تأخذني الجگارة لديرة سكرانة
غريب و مالي بيهه اوجوه
;والضويات يطفن من تمر اجدام خدرانة
...............................................
.
.
ترجع الابتسامه متفارك وجه رقيه كل متذكر الموقف الي انحطت بي لكن من جانب اخر العكس
العصر اندك الباب (بيت ابو عصام )
ابو علي :السلام عليكم بويه عصام
عصام (فتح الباب ):وعليكم السلام هله بيك اتفضل البيت بيتك
دخل ابو علي وراد يتكلم
عصام :قبل لا تحجي لني اعتذر منك عمي لان ردتني بشغل واني نسيت وهسه اجيت برجليك
ابو علي :لا يابه انته معذور عندك شغل وتجي تعبان لكن انه البيه ما يخليني اتاني
عصام خاف :خيرك عمي
ابو علي :انته تدري بسالفه علاوي ابني
عصام دنك;اي اعرف
ابو علي :انه وديته لبغداد للدكتور الي يعالجه ودانه لدكتور جراح كتبنه علاج جديد گال مدري شني بس العرفته هو ايحفزه ويخلي جسمه يتحرك وانه بعد ابوك ماقصرت اشتريته والولد صدك على العلاج هسه والحمد لله اكو فرق لكن قليل
عصام هاي بشاره حلوة وهسه
ابو علي :السالفه لازم انروح لبغداد من جديد ونبقى هناك علمود العلاج جم يوم وانه تدري الحمد لله مستوره بس اريد واحد ويانه اعرفه يمشي ويانه وشكد ماتريد كروه
عصام :عود تحجي صدك وداعت امي وروح والدي العزيز
صدك زعلت انته تحسبني حسبت ابنك واني اتريد اخذ منك كروه لا والله ما جانت مرجوة منك
اسمع عمي علي ابنك ايجوز هاي ارادت الله
لكن اني خليت على نفسي عهد راح اروح اني وياه ومااردجع اله وعلاوي بحيل الله راجع على رجليه لو الله راد
ابو علي ضل يبجي :الله يحفظ بويه ماتعرف علاوي اشكد عزيز انوب الدبير ومن اشوفه گلبي ينمرد بس الله ايجوز ايريد الخير اله وجابك يمي الحمد لله
عصام عمي حضر روحك وانه اشوكت ماتريد انه حاضر
ابو علي :الاحد انروح
عصام (والله ايحبني لان ايريدني اصلح غلطي الحمد لله)
عمي تدلل
رجع ابو علي للبيت
وقص الي صار لاهل بيته وفرحت رقيه وامه وزيد لكن رقيه
استغربت ليش هيج ايسوي عصام
معقوله بدون سبب (والله ماعرف اشو گلبي ناغزني )
رقيه تكلم نفسه :
ام علي :ابو علي جا ولبنات غير عده خط
ابو علي: ميخالف رقيه ماضلن شي هو من يجي من الامتحان الاخير موصدك لان انه خابرت على الدكتور گال الحجز لااثنين تعالو بالاربعه العصر گبل انطب عليه
رقيه:ها خوش الي اشوفه بويه بس گول للولد تره حسباله الاحد انته مو گتله
ابو علي :اي صدك زيد بويه امشي احج وياه وگوله الاثنين نطلع اصبح حتى نوصل من وكت
زيد :صار بويه
اليوم الثاني هو يوم الجمعه
راح ابو علي لبيت ابو اسماء ويا زيد
ابو اسماء :هله بيك خويه شني ماتجي مختفي
ابو علي :ولك انه كل يومين يمك اشوكت مختفي
ابو اسماء :ابن اختي خوما مضوجكم
ابو علي :والله والنعم صدك جذب غير ولد دره مال الله حتى هسه ياخذ البنات ويجيبهن سوه خط
ابو اسماء بتعجب :على عصام انه احجي انته تحجي عليمن
ابو علي :هههه عندك غيره يمنه هو انه احجي عليه
ابو اسماء :هاا خوش (بتعجب )
خلصت ليله المسامر يم بيت ابو اسماء
ورجع ابو علي واثناء الكلام :اشوف ابو اسماء تعجب من گتله عصام عنده خط مال بنات
(رقيه انتبهت) وام علي :صدك عود ليش
ابو علي :مادري بس من سولفلي على بيت اخته عدهم خير من الله وابوهم جان جبير اخوته وهله عدهم ما محتاجين
ولو يريد يشتري بيوت ومحتاج يشتغل بسياره
انه تعجبت بس شني گتله ايوز مايحب يضل گاعد الحركه بركه
ام علي :اي صدك
ابو علي :المهم بويه رقيه بس باجر الولد ياخذكم وهاي افلوس مال الخط وخل لبنات اتجمعله افلوسه تره هذا حقه
رقيه :اي بويه
راحت رقيه تنام
لكن الكلام ضل اباله متعرف شنو
المهم باجر اشوفه
لكن متعرف اشلون تحجي او تواجهه
اجه يوم الاحد وهو اخر امتحان للبنات
والصبح اندگ الباب على بيت ابو علي طلع زيد <br>
عصام : صباح الخير
زيد :هله بهل الصباح
عصام :ساكت
زيد :ها هههه نسيت هسه خويه
ركب عصام ودار وجهه
صعدت بالساره رقيه لكن الشي الغريب رقيه :السلام عليكم
عصام لتفت ورجع على وضعيته :وعليكم السلام
وستمر بالسياقه ومر على كل البنات ومرفع عينه ولا باوع من مرايه السياره
هذا الشي استغربته رقيه لان جان ياكله بعيونه كل يوميه من مرايه السياره
اما اليوم ميباوع
(هذا راح ايخبلني والله لخميس اتخبل واحبج ومدري شني وهسه ولا حسبالك هو الحاجي جا عود صدك لو يجذب عليه والاه حتاريت بي زين على كوله اهلي عنده خير جا شيسوي بالسياره هاي هسه انه عليه بالمتحان رحت وين )
زينب :اگول اشو العاشق الولهان اليوم صاير ثگيل عود اشبي
رقيه:دهر ولج لا يسمعنج البنات اسكتي
زينب :ولج ماحجيت على كيف اشبيج كلتيني
رقيه:دكومي وصلنه يله
نزلن لبنات من الخط بدون اي كلمه من رقيه ودخلت الامتحان وضل عصام ينتضر بره ويشرب جكاير وحده وره الاخ من غير ميحس والجام ساده
من طلعت من الامتحان لا ودعت البنات ولا اي واحد تريد بس تركب بالسياره
فتحت الباب :كح كح صدك جذب انته اتريد اتموت روحك شني افتح الجامه
هذا موزين الدخان راح يموتك انته متريد روحك (بعصبيه)
هو انتبه وشافه عصبيه:اروح فدوة لهل عصبيه عود صدك اتحبيني وتخافين عليه
رقيه :كح كح كح هو عندي اعز منك ياااا وسكتت عباله ماسمعه
عصام :هههههه تره سمعت والله ولج انتي موتيني وعلمودج اروح لاخر الدنيه للمشنقه بس كون اصيرين الي
رقيه بخوف:ولك انته شارب شي بيك شي ليش تحجي بالموت تره (ومكدرت اتكمل بجت )
شافه تبجي ضاج حيل :رقيه والله اگلب الدنيه علمودج بس لا تنزل دمعه منج باعي عليه اني مو بس احبج تره انتي النفس الي اتنفسه
رقيه :صدك راح اتروح ويه اخوي علاوي ليش
عصام :علاوي سالفه ثانيه اگلج بيه موهسه بس اريد وعد منج
رقيه: احجي
عصام :باعي انه لا الف ولا ادور تره انتي دخلتي گلبي من اول يوم وعرفتج وعرفت اهلج يت بت الحلال اني احبج لا احبج شويه تره انتي النفس واريدج على سنه الله ورسوله وراح احجي ويه ابوج بس موهسه من ارجع بسلامه
بس رايد وعد منج ماصيرين لغيري
رقيه فرحت وخجلت بنفس الوقت :ها مااااا كدر
عصام بعصبيه :ليش اتحبين واحد غيري
رقيه :لا وحگ العباس ابو راس الحار ما حابه غيرك وگلبي مابي بس انته (دنكت راسه )
عصام فرح وضحك:بويوي ولج والله شايفه اشسويتي هسه بيه ولج رفعتيني لسابع سمه ولج صدك طلعتي تحبيني
وداعت العباس الحلفتي بي ماعوفج وماثيرين الغيري وماخلي غير الموت يفرقنه واني من اجي حسبي حسابج اخطبج من ابوج وامي من هسه اخليه تحادجي امج ولج ماكدر اروح وانتي مو حلالي اخاف عليج ولج
هي خجلت وفرحت
اجن البنات وصعدن
زينب استغربت الصبح ضايجه وهسه فرحانه رقيه
زينب:انتي شني سالفتج لو تحجين لو راح اسأله
رقيه:ولج اكعدي راحه انه امرلج وافهمج بس هيدي
زينب :خوش متانيتج
وصل الجميع لبيوتهن وعصام الفرحه شاكه حلكه ويتخيل روحه عريس ودخل للبيت :
ولج يوم وينج تعالي عدي حجي وياج
امه:خير ان شاء الله <>
عصام :يمه من الاخير اريد ازوج
امه :يمه صدك يوم المنى خوش همزين حجيت لان خالك گال اسماء العصام
عصام:عاااا شنو يا سماء شني اخذ اخوي يمه على بختج اريد ارفلي يمه ماريد زاجل
امه:هههههه ها ولك حاط عينك عليمن ولك انو صايرلي مطيرجي بالعافيه
عصام:هههههه اي يمه واصير كلشي علموده
امه :يااا مني ولك احجي
عصام :يمه بت ابو علي رقيه وگبل لاتحجين تره روحي متعلگه بيه من يوم الشفته وروحي رايحه يوم الماشوفه اموت اشتريت سياره علمود اخذهه واجيبه
لازم طابخه وياهه;(امه بخبث)
عصام :لا يمه وداعتج وروح الوالد
البنيه ماتدري اني اريده غير اليوم
واريد اروح لبغداد ومن اجي الگاج خاطبته الي تره اكتل روحي من ماتخطبينه الي وبعد ضلت بكيفج
امه بخوف; يمه اسم الله الرحمان عليك يومي گبل يومك اني اريد افرح بيك والي ايسعدك يسعدني بس ماكتلي شعندك بغداد
عصام:يوم اعرف واحد دكتور زين جان صديق الوالد الله يرحمه راح اخذ عمي ابو علي علمود ابنه علاوي يعالجه
امه :الله يرحم ابوك جان گلبه طيب وانته طالع عليه
أنت تقرأ
قصص من بلادي (قلوب قتلها الحب)
De Todoقصه تحكي واقعنه المرير وما الت اليه الطائفيه وكيف استطاعت ان تمزق بلادي التي كانت تشبه قوز قزح بالوانه الجميله فكل لون يرمز لمكون من مكوناته اما اليوم فكل مكان له لون وعلم لكن الحب لايعرف غير الحب لا يؤمن الا بالنفوس التي تسكن لبعضها ولا تفرق بين طا...
