انا وحبيبي ومغامرات بلا نهايه (يوميات فتاة السرطان)

الفرق بين كرم والرياجيل الباقين

هسه اكيد تسألون..اني شنو اتزوجت كرم بس لانو شكله حلو ولبسه مناسب؟😟 معقوله لهالدرجه فارغه😕 لا بس اتصوري نفسج انتي بانيه قصة حب كامله 🙅 وبعدين تلكين نفسج متخرجه وانتي سنكل😰 مو لانو القصور مني !!
بس جديات يعني مو شرط الي تتخرج من الكليه لازم تتزوج واحد منها ولا الي تتخرج سنكل يعني خلص محتتزوج😕 بالعكس اساسا هذولي الي يتخرجون ومحد داك بابهم بعدين ح
يدللون 😍 اشكككال والوان الخطابه يعني من واحد شايفج مره بمطعم ...لواحد قايستله ضغط مره قبل سنتين 😷
او واحد امه شايفتج بفاتحة بت خالتها الي تصير عمة صديقة امج🙅🙆
وبالاخير تكولين خلص ما اتشرط اي واحد اقبل بيه لانو مليت 😤 اول دفعه يجي الطبيب والصيدلي بعدين مهندس فمدرس وهيج 😬 بس تصدف ويجي الطبيب مرات بوضع انتي خلص نسيتي ام الزواج والحب وقررتي تعنسين واقتنعتي انتي عانس حتی لو عمرج بين 20 و25 😒
فشنو يكون ردة فعلج 😏 اني عن نفسي كلت حتی لو يشبه محمد عبوده قابله😌

وتصدف انو يطلع العريس حلو وصايع😇 وهنا اني كعدت اراجع تاريخي انو معقوله هيج يصير ويايه بعد ما ايست مدة سنه!فما كان الي خير غير انو اوافق لانو هيج هيج اني لكيت الانسان الكامل😒 وفاارس احلامي🐉

لحظه داسمع صوت عياط :ساااااااالييييييييي سااااالي
يا ساتر 😱 هذا كرم ..طلعت من الغرفه ولكيته بالصاله راسه محشور بين الكاع والقنفه (كرسي او تخم او بتاعه ما اعرف احنه نسميها قنفه):عزه كرم شدتسوي😑
:ولج ثوله طلعيني هسه وقت اسأله😣
:ما😡 هاي رب العالمين يعاقبك 😌 وانت تعرف ليش😢
:هسه طلعيني وبعدين نتناقش 😅
:ما😡
:والله اذا ما طلعتيني لا ارفعها اني واكسر راسج 👊👊
ركضت يمه وحاااااولت ارفعها وبالاخير انرفعت بصعوووبه 😣
:يعني اني لو نايمه هسه انت طول الليل ضال هيج 😋
:طبعا لانو حماره اذا نمتي بعد متحسين 😊

لحظه لحظه هذا كرم شبيه هيج نازل بيه قصف قصف قصف
بس والله اذا ما ربيته ..دخلت للغرفه وسديت الباب ورايه بقوه 😤 وهاي للمعلومه انو كرم اكثر شي يكرها انو ينسد الباب بوجهه 🙅نمت ع السرير وغطيت نفسي ومنتظرته

ف 3
2
1
رفس الباب واتصور انخلع :لييييش طبكتي الباب بوجي 😬😤
لفلفت نفسي بالبطانيه اكثر وصرت مثل الدوده 🐛
شويه وحسيته يجر بالبطانيه بس اني كامشتها حيل منا لمن شالني واني ملفوفه 😱:كررررم
صوتي طلع مكتوم لانو مغطايه 😢😢شكله رح يموتني خلص 😢 ..
ثواني ووخر الغطا بس عن راسي وحسيت النفس رجع الي😫
خلاني علی نفس القنفه 😲 :ليش رحتي وعفتيني😬
:😡
:احجي✊✊
:ما😡
:اوكي ما تردين 😇
فتح الشرفه وحاولت اطلع من البطانيه بس ملفوفه حيل 😣 وشالني من جديد وصرت مقابيل هالفتحه الي سوتلي فتحه بقلبي من الخوف 💔:والنبي رح اشمرج 😂
هسه تكولولي عادي يتشاقا ..بس لا هذا كرم اثول وعفريت وضربته يشوفها شقا بس هي ضربة موت😭

