاعه الانتضار كل واحد لازم قرآن ويقراء والثاني يصلي والثالث يبجي
لكن رقيه راح باله ابعيد يم عصام وهي تدعي لرب العباد انو اخوهه تنجح عمليته بجت ودعت لعصام من كل گلبه انو تسمع مابي شي
طلع الدكتور (تعبان وجه يبشر بالخير ):الحمد لله العمليه تكللت بالنجاح لكن منعرف الى ان تخلص 24ساعه القادمه ياله نعرف
ابوعلي :الله يبشرك بالخير دكتور (وضل يبجي وشبك زيد )
الدكتور :الفضل طبعا للمتبرع لان هو السبب بنجاة ابنك
ابو علي تفاجأ:يا متبرع انه كلشي مافتهمت
هي العمليه يرادله متبرع شيتبرع
عصام مو هيج فهمني گال شغلات بسيطه وحليتهن
الدكتور :وهاي المفاجأئه انو المتبرع هو عصام ومراد واحد يعرف
رقيه بخوف ومصدومه😲:زززيد شييكول الللدكتور
زيد متفاجئ:دكتور على بختك احنه مافتهمنه شي
الدكتور :ابني عصام دفع تكاليف العمليه وهو المتبرع بالعصب وهو بحاله خطره لان العصب الي اخذناه قريب على الحبل الشوكي واحتمال عصام ايصير مقعد واني گتله على مخاطر العمليه وهو قبل وطلب مني ما ابلغ اي واحد وسحبنه منه العصب وحالته حرجه لحد هسه ميكدر يمشي والعلاج مفعوله بطيء
لكن هو جازف وخلانه بموقف صعب
واذا تردون اتشكرونه هو موجود بالطابق الثالث وياه مرافق وحالته غير مستقره
رقيه من سمعت الدكتور صارت الدنيه سوده بعينه وگعت ومتدري بروحه
ام علي: يمه زيد الحكني اختك اتخربطت مدري اشبيه
زيد جاب سديه وخلاهه عليه اجت الممرضه گالت نازل الضعط مالته يمكن مماكله شي وبس تبجي ان شاء الله مابيه شي خلت اله مغذي بيده
وتركوهه بالغرفه لان نايمه
اما ابو علي وام علي وزيد
راح يشوفون عصام والي ميعرفون معروفه هذا اشلون ايجازونه لان جتى لو اقرب الناس الهم ميسوي هيج
سألو عليه ودخلو بالغرفه وشافو احد اصدقائه الي هو وسام
وسام :نعم منو انتو
ابو علي :السلام عليكم احنه جيران عصام لا احنه اهله
وسام :اهلا وسهلا بيكم بس الي اعرفه عصام گال اهلي مسافرين لذلك اني وياه
ابو علي سولف السالفه لوسام وفهمه
طبعا وسام يعرف السبب بس غلس وسكت
وسام :ها عمي كل الهلا بيك تره عصام شهم واني اعرفه ابن الغربيه والنعم منه
ابو علي :ليش انته جيرانهم من زمان
وسام :عمي اني اعرفه واعرف اهله من جنه اصغار
واذكر محد يعرف هذا سني هذاك شيعي والله اخوان واصدقاء من احنه صغار ومافرقنه غير الغريب الدخل بينه
ابو علي :اي والله صدك بويه جا احنه مني لبهذلنه غير هاي الجلمه انته شيعي انته سني
وسام ;على فكره تره اني مسيحي وصاحبي من زمان عصام وما فديوم غثني بحجايه
ابو علي :الله يبارك بيك بويه على راسي انته وعصام
شافو عصام بعده نايم رجعو يم علي ورقيه اثناء ما همه طالعين بعدهم بالممر زيد يتكلم ويه ابوه
زيد :اگول بويه انه هسه دريت عصام سني والله حسبالي مثلنه
