انا وحبيبي ومغامرات بلا نهايه (يوميات فتاة السرطان)

حل النزاعات

قبل لا تقرأ هسه ركض صوت 😌ولاتنسي تنطي رأيك لانو رأيك حيل يهمني❤️

شايفين لمن يكون عدكم حدس
حدس كولش قوي ..قوي بشكل مزعج
الحدس الي كل الناس تتمنى يكون عدها
بس مايعرفون شنو عواقبه💔💔
تؤمنون بمقولة الامام علي(كل ما هو متوقع آتْ)؟
هممم اني بصراحة الي اتوقعه يصير
بس المشكلة ..مو كولشي
فقط الاشياء السيئة
حاولت قدر الامكان اعيش حياتي ع الصدف والحظ والقسمة واحاول ما أحلل افكر اخطط او استنتج ..والاهم الاهم ما اتوقع شي كارثي ..حتى لايصير
لكن مرات شتسوي ..عقلك يضل يودي ويجيب
وتنسى او تهفو وترجع لعادتك القديمة
وتضل تنبش بالمعطيات وتركب الاحاجي وتحاول تحل الالغاز وتملي الفراغات ..
وفجأة يجيك الحل ..بشكل مبالغ بيه وكارثي
فتتعوذ من الشيطان وتكول لا مستحيل هيج يصير!
كم مرة بمرة جنت اتصل من يسافر والكي جهازه مغلق ..ويرجع وملابسه عليها اشكال العطور النسائية..حتى نفسهن شميتهن بملابسها لمن اجتي يمنه بس كل هذا واكول ..
لا مستحيل!معقولة كرم يخونني؟
او حتى اكون وياكم صريحة اكثر
اني جنت شاكة بأمكانية خيانته بس مو عارفه منو الشريك مالته..او بشكل ادق ما حاولت اعرف .
فقط تجاهلت حدسي..

مر يومين على مغادرة كرم بيتي ومعرفته بخبر حملي ،،ماتواصل ويايه ولا دز طارش ..مااتصل بالغلط ولا وصلتني منه رسالة.
وهالشي يفسّر سبب تواجد اهله اليوم بغرفة الضيوف عندي ببيت اهلي ..
بعد ما طلعت من الحمام ونشفت شعري بالشسوار..رفعته كعكة عالية ،وخليت مرطب لوجهي وقلم حمرة ..
لبست قطعة فضفاضة مالت حوامل
اشترتها الي ماما وبالرغم من اني رفضتها اول ماجابتها بحجة انو بعده حملي ما ظاهر ،بس قررت البسها اليوم ما اعرف ليش..يمكن لانو اريد اغيض عمتي اكثر بشوية😁!
واخيراً لبست حلقتي ..ما اعرف ليش مصّرة ما انزعها كل هالمدة بالرغم من تهديد بابا وقسوته عليه من يشوفني لابستها لحد هالساعة!
يمكن لانو مامستعدة انزعها
ومامستعدة اتركه ..لاهسه ولا بعدين

نزلت الدرج بتهادي مبالغ بي شويه
لكيت اختي الصغيرة سارة تسوي الشاي وتحضره بصينية حتى تقدمه للضيوف ..سألتها عن ماما وكالت منتظرتج بالصالة
وبالفعل توجهت لهناك ولكيتها تعدل بالنباتات الضوئية الي تحبهن اكثر من ومن كل اخوتي
:حتى بهالوقت عينج عليهن؟😹
رفعت راسها وعافت ابريق المي:الله جابج يلا امشي صار ساعه منتظرينج ،وزين لبستي هالگلابية مطلعتلج بطن
:هيج لبستها لان ماعندي شي جديد😒
:امشي ابوج منتظرنه وماتفتحين حلكج بحجاية خلي ابوج هو يتفاهم وياهم ماشي؟
:ماشي🙄

دخلت الغرفة ولكيت حماتي اللطيفة وزوجها ابو الشخصية القوية كاعدين يم بعض كبال بابا ..
وبالطرف الثاني كرم
بس دخلت كامت عمتي الحلوة شبكتني وجرتني يمها ..صرت بالضبط بنصها هي وعمو احمد..
:هاي ليش هيج ضعفانه سالي؟هيج عمه هيج تعوفينه وترحين!لا تسألين لا تكولين
وانتي ام سالي ماتوقعتها منكم !كل هالاتصالات مافكرتوا تردون مرة!وثلث ساعة واكفين ع الباب..لو ماجاركم كال موجودين جان رحنه من زمان الصراحة😅
جاوبتها امي :ماسمعنه الباب الجرس عطلان شبيدنه!
ضحكت عمتي بتكلف واكدر افسر كمية الاحراج من نبرة صوتها:شو خل اشوف ؟
خلت ايدها على بطني
:ياشهر انتي يومه؟
جاوبتها ماما:ثاني ..
:ما شاء الله بطنج كبرانه مو مال ثاني 😂😅ان شاء الله ولد 😍