انا وحبيبي ومغامرات بلا نهايه (يوميات فتاة السرطان)

وجع في كل مكان

لاتنسين الڤوت والكومنت قبل القراءة استحق دعم حتى استمر حبايب❤️✨

كل الي سمعته ..كله تمنيت يكون خيال او حلم او رؤيا او اي شي تافه من الاشياء الي أألفها من اكون وحدي !
لكن ببساطة الي صار شي واقع ..
اني شهدته وشفته بعيني وسمعته كامل بدون نقصان ولأول مرة بحياتي تمنيت اكون وحدة اقل فضولية من هيج!💔

صعدت للشقة مثل ما طلبت امه الكريمة شايفين من جانوا يكولولي صديقاتي تخيلي كرم يتزوج عليج جنت اضوج وانفعل واتخيل نفسي احرقه ..من صارت صدك
حسيت نفسي مربطة ماكو ردة فعل عدا البرود..

هالكم درجة صارن طوال وعراض
اصعد باية افكر هو حقه ماعنده طفل صارله سنتين!اصعد الثانيه اكول حقه هو دكتور اني صيدلانيه ارجع اصعد الثالثه اكول اني ورطت نفسي ويه ناس اكبر مني بكلشي !
اصعد الرابعه هو بعمره ما حبني!حاول يجوز بس ماكدر💔
الخامسه اني ماقدمتله الحب الي يستحقه!يجوز سرى جان ممكن تحبه اكثر مني
السادسه هو بعمره ماحسسني انو اني مرغوبه للابد ..كلشي عشته وياه لحظي..
السابعه دوم حسسني اني اقل منه واني متواجدة لخدمته وطول هالوقت ما تثاقلت بالعكس اعشق هالاهتمام الي اقدمه اله..
الثامنه هو لو يحبني ما خلاني بهيج موقف كدام اهله،،لو فراس ماسواها ولا حتى مازن
التاسعه كل تصرفاته البارحه ناتجه عن ندم؟!
العاشره معقوله هو مجبر؟!
الايدعش محد يكدر يجبر احد على هيج شي
الاثنعش كرم ميحبني ولا عمره رح يحبني ..

فتحت باب الشقه ودخلت
شويه سمعته يركض ع الدرج 😓
سحبت الغطا وتمددت ولفيت نفسي بالجربايه ،،وطبعاً حاول يسحب الغطا وهيج بس مافاد انتظر عشر دقايق وبعدين تكلم طبعاً ما احجيلكم عن كمية القرف الي احس بيه من سمعت صوته!

:سالي اطلعي خل نحجي ترا الموضوع مو مثل ما تتصورين!
سالي ..انجبرت !حسي بيه الله يخليج صدكيني رح اصلح كولشي!رح افسخ 
ترا اني موجوع وقلبي يعصرني صارلي يومين ..احس نفسي مخنوك اني ماجاي اعيش مثل قبل !!
حاولت قدر الامكان امس احسس نفسي انو ماكو شي تغير بس كولشي تغير كولشي..
اريد ارجع الج انتي وبس
كمية التأنيب الي احس بيها مستحيل تتخيليها!حتى شوفي شكد جاي احجي وابرر وهالشي مو من طبعي
اني مامرتاح صارلي يومين ما مرتاح
الله يخليج تعالي نحل القصه سويه
اني متعود على حلولج على ريحتج على صوتج ضحكتج طولج كلشي بيج منطبع بيه ..
ارحمي رجفة صوتي ..جربي تسمعيلي
ما ادري شكد تردين تضلين ساكته بس من هسه نفذ صبري

كل كلامة جان ينزل عليه مثل الرصاص ودموعي ما وكفت😭احس كلشي كاله ملفق ومخطط اله !ماكو منطقية اصلاً
محد يجبر على هيج شي!
والي يخلي قيمة لأنسان مستحيل يأذيه لو على كطع رقبته.
بالعموم خلص كلامه كرم وجان يحجي بصعوبه وقبل لا يطلع من الغرفه صحت وراه
:كرم
التفت بسرعه :كولي ..؟!
:باجر رايحة لأهلي
سمعت خيبة الامل بصوته:من حقج ..