ابو علي :والك شني مثلنه هو واحد من عدنه وصار دمه ويه دمنه جا حتى لو سني بويه هذا عراقي يعني احنه اخوان لا تحجي هذا الحجي عيب وخاف يزعل احنه جيران ولا سمعه كلامك هذا حسباله انكرهه
زيد :بويه بس انته تذكر من طگو علاوي مو انته گلت لا بارك الله بيهم هذول السنه طردونه لان احنه موش منهم
ابو علي :بويه هاي من جانت طائفيه وانه گلبي محترك على وليدي شترديني احجي وطلعونه من بيتنه وتهجولنه بس جيرانه ضلت تبجي علينه تذكر
زيد :اي صدك بس هو سني
ابو علي :اي وابني وصار دمه دمي واليحجي عل عصام يحجي عليه وماريد واحد يعرف هل حجي عيب
وصلو يم رقيه وشافوهه كعدت وهي تبجي
ابو علي :ادري لبجي عليمن اخوج والله واهل البيت والعمليه نجحت وان شاء الله كله جم ساعه ونشوفه ونحجي وياه بعد شنو
رقيه :ها لا بويه بس گلبي يوجعني من حجي الدكتور ايكول بعده مامتاكد منه
ابو علي :روحو انتي وامج للبيت واحنه باقين هنا تره هو مايصحه لحد باجر تعالو
ام علي :لا ماروح لحد ما وليدي يصحه
ابو علي :ولج البت مريضه وماماكله شي اخذيهه وسوينه اكله وتعالي اخلي زيد يجي عليجن اضهر والبت ترتاح
ام علي :هاي هيه راح اروح
اخذت رقيه لكن گلبه هنا وتريد اشوفه اشلون تعرف
رقيه واثناء ماهمه يمشون وصلو يم المصعد
:يمه نسيت خل اروح تشيل الكانونه من ايدي يم الممرضه واجي انتي تانيني هنا
امه:خل اروح وياج
رقيه: لا يمه انتي تعبانه ومشي هواي اكعدي وهسه اجي
وتروح رقيه وانفاسه تسبقه وتشلع الكانونه بيده وهي بالمصعد متحس بالوجع لان الم گلبه اكبر من اي شي ثاني والدم ضل ايسيل من ايدهه لكن خلت قطنه صغيره لحد ماوصلت لطابق الثالث وگلبه ايدك وين تسأل تباوع بالغرف ودور وترجع وصلت يم باب غرفه تسال فتحت الباب شافته نايم منتبهت على الموجود منو لان المنظر الي شافته خلاهه تفقد احساسه بالعالم تحس فقط بوجوده هو وياهه والاجهزه متصله بجسمه لا اءراديه اجت لزمته من كتفه وحركتهرقيه بجي وحركه: عصاماكعد اريد اعاركك لتعوفني والله ما ريد شي انته حلفت متعوفني ليش تريد تخلف وعدك احجي (هزته بقوته والدم مال ايده صار علي ايديه )
لكن متحرك ;احجي والله مشتاقه بس اسمع صوتك
صحيح الي سويته انته اتبرعت لاخوي اكعد خل احاسبك اني اطلبك
انتبهت لوسام وخره منه
وسام:اختي ممكن اشويه لان انتي اتنزفين من ايدج والدم لوث عصام ميصير
رقيه حست ونتبهت لايده :ها انته مني واااا انه
وسام :اعرف انتي رقيه حجالي عنج عصام
اهدي اختي مابي شي ان شاء الله ايكوم بسلامه والحمد لله على سلامه اخوج
رقيه :هاااا امي وراحت محجت اي شي
اذكرت امه منتضرته ورجعت لگت امه غافيه على الكرسي
رقيه :يمه يله مالكت الممرضه خل اروح
ام علي :ياا يمه هاي اهدومج كله مدمره دم ادري شني ماكو واحد يضمد ايدج
رقيه:يمه مابيه حيل احجي خل اروح
طلعو من المستشفى وراح للبيت ورقيه راحت اتغسل وغيرت ملابسه وضمدت ايده ونامت
اما بالمستشفى :..
.
.
عصام ورقيه يمشون بالطريق واحد لازم ايد الثاني
ورقيه تضحك لعصام زعصام يباوع عليه والهوا يحرك شعرهه وعصام رفع ايده ايوخر خصله شعرهه الي طيرهه الهوا ورقيه تبتعد وعصام ايصيح رقيه انتضري ورافع ايده وتبتعد
عصام :رقيه (بصوت عالي فز جان حلم )
وسام :اسم الله الحمد لله على سلامتك
هاي لو ادري جان جبته من زمان يمك واخليه تكعدك
ماضلت ابره بالمستشفى ما ضربوك اياهه وصعقه كهربايئه وما كعدت بس اجت رقيه كعدت
عصام:(مشوش ):هاي شنو صار اشكد اني نايم (منتبه لكلام وسام )
وسام ;صار اكثر من اسبوع
عصام :سوو العمليه (بتعب )
وسام :اي واهل الولد اجوي زاروك وانته متدري ابو علي وزيد
عصام انتبه قليل :ها ومن عرفو اني هنا
وسام :اكيد الدكتور لان حالتك جانت كلش حرجه واني جنت ناوي اخبر اهلك بالموضوع لكن
(سكت)
عصام :شنو سكتت
وسام بخبث:اي لحد ما اجتي وحده اتخبل صاحبت عيون وسيعه وو(ايريد ايكمل )
عصام بعصبيه:وسام 😡
وسام :😂😂على كيفك تره بعدك تعبان متكدر اتكوم من هيج اني اخذت راحتي بالحجي لان لو صاحي اعرف نفسي انعلست
عصام :احجي گلبي شلعته
وسام اشوف الدم الي على ايدك
عصام :شنو هذا منين (بخوف )
وسام :من رقيه
عصام فز وكعد:اشبيه رقيه صاير بيه شي احجي
وسام :انتضر خل اكمل اشبيك اضاهر كانونه فايته غلط بيده لان هي مخليه قطنه ومن شافتك وكعت منه وضلت تنزف من ايده ولزمتك
عصام عصبي :انته شدكول رقيه بيه شي اخذني خل اشوفه
وسام :ولك اعصابك انته متكدر تتحرك هسه لان بعد جسمك تعبان وبعدين اني طلعت وراهه وعرفت اشبيه نازل ضغطه ولممرضه مخليتله مغذي ومن سمعت بيك اجت تسأل عليك وشافتك وحجت وياك
وضاهر (ابتسامه خبث)بيناتكم عتاب وحساب اجتي اذكرك بي وهزت جسمك
بس ماعرف يا اخي عده فد شي خلاك ترجع من الغيبوبه مالتك تدري لو لا
عصام دنك وبعدين لزم ايده لبيه دم :گلبي حس بيه يمي واعرف رغم الي صار اعرفه اتموت عليه بس وداعت كل معتقد ماعوفج يا رقيه لان دمج اختلط وي دمي (واخذ سكين صغير وجرح ايده ولزم الدم الموجود بيده الثاني )
وسام تفاجأء :اني احلف عليكم والعذراء انتم عدكم خلل بعقلكم ماكو هيج شي هي تنزف وانته تجرح ايدك شنو هل كلام
عصام :انته متعرف اشكد احبه هاي كلمه قليله رقيه صارت جزء من كياني والله خالقنه من طينه وحده ولتكلي هي شيعيه واني سني احنه روح وحده واحس بيه قبل لتحس بروحه
وسام :لتنسه شي واحد راح يمنع استمرار هاي العلاقه هي تعرف انته منو وهذا اكبر حاجز بينكم
عصام :اعرف ولهسبب اني مستعد لاي شي اواجه علموده
(اثناء هذا الكلام جان زيد واكف يم الباب وسمع هذا الكلام وضل مصدوم ومادخل للغرفه البيه عصام لان على اياس ابو دزه ايشوف عصام حالته صار زين لو لا )
زيد بقهر وميعرف شنو الموضوع ضل باله يودي ويجيب شنو لبين عصام وبين رقيه ولازم يگول لابوه
.
.
.
.
خلص لبارت شتتوقعون راح ايصير
أنت تقرأ
قصص من بلادي (قلوب قتلها الحب)
Randomقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
