انا وحبيبي ومغامرات بلا نهايه (يوميات فتاة السرطان)

صدمة أثر صدمة

قبل لا تقرأ سوي تصويت ولاتنسى الكومنت تشجيع الي❤️

مرت يومين من رحيل نهال هي ومازن
بعد ما فجرت قنبلة بغرفتي وحجت قصص بحياتي ما سامعتها عن كرم!
كرم الرجل النظيف الأصلع ابو قلب ابيض ..الي يزعلني ويرجع يراضيني بطريقة غير مباشرة ،،الي مايصبر بدوني والي أحسه طفلي
مايكمل يومي الا لمن اكمل احتياجاته وألبي طلباته على عيني وراسي!!

يمكن اول ما اخذته شكّيت ..شي بديهي أشك!
تصورت انو ممكن جانت عنده علاقة وما صارت..
بس لمن تصير شكوكك واقع ..صدگني وقعها رح يكون صعب عليك..
اصعب مما تتخيل او حتى اصعب مما تحلم !
ذيج الليالي تمنيت اكون احلم ..اكعد والكي يمي
والبد بسّدة وارجع اغفى بهدوء واطمأنان

من يوم ماسمعت الكلام من نهال
واني افكر بالأنتحار اكثر مما افكر بكارثة كرم اساساً!!
بس الي خلاني أأجل الموضوع هو رقابة امي المستميته
بعد ماصارت عندي نوبات تقيأ مفاجأة وانقطعت شهيتي..
لذلك اني حالياً نايمه ولافه نفسي بغطوة خفيفة ومتقوقعة على نفسي تقريباً
وناطيه ظهري لامي الي تراقبني بكل ترّصد
وهالخوف والقلق مو سببه تدهور حالتي الصحية وبس
لكن شافتني مرة واني احاول بالحمام ..
ومن يومها وصار خوفها يخوفني صراحة!

طبعاً رحت جلسة طب نفسي بالغصب والاجبار بسبب بابا
وشخصوني حالة اكتئاب حادة
فصار التركيز عليه تلث اضعاف
لحظة داحس نفسي تلعب ..لازم اروح للحمام بسرعة

رجعت ورا دقائق
وامي وراي وين ما اروح
ماما:عود شنو هاي !ماتخليني اخذج دكتورة😩😩
:كلتلج ماكو داعي كله من ادوية السم الي اخذهن علمود الاكتئاب
وما اطلع من البيت لو شيصير عوفيني بحالي
:ولج يومة يجوز ..
ماخليتها تكمل:مو حامل مووو حا_مل🤬
جوزي مني ماما فدوة الي بيه مكفيني
:اي هو يروح يتزوج ويخلف وانتي ضاله هيج جنج ميت!
:ليش انتي حاسبتني ع العايشين؟!!

مرت خمس ايام
اضطريت استشير دكتورة نسائية على كد ملّحة امي ..
امي الي ماعدها حل ..احسها عاجزة
لا تكدر تكول لخواتها ،،تخاف من الشماته
لا لخوات بابا!الي ضامتني بالبيت عن الجيران
تخاف يكولون عليه تطلكّت لو زعلت عند اهلها!
امي الي سوتني صيدلانية وتعبت عليه ،،ماتصورت هيج تفكيرها منغلق
وبين ما اني اسولف وياكم
حاجتني الدكتورة:شوفي باوعي ع الشاشة
جنت شاردة بذهني ،يائسة وشبة فاقدة الوعي
رجعت امي وعيونها تدمع:ماما سالي شوفي انتي حامل باوعي ابنج!!
انداريت ع الشاشه ..وشفته!شفت شي ابيض ينبض!
كائن بداخلي!!انسان ثاني بداخل بطني؟؟!
مررت ايدي على بطني وحسيت بكهرباء تمشي بجسمي
حسيت بكل أمل الدنيا انصب بقلبي  فجأة ..
بديت ابجي بهستيريا وامي تبجي وياي والدكتورة كاعده على جهه وايدها على خدها ..
اخذت ورقة السونار وطلعت اني وماما
طول الطريق ماحجيت شي!!
بس دموعي جانت كفيلة تشرح كلشي
تشرح كل ظلم الدنيا الي حسيت بيه!
تشرح كل سعادة الدنيا الي بقلبي ذيج اللحظة..
يعني يجي طفل يشبله!يشبه لكرم؟عيونه الحلوة الملونه
وشعره الاصلع..وخدودة وطوله
وحلكة وابتسامته وكلشي..
ومايلكه ابوه موجود؟