بس هالمره ما رح اخلي يتهنا ورح اشوف شيسوي
حاليا اشهد ان لا اله الا الله وان محمدا رسول الله👐
:ها اعتذري😈
:😏 ما
قربني ع الشرفه وخلص رح اموت بس خطرت علی بالي فكره جهنميه :كرم كرم لحظه🙌🙌
:ها حتعتذرين 😇
:كرم اني حامل😇
:جذاااابه بنص عينج 😩
ورا شويه شفت مازن طالع ديصعد بسيارته :مااااازن الحكلي 😢😢
رفع راسه:ههههههههه يا الله اليوم احلی يوم بحياتي 😂😂😂😂😂
:ولك مازن اني حامل واخوك يجرب بيه😢
رأسا لونه انخطف وصاح:كرم😨😨😨عوفها جديات ✋
ودخل لجوه ديصيح امه ايلاف الكرعه 😪 اي كرعه وخلفت اصلع 👽

وشويه وسمعت الهلاهل وكرم خلاني ع القنفه علی نفس لفتي :ليش تجذبين 😠
:انته متعوفني احنه متعاركين انته ضربتني ودمرتني اكل وفوكاها طلعتك من مأزق (مأزق شنو هاي اني شكد امسلت..ادعوا ما لاحظ الكلمه ادعوا🙇) وهسه لانو رحت للغرفه وما سويت شي ثاني😳 انت عصبت 😡

:اي مو جنج ضربتي الباب بوجهي هسه انتي سألتيني شسوي جوه القنفه؟
:اي وما جاوبتني 😢
:جنت دا اجيب محبسج الي جابتي امي هديه 😶
كبر لف امك وراي واري ..هذا المحبس وين ما اروح وراي يعني اني شمرته وحاولت اكسره وعفته بمدينة الالعاب مره وهمات طلع سالم😤 واخر مره ضيعته ليديا وجان الشي الوحيد المفيد الي قدمته الي وفرحت انو ضاع من وحده😭 واخر شي يطلع حاشر راسه ديجيب محبس امه ايلاف الكرعه😱😱😱😱😱😱
:شكرا 😬

قبل ليكول اي شي اندكت الباب 💃 انطاني نظرة (اتصرفي وي الموقف يا غبيه)وصح اجتي امه واخوته هذا الي يهلهل وهذا الي يبارك 😩
وكف كرم وراهم واخذ وضعية (اني ما رح ادخل انتي حليها 😏) امه الصلعه بدت تخطب :هاااااا سلوله صدوك الي يكوله مازن 😉 كلللللوووووش
وجع بكلبج وكلب مازن 😠:خاله😫😖
:روح خالتج فدوه لكلبج كومي كومي ارتاحي هذا الظالم كرم يعذب بيج طول عمره مسويج لعبه الله اكبر تعالي شيلها 😬😠
هذي معقوله ايلاف !! بس تره حلوه 😶
هستوها اعترفت ابنها يجرب انواع الافلام البوليسيله بيه 😑
المهم لانو حبل الصدق طويل مدري شنو اني رح اعترف :
خاله اني مو حامل 😒😌
:ووجع 😬 شنو مو حامل تلعبين علينه انتي
:مازن سمع خطأ😇
التفتت علی الاثول وصار يباوع بخوف 😣:اني والله ..😑
:اي اي مازن سمعتني خطأ😁
وصار الكول يضحك مازن الاثول وكرم همات فهم الفلم
بس الصلعه تباوع بالوجوه وشكلهه اهيج 😕:طاح حظكم من عيله ماعدكم مصداقيه 😠
شدعوه خفي علينه رئيس مجلس الوزراء عيني ايلاف ام المصداقيه😩اهم شي عدت سلامات والفضل لغباء مازن وذكاء كرومه 🍇

راحوا الجماعه وواضح انو ضايجين 😳 بس شسوي اني هالموضوع ما احب اذكره لانو الي وياه قصه طوووييييله واليوم اتحججت بيه بس حتی اخلص من كرم 🙀

بالليل رن تلفوني وكانت ماما 😻
:الووووووو
:هلا يروحي شلونج شخبارج سلوووول 😃
:هلو ماما تمام 😔
:ليش هيج صوتج كرم ضاربج ؟😱
:لا لا بسس مليت مشتاقتلج 😔
:كولش حلو اني خابرتج داريد اكولج احنه رايحين للشمال الاسبوع الي جاي ليش متجيبين كرم وتجون ؟😆
:الله كريم يوم ..تره كرم مشغول 😟 ووووو ما اتصور اممم اشوف احاجيه واشوف
:انزين اني باجر جايتكم واسولف وياه 😆
:هلا بيج ماما بس اني اكوله انتي خاف يحرجج او تحرجينه 😇
:اوكي لعد هسه اروح وباجر يمج لتضوجين اوكي سنجابتي 😢
:اوكي ماما 😑