--حقدي هزم حبك--باللهحة الجزائرية

الجزء الرابع عشر - جميل أن نكتشف حبنا مجددا -

  نضت رحت للطبيب باه نقلو يشوفلي اذا كاين اغتصاب ولا لا والنتيجة   كانت راح تبان من غدوة ... انا رحت لصاحبتها قلتلها تتهلا فيها وما تخليش اياد يدخللها رحت للدار تنفست شوي وقعدت نفكر انو النتيجة راح تطلع نيقاتيف ونعرف باللي المخلوقة هاذي فاسقة واذا نرمي عليها الطلاق ولا نسترها ...رقدت و نضت نلقاها 12تاع النهاار ..ياااااااااابن عمي ذا نوم ولا واش العشية كامل راقد وزيد لدرك ... فطرت و طرت للسبيطار  ... رحت نشوف فيها نلقاها مبتخة بالنوم .. انا وياها نفتحو شركة نبيعو فيها شكاير النوم والله نفوتو اقتصاد الصين ...حطيتلها  الديسار .. ورحت للطبيب ... بعد السلام سقسيتو وش كاين ... قالي هاذ المريضة بانو عليها ياسر اعراض تعنيف فجسمها كامل واثار مقاومة والفحص الداخلي ليها اثبت باللي تعرضت للاغتصاب ... ماكنتش مصدق وش راه بقول 

-راك متأكد ؟؟ 

- انعم متأكد مية فالمية وهاهو التقرير وزيد عندها عدوى ما نقدروش نخلوها تخرج حتى تبرا وياخذ من 5 ايام لسمانة 

انا قمت  ندمااان  لي شكيت فيها مدت روحها وواجعني قلبي مرتي لي ما قدرتش نحميها  .. كون خرجت من ليكول كون ماصرالهاش هاك كون ماشديتهاش انا وعيطت عليها ... انا ظلمتها ... وطعنتلها في شرفها ...لازم انا راجلها نرجعلها حقها ... رحت رفعت شكوى و دفعت معاها التقرير ورجعت للدار شفت كيفاه حقدي عماني .. ووليت نفكرفي وش قاتلي بلي هي  تحافظ على شرفها  و لوكان هي ما خانتنيش وراني ظالمها نهارها ما نقدرش نشوف فيها  ثم انا قررت نتأكد منها وش كانت تدير كي كنت غايب  ...جا اشهار الام بي سي بين عينيا ...هي اللي ملازمتها ولازم تعرف ...كلمت صحبتها قاتلي نتلاقاو فكافيتيريا السبيطار ...رحت وانا نخمم وش ممكن تقلي ...تلاقيتها بعد السلام قتلها 

انا : علابالك بلي كنت في فرنسا ياك ؟

هي : اكييد علابالي 

ثم عرفت بلي ماهيش عارفة بلي كنت نكذب 

انا : تقدري تحكيلي وش كانت تديير كي كنت غايب اذا كنتي معاها 

تنهدت وقالت : اييييييهييييييه منين نبدا ؟؟

هبلتني بيك علابالك كل شوي تقلي دجاجتي في فخونسا  دارت ولبست وكلات وعملت وفعلت 

كل صباح تتفرج ذاك الفيديو اللي صوراتولك ..اللي  نتا اعترفت فيه بلي راك نشرتلها تصاويرها  وتبقا تضحك بالصوت مرة تضحك صح مرة تلعبها .. رسماتك فالحيط 1,90 هو ما يشبهلكش بصح يوالمها بسك في زوج حيوط وما يفهموش...

انا بديت نحس بلي راني ظالمها وظالم روحي  وبلي قاع اللي صرا حقدي هو السبة فيه 

انا : ومنين كانت تعرف وش ندير في فرنسا 

هي : اياد كان يقولها كان لاسق فيها لسقة يجيبلها لخبار عليك من بعد ولا ما يجيش يحكيلها حتى ولات هي تروح تسقسيه و كان متهلي فينا كي خواتاتو الله يبارك فيه 

انا حبسو عندي الحواس وليت بالسيف نسمع : علاه ياك كان عماد يقلها علاه كانت تروح لاياد ؟ مكانتش متعلقة بيه مثلا ؟

هي : الله يهديك ...عماد كان دايما يعاودلها نفس الهدرة حتى كرهت ..اما اياد مام كان يعاملنا مليح كرهاتو بسك كانت تحسو يستغل فحبها باه تسمع اخبارك باش يتقربلها  حتى مرات تجي وجهها مقلوب بسك توشاها 

انا بعد ما سمعت ذيك الهدرة تشوكيت  و مابقالي مانخمم قلتلها تجيبلي تيليفون مروة  نشوفو ..جابتولي وثم ركابيا فشلو كي شفت تصاوري مع سهام عندها  ومبعوثين نهار الخطبة ...واياد مكلمها  ..ثم فهمت قاع المكيدة اللي داروها بش يفرقو ما بيني وبين حبيبتي فهمت بلي اياد قاللها بلي كذبت في فرنسا ومديت ملكي لسهام اللي نحبها كيما دارتلي سهام وشكتني في حبيبتي وضربتها قدام عيني وخلاتني نعتذب بعيد عليها ... نضت ورجليا مش حامليني والدموع يتراكمو في عيني .. رحت لحبيبتي اخييرا ...شحاااال و هي تستنا فيا وانا غايب ...  فتحت الباب شفتها قاعدةفالسرير تستنا فيا عارفتني راح نجيها ...ميلت راسها بجيهة وضحكت كيما اول مرة شفتها فيها .. دموعي طاحو وانا نمشي ونجرجر في رجليا وصلت لعندها درت ايدي في وجهها وقلتلها "حقدي هزم حبك " انا نبكي وهي ثان  فشلو ركابيا طحت فلرض وراسي فحجرها ... وهي تمسح على شعري ووجهي  قاتلي كون تسكت نشريلك بوكسور ... انا ضحكت قتلها ونتي تحبي نشريهلك غوز ...هي حشمت وقاتلي نوظ عليا ...انا نضت شديتها من يديها ولحتها فالسرير وماخليتهاش تنوض  وبقيت نشوف فيها ...دمعة كانت في خدي طاحت ففمها ...قاتلي يعععع مالحة ... قلتلها تحبي حاجة حلوة ؟؟؟ فهمتني حشمت وقاتلي : أرا أرا صاحبي الملح ... هههه انا بقيت نضحك وطحت عليها وتتوقعو وش صرا ... نعم انه اشهار لام بي سي زدم علينا في وضعية حرجة و فسد علينا ...قاتلي لابوليس راهم يكلمولك ... بقات مروة تشوف فيا ..انا خرجت ... عرفتهم بلي حابين يقولولي على الاغتصاب .. حبيت نقلهم يحبسو ما يفتشوش عليه بصح هوما قالولي  العساس تاع ليكول اعترف بلي دخل راجل يعرفو ولقاوه وراه محبوس ..حبيت نقلهم يخلوه المهم مرتي ما تعرفش بلي اغتصبوها مع اني حاب نجيبلها حقا ثم قالي البوليسي بلي السيد اعترف وقالهم ديت دراهم على وحدة وسمها سهام .... تشوووكيت ...كل يووووم صدمة  اقوى من اللقبلها .. سهام وصلت تتعدالي على الشرف تاعي ... بالنسبة ليا فاض الكاس مانزيدش نسمحلها تدخلي في حياتي كثر من هاك راح ندفعها الثمن غالي ونركعها على رجلين مروة .....

يتبع ..........