انا وحبيبي ومغامرات بلا نهايه (يوميات فتاة السرطان)

اخبار

لاتنسون التصويت وترك رأيكم بتعليق💕
سالي:
مرت شهرين ونص على اخر جية لكرم واهله ،حالياً اني كاعده بغرفتي كدام مرايتي الجبيرة ..مستطيلة لونها وردي..اتذكر يومها قبل خمس سنوات لحيت على بابا يجيبلي نشرة ضوئية اخليها على اطرافها مثل كل صديقاتي ..وجابلي وحدة بالفعل بس خطيه طلعت ماتشتغل ..كمت فتحت المجر وطلعتها للنشرة ☹️هي هذي الي خاصمت بابا علمودها اسبوع؟؟😓صدك جنت جاهلة!وما فاهمه الحياة صح ..ياريت ارجع هيج☹️💔ع العموم رجعتها للجرارة وسديته بهدوء واني سارحة بأفكاري ..رجعت عدلت گعدتي وخليت ايدي على ابني☹️اي ابني..اني حامل بولد🚲
اخ يا ماما ..شوكت تجي واجيبلك كرة وبايسكل 🛴🚲⚽️ومن يصير عمرك سنتين اجيبلك بلي ستيشن😍تشجع وتعال يلا فدوه مو مليت وحدي وابوك ماكو ☹️..
قاطعني صوت امي :البليستيشن بعمر سنتين ؟😅😂😂
:اي شسوي ☹️اريد يجي وجاي اغريه
:والله يا بنتي يرادلج دورة بتربية الاطفال وضعج مقلق😂

خلصت امي سخريتها وطلعت وسدت باب الغرفة وراها..وكأنو اني ما اعرف اسده؟اني اساساً تركته مفتوح ..لان احس بالوحدة والضيق وحدي ..يمكن من الهورمونات؟☹️

خلال هذي الفترة جانت نهال تطل عليه وتجيب وياها ليو بين فترة وفترة ..ليو تحب الاطفال-حسب كلامها-بس كل الي شفته منها هو محاولات متعدده لضرب معدتي وبقوة وبحجة انو بالغلط😪😁فصرت اطلب من نهال تجي لوحدها وبدون علم أحد ،هيج أأمن .
رجعت امي ورا دقيقتين :نهال هنا تريدج بسرعة
طبعاً فرحت حيييل😍واخيراً شخص اشاركه مشاعري واحجيله شصار ويايه وشلون تحرك ابني ..عموماً هي هذاك الاسبوع جانت يمي وادري اني مدوختها بكلام مكرر ومستهلك ..بس هي تتحملني ☹️اثبتتلي شكد هيج طيبة قلب..وانو مو كل كتاب باين من عنوانه💔

لبست روبي و صندل البيت
مررت اصابعي بشعري بسرعه👩🏻
واكيد خليت حمرة 💄
دخلت غرفة الضيوف واستقبلتني نهال بالاحضان 🙈:هاي شنو سالي شكد خاله حمرة ومكياج؟
رفعت اكتافي بدون مبالاة:والله ما ادري صايره اتونس بيهن😂وانسى نفسي
:مو مهم مو مهم عندي الج خبر يجنننن
حجت اخر جملة بسرعة الضوء وكل الكلام متداخل ببعضه
:احم احم مستعده؟
:لج اييي دحجي؟
:كرم طلگ سرى واخذت ابنها ورجعت من وين ما اجتتتتت🥳🥳
تعابير وجهي تغيرت!!وانعكست على وجه نهال!رأساً خبّت ابتسامتها العريضة عقّبت
:ااااممااان ،،شعلينه بيها وين ما تروح خل تنقلع ..اهم شي كرم تخلص من هالحِمل!
:منين عرفتي؟
:هو سولفلي ..والموضوع كولش طش ..الكل يسولف بيه على انو موضوع شرف وانو كرم ستر عليها فترة وطلگها..اقصد الناس الي يعرفونها بالخارج ،،اما الي هنا محددد يعرف عدا العائلة 😓
اكولج لا تضوجين نفسج ..اني وياج وويه قراراتج مهما كانت
:تسلمين
جاوبتها بوجه جامد
:يلا داده اني اروح 🥺😬
:ماشي حبي براحتج
كمت باوستها بهدوء واني عقلي كله يم الموضوع..
شجاي يصير؟!