انا وحبيبي ومغامرات بلا نهايه (يوميات فتاة السرطان)

رد الصاع

قبل لا تقرأ صوت
ولا تنسى التعليق يسعدني اقرأ ارآئكم💕

فاجأني دخول امي!!خربت اللحظه
:ماما شنو السالفة؟؟!
:شنو السالفة انتي؟؟جاوبيني شعنده هنااااا؟
اسمعي سالي ..اني طز بيه اني ام
اتحمل دلالج ودلعج وتنعوصج ..بس ابوج لاء..وديني يذبحج
فجوزي احسنلج ..وانت سيد كرم تفضل من غير مطرود ..سالي ممنوع تشوفك الا بالمحكمة..
عاد اني ما تحملت ورفعت صوتي اكثر:ماما هاي شجاي تسوين؟شنو انتو ما تحسون بيه؟؟عبالك اني لعبة؟اني ترا بالغة والي قرار!وهذا الي تكولين عنه (هذا)ترا زوجي!
:عمة اني طالع
ما رح ازعجكم اكثر ..بس رجاءاً
الموضوع حليته ..فلا تأثرون على سالي
خليها تاخذ قرارها ..واني قبلان بي
حتى لو طلبت الطلاق ..المهم اسمعه منها وبكامل ارادتها..
وجهت كلامي اله:اني ما الي اي كلام وياك كرم ..وجهة نظرك وضحتها ..اشكرك
تكدر تروح
انطاني نظرة اخيرة،،وكأنوا يسأل عن جوابي لفكرته؟سويت نفسي مافهمت ..تهرباً من الجواب،اريد افكر اكثر..

طلع كرم ولحگته ماما للباب..سمعت خطواتهم وهي تبتعد ،رجعت الكئابة خيّمت على صدري
فتحت اللابتوب على اغنية sam smith
Fire on fire
نار على نار
Would normally kill us
من الطبيعي ان تقتلنا
But this much desire
لكن بسبب هذه الرغبه
Together we 're winners
نحن فائزون

واخذتني الذكريات الى ان غفيت ونمت ..

بعد اربع ساعات ،فزيت على صوت والدي
ناديت ساندي بصوت عالي ،واجتي تركض :شنو السالفه؟
:بابا عصبي ،ماما كلتله على كرم😬😓
:هممم
همهمت بدون شعور
وقررت اخلي حد للموضوع،لبست روبي وشحاط البيت ونزلت للصالة،بس وصلت عاط بابا باعلى صوت عنده مثل صوت مدفع الافطار:شسوييتي انتي!
:شسويت🥺
:صارلج شهور هنا يوميه قرار وراي ،يوم اريد اطلگ يوم اريد ارجع ..يوم اريد اصلبه يوم اريد احرگه،ولمن يجيج ربع ساعه تتنازلين هيج!؟
:بابا ماتنا...
قاطعني بعصبية اكبر،هالمرة وهو رافع السبابة بص وجهي:اسمعي سالي!قررتي تتركين دوامج امنت بالله ..گلتي اطردوهم من يجون وطردناهم..بس مال هسه يعجبج ترجعين ،فنجوم السما اقربلج ..ويكون بعلمج طلب الطلاق قدمته صارلي يومين والمحامي جاي يشتغل عليه فإنسي ترجعين لأبن احمد الكلب.
رّص على اسنانة بأخر جملتين وصعد لغرفته وتركني متحطمه مثل قطعة ڤاز ارتطمت بأرضية صلبة..
خليت ايدي على جنيني الي تحرك يمكن من غيرته وحميته على ابوه ..ويمكن من رجفة قلبي او صوت جده اخترق الاغشية الجنينة وثقب طبلة اذنه مثل ما ثقب طبلة اذني واستقرت كلماته بنص دماغي!ماكو فرصة للرجعة؟