--حقدي هزم حبك--باللهحة الجزائرية

الجزء الأول- وصدفة لاقتني بك-

السلام عليكم .... بداية بالابطال ...

مروة طفلة من جنوب الجزائر  سنة 18 دات الباك بمعدل مليح  15 ودارت بيطرة فالجزائر العاصمة  بسبب فرط حبها للحيوانات .... هي طفلة دايرة حجاب ملتزم مش جلباب بصح حجاب ملتزم لا يصف ولا يشف مش مزير ومزوق   وما تلبسش السروال وخلاقها الله يبارك وعندها سمعة طيبة ... شكلها طويلة  1,68 مش رقيقة ومش شمينة معمرة شوي عينيها كحولة وشابين بيضة شوية ونورمال فالزين .. بعد ما دات الباك مافرحتش كيما فرحو قاع الناس لانو باباها المتشدد وقفلها في طريق حلمها انو تعود بيطرية وقالها هادي خدمة رجال والعاصمة ما تحلميش بيها ...وهي كانت تبكي وكارهة اللي دات الباك وحتمها باه تدير شريعة هي بقات رافضة انو تدخل مجل غير مجالها وزيد فيه الحفيظة اللي تكرهها بعدما ما تدخلت العايلة تقنع بابات مروه باه يخليها تروح  بشرط انو  مع تغلط ترجع للدار .......

هشام هو شاب عاصمي 23 سنة   متخرج هندسة معمارية ماجور على هداك فتح بيرو وبدا يخدم عندوشهور وقدر يلم دراهم لي يكمل بيها حياتو مع نصيبو على هداك ام هشام خطبتلو بنت خالها  سهام ... هشام شكلا هو حلم كل فتاة  راجل طويييل  1,90وعريض يلبس أناقة والشيك حواجبو غلاظ وشفارو طوااال مش  اسمر ومش ابيض  لكن فالعقليه حتا واحد ما يحملو جاي عصبي واذا تنارفا يقدر يدير اي حاجة لكن فاهم ورزين يعرف وين يحط رجليه ويخمم مليح وحنيييين لكن مع يماه برك والبنات يتجاراو ليه ...خطيبتو سهام طفلة  بلوندا تهبل فالزين عينين خضورا والشعر أصفر حبة ماتتلقاش وحلوة مع العفسات مكاش اللي ما يطيحش فيها  معاندهاش مشكل مع اللبس قبل ما  تتخطب كانت الميني نورمالو والمزير وماتلبسش المستور بصح شرطو عليها تتحجب وتبدل الستيل وهي طفلة تاع موني تتشرا و تتباع  فالبدية كانت رافضة كي تكلمو عليها كان هشام كيما بدا الخدمة ومزال مش ماشية   هذاك علاه رفضت خاصة كي قالولها على الحجاب من بعد كي مشات وجاه الرزق جات هي تجري موراه وتخطبو  خطبة الدود ورقص فيها ... هشام كان يوف فالزواج حاجة نورمال ومش مفكر قاع فخطيبتو لانو مكاش يحبها ...بصح سهام  كان لازم تخليه يحبها على حساب وش قالت لها ماماها 

ماماها : كاش ما جا خبر على السيد هشام 

سهام : ماتزيدينيش تاني نتي ...انا اللي يتمناوني قاع الرجال مفرط فيا وش حاسب روحو والله مافهمت 

مامها : شوفي نتي فات عليك الوقت والخطابا راهم ينقصو بشوي بشوي وراحا من على عامين تلسقيلي في رقبتي هادا احسن واحد جاك ما خلا لا زين لا دراهم و العقلبة بشوي ويتفتحلك 

 زقات سهام : يتفتحلي ..؟ انا  صارلي سمانتين من لي خطبني ولا خبر ..كيفاه تحبيني انا  نفليكسيلو و انا نعيطلو ونصرفلو تاني خير