--حقدي هزم حبك--باللهحة الجزائرية

الجزء الثالث عشر- لم يغتصبك غيري -

طلعت راسها بسياس تقول عرفتني ... وشحال توحشت نشوفك يا عمري والله ماقدرت ننساك... نشوف فيها وتشوف فيا ... عينيها يسقسو فيا وين كنت قاع هاذ الوقت؟؟ علاه جيت هذا وين ؟؟ علاه طولت ؟؟

هبطت راسها وراحت ..عكلتها برجلي جات تطيح جبدتها من يدها وانا نجبد فيها لكلاصة من ذوك الكلايص ...

هي بالسيف تتحرك عيطت فيها ... امششيييي 

تبكي ...خليييني 

دخلتها الكلاصة غلقت مورايا الباب ..شفت فيها وسقسيتها بالعياط وش تحوسيييي ؟؟ وش تحبي مني؟؟؟؟ كي عرفتي بلي ما عندي والو علاه قبلتي ؟؟؟ علاه كملتي في كذبتك ؟؟ جاوبيني ؟؟ وش عندي ؟؟ ما بقالي والو ....جااااوبي 

هي مهبطة راسها وتبكي ...

جاوبيني ذرك علاه مازالك لاسقة فيا ... بقات ساكتة وجات خارجة حكمتها وغلقت الباب ..بقات متكية على الباب وانا داخل فيها ونعيط  : ماتحبينيش علاه قبلتي بيا ؟؟ماعنديش الدراهم علاه قبلتي بيا؟ تحبيه هو علاه تزوجتيني انا ؟؟ ...

خبطت الباب بدبزة : جااااا---و----بيـييييـ ---نيييي

وهي باقية تبكي برك ...تنهدت شوي ... هزيت سبابة يدي ليسرى ومشيتها على وجهها بسياس وكملت لدراعها وانا نقول :: عرفت وش تحوسي .. هذا ما بقالي .. عجبتك ؟؟ انا خير منو فالكور ؟؟؟ تشهيتيني ؟؟ وهي كانت تجبد فروحها مش حابتني نتوشيها

رفدتلها دراعها وعريتو : والله حتى نتي عجبتيني .. وقتاش تحبي اليوم ؟؟ غدوا ؟؟ جاوبي 

هنا هي عيطت خليييييني  اطلق يدي 

انا : علاه ؟ ياك انا راجلك ولا ما تخلينيش بسك مش حابة يمسك واحد غيرو 

هي : خليني الله يحفظك خليني ...

انا : يا موسخة ..انا حبيتك بسك عدبالي نظيفة طلعتي موسخة ..ماعندي ما ندير بيك .. كون جيت شهواني .. نتي ما تجيش في ظفر سهام ...شافت فيا بنظرة قتلتني تاع راك تقارن فيا بيها ..؟؟

انا : روحي برك بينك بين مولاك ...  بصح انا حقي نديه ..

كان المطر قاوي والحال عشية  الخمسة هاك ...انا رجعت للدار .... خديت دوش باه نتنفس ورقدت ...مافقتش حتى العشرة تاع الليل من التعب فقت على صوت التيليفون اللي كرهتو نلقا  22 ابال اون ابسونس من عند وردة ...تخلعت انا وش صرا ...جاوبتها 

انا : وش كاين ؟

هي : وين راها مروة ؟ وش درتلها ؟